|
|
 في زول منكم يعرف (العنكوليب) دا يبقى شنو؟
|
لما الأخ ابو الريش رسّل صورة الطرادة أعادت لأذهانا اسماء ومسميات حبيبة للنفس في زمانا الجميل الذى ولى وانتهى بكل ما هو جميل فية ,, ومن ضمن ما (حجيت ) به ابنائي (عيش الريف ) و( بطيخ الفقع)و ( العنكوليب ) طبعا عرفو عيش الريف المعروف حاليا ب الذرة الشامي والموجود في ارقى محلات السوبر ماركتات الكبيرة او معروض في بترينات راقية ايام عرض المعارض الدولية
وطبعا عرفو البطيخ لكن فقع دي مافي زول عرف لي.. اما العنكوليب فلقد احسست اني برطن ,, فيكم حد يا شباب بعرف ما هو هذا العنكوليب؟ ولكم تحياتي
أم مجاهد
|
|
 
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: أم مجاهد)
|
العنكوليب والعهدة علي الذاكرة المخرفة
هو سيقان احد النباتات التي تنبت في كردفان و القضارف
اما سيقان الذرة او السمسم او عيش الريف نفسه( ما متاكد)
تؤكل مثلما يؤكل قصب السكر اي تقشر وتمضغ
لها طعم السكر
قشورها التي تقشر (سنينة وبتجرح )
بس اكلته قبل كدا
| |
|
|
|
|
|
|
|
|
 Re: في زول منكم يعرف (العنكوليب) دا يبقى شنو؟ (Re: أم مجاهد)
|
ام مجاهد
العنكوليب ابن عم قصب السكر وخكايته بتذكرنى بحكاية التمساح والورل يعنى ممكن اقول العنكوليب هو البذور التى لا تصل الى مرحلة قصب السكر بل تكتفى بأن تكون
خضراء يانعة تغريك بالنظر
ان دنوت منها استلقت على الارض
معسولة متى سلامتها وهبتك الجزر
وللاطفال ملهاة ان فكر يزوق الاهل
وفى الخريف مولدها والجزيرة هى الام
وفى الخرطوم مدفنها فى الساحات ودور العرض
رايك شنو ده عنكوليبة والله لا
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: بلدى يا حبوب)
|
بلدي ياحبوب
وتاني حبوب
كيف إنك انشاء الله شديد (بكسر الشين)
شغلك نضيف
ياهو زاتو
وزكرتني عمك عندو كارو في السوق ومره لقو عندو ممنوعات محمله من تاجر الشرطه قبضوه وحققو معاهو وفكوه بعد اجاويد
اها لاقاهو تاجر وقالو تعال شيل لي البضاعه دي وكانت البضاعه مغتيه
عمك قال ليهو لا عنكوليب بس
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: ملكة سبأ)
|
ملكة سبأ
والله حددها معاي عديل تبلدينا
لكن ام جقوقة دي قلبتي فيها الهوبة
طبعا ام جقوقة دا اسم دلع ساي
اصلا الموضوع انه السمسم بعد يتعصر في معاصر الزيوت
ببقي امباز هاهاهاهاها بس هو لسع لين كدا بدوهو شوية سكر
وياكلوه .. عليك الله السودانين ودناوتهم امباز البهايم
ما خلوهو ليهم قال ام جقوقة قال
لووووووووووووول
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: اساسي)
|
طلعت خبرة قلت لى
وكلام هنكشة طلع هبوب ساااك
غايتو نحن سمعنا بام جقوقة سمع
لاناس زراعة سمسم ولا شفناهو ، بلح يارسول الله
والنفوس كان اطايبت ام جقوقة تكفي مية
والبهائم برضو بطعمو ليها ؟
لووووووووووووووووووووووووول انا ذاتي
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: ملكة سبأ)
|
اساسى .. سيقان سمسم ؟؟
ملكة سبأ يبدو انك عاصرت معصرة الجمال
الغريب يا ام مجاهد ان الرائع الراحل مصطفى سيد احمد
تغنى كثيرا بمثل هذه الاشياء
كونشبر .. طوريه .. منجل
ومن الواسوق ابت تطلع
لكن الحناكيش يحفظونها ويرددونها كالببغاوات دون معرفه
ديكو
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: أم مجاهد)
|
انا يا خالتو ام مجاهد ما بعرف البتاع ده..اسمو شنو الاونكليب...لكن بعرف التانى البقشروهو ومرات بعملوهو عصير...ينفع
فى الجامعه كان عندنا صاحبنا بقرأ معمار,وهو لو ما شاطر جنب عماره ما يجى ماشي خليك من يخططا,كادح ابن كادح ومن نيالا كمان..المهم فى المحاضره الدكتور طلب منهم يعملوا حاجه عن قريه سودانيه,وقفت واحده :يا دكتور انا ماشفت قريه لكن شفت مدنى,ممكن اعمل بيها الشغل!!!!!!!!؟؟؟
اها فيكم زول بعرف ام كرم كرم؟؟ ناس الصعيد ممنوعين من الاجابه خاصه سنجاوى وبنات قوته
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: أم مجاهد)
|
تبلدينا
خبير في التراث الكردفاني
ونتمنى منك مواصلة نشرك لتراث كردفان وذكرياتك عن تلك المنطقة
العنكولين قطع يدينا
وبعدين التبش واللوبيا
والهالوك
وفول انقوي
ولبن دري
وذكريات ايام وايام
اتمنى منك - تبلدينا - اثارة هذه الذكريات فينا
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: خالد الحاج)
|
خـالـد،
أنا مولـود يوم واحـد واحـد.
