|
|
 Re: إقتراح تشكيل حكومة نموذجية في السودان (Re: المهدي صالح آدم)
|
الأخ الكريم المهدي صالح آدم
مرحبآ, عاوز حكومة؟ بس كدة؟
بسيطة,
أي و الله
بسيطة لدرجة!
حكومة سيدنا عمرو بن عبد العزيز
حكومة التكنوقراط أي المختصين ففي بلد فيها علي شمو يجب ألا يقدل في وزارة إعلامها سليمان محمد سليمان,مثلآ, و نشوف أقرب قمامة و نلقي فيها بشعار الولاء قبل الكفاءة!
طبعآ هي أحلام صاح؟
لكن صدقني لا حل سوى فكرة أولوية الخباز البسيطة الزمان ديك.
الدكتور محمد يوسف أبو حريرة وزير تجارة خطير إنحاز للشعب على حساب التجار فخرج من الوزارة بظلم ذوي القربى الديمقراطية!
عبد الماجد حامد خليل كان وزير الدفاع و تحدث عن أهمية السلام حديث الذي يدري لأنو تكنوقراط ودة شغلو قام الترابي قال بتهكم{مال وزير الحرب يحدثنا عن السلام} و العهدة على د/ منصور خالد!
أما قولك
| Quote: ؟؟؟ بس أتمنى لأي حكومة يتم تشكيلها من قبلكم أن تؤدي القسم أمامكم أن لا يمتلك احدهم عمارة في الطائف او العمارات او حتى مزرعة سياحية او رصيد في بنوك سويسرا |
فبرغم إنو أقرب للعدل لكن أرجو أن تستثني الجابا بي ضراعو على قول المرحوم د/عزالدين علي عامر حين عاب عليه نواب مهرجون حرصه على التعويضات إبان الديمقراطية الأخيرة.
يعني بعد السلام لو كان وزير الخارجية زول غير د/ منصور خالد أو د/فرانسيس دينج يبقى البلد فعلآ عندها مشكلة إختيار.
وزير الداخلية الفريق شرطة الطيب عبدالرحمن مختار أخو حافظ بتاع الفلوت أولآ ليهو خمسطاشر سنة قيادي تانيآ عمل في أحرج فترات دارفور و كردفان و فاهم شغل الداخلية جدآ تالتن و دي الأهم راسو حلو يعني بيفكر و بيتصرف بي فهم بوليسي و حس أمني و علاقتو بالمدنيين معروفة فقد كان رئيس نادي المريخ و كان سكرتير إتحاد الكورة وزول شديد.
المالية دي إلا المرحوم الشريف حسين الهندي {و عليك الله أقرا الفاتحة لي روحو}.
النائب العام يظبطها ليك تمامآ البروفيسور محمد إبراهيم خليل و هو موجود في واشنطن أنا ممكن أكلموا ليك الليلة بس إنت تقول لي جاهزين.
الصناعة دي نشوف ليها واحد ملحلح و مفتح و سافر كتير و مبدئيآ خالد الحاج في هولندا {قيد النظر عشان أصحابو كتار}.
الزراعة: ياسر عرمان, و صدقني هو من طابت و خابر المشاكل كلها و سياسي تمام بيعرف يديرها.
دي الوزارات المهمة صاح؟
المالية/الخارجية/الدفاع/الداخلية/النائب العام/التجارة/الزراعة
الصناعة/الإعلام.
ترجع الثقافة مصلحة مستقلة و تجيب ليها إسم من أهلها لم يستوزر من قبل لو الأديب الطيب صالح على إستعداد ما في أحسن منو و إلا فممكن أي متلقي حجج من أهلها زي الأستاذ كمال الجزولي مثلآ.
و مدراء الإدارات من البورداب
د/حيدر بدوي.....التلفزيون
المقداد شيخ الدين....الإذاعة
يحي فضل الله......المسرح
بكري أبو بكر مصلحة {المساحة}
أها كدة كيف؟
| |
 
|
|
|
|
الطيب بشير
فيس بوك
تويتر
انستقرام
يوتيوب
بنتيريست