أسمــع..
المهـم إنو لقيــط القطن كان الرطل بمليمين (كدا حتة واحـة)، والنســوان الكانو بلقطـوا القطن فى مزرعتنا، (الوكت داك الحجاب لســه ما جا...
بالتـوب والطـرحـة...
تبـرج ســاكت قال ليك)..
كانوا الواحـدة فيهم لو عملت ليها سبعـة قروش وتلاتـة ملاليـم، تانى يوم ما بتجى..
علبـة اللبن كانت بى تلاتـة قروش.. تتذكـر علبـة اللبن، علبـة طويلـة أكتـر من رطل، حوالى رطلين كدا.. أســاســا كانت بتجى فيهـا الكراميلا!! الحلاوة المكورة صغار صغار.. أنا كنت أحب اللون الأخضــر لأنـو طعمـو كان حاد مع الحلاوة.. (فيما بعـد عرفت إنو الطعم داك كان من مادة الـ MINT المضـافـة ليـه) بعدين عنـدنا فى الشــرق، الرشـايـدة بيبيعــوا بيهـا اللبن.. ناصبين خيامهم فى وســط الخـور.. وأنا بيرسلــونى للبن مرات بعـد المغـرب.. ومن بيتنا لحـد الخـور لازم أمـر بالخلا.. بمشى على أنغام المـرافعين البتضحـك بصـوت عالى يقطــع القلب 
طبعا الرشيـدى لامن تمـد ليـه الشلن بالليل، وهـو ما شـايفـو، خصـوصــا لما ما تكون فى قمــرا، يقـوم يعمل ليــه check .. يحك بيـه أسنــانو، فإذا ما عمل صـوت معناه الشلن دا مــزور..
أها يا خالـد رأيك شنـو هـسى ، أديتك اليـوم والشهــر، والـ HINTS دى كلهـا عشـان تورينـا شطــارتك وتطلـع لينا السنــة.. قصـرت معاك؟
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: Abureesh)
|
Quote: طبعا الرشيـدى لامن تمـد ليـه الشلن بالليل، وهـو ما شـايفـو، خصـوصــا لما ما تكون فى قمــرا، يقـوم يعمل ليــه check .. يحك بيـه أسنــانو، فإذا ما عمل صـوت معناه الشلن دا مــزور..
|
أها يا أبو الريش العمر عرفناه أتاريك يا زول( مومية) عديل كده
لكن نسألك الكان بيزور ليكم الشلن منو
| |
|
|
|
|
|
|
|
|
|
Re: في زول منكم يعرف (العنكوليب) دا يبقى شنو؟ (Re: خالد الحاج)
|
"أها يا أبو الريش العمر عرفناه أتاريك يا زول( مومية) عديل كده
لكن نسألك الكان بيزور ليكم الشلن منو"
خالـد،
لو رديت على سـؤالك الفـوق دا حتطلعنى من العصــر الحجــرى، لكن الموميا دى راضييييييينبا،
فى الحقيقـة ما كان فى تزويــر، لكن كانت فى فطعـة معدنيـة قدر الشلن بالظبط، بس ما فيهـا الشــرشــرة بتاعتها.
أكتـر قروش كانت واضحـة هى الفرينى لأنـو كان شكلـو خماسى (بنتاقـون)، والتعـريفـة عشـان كانت مقـدودة.
| |
|
|
|
|
|
|
| |
Rawia
اساسي
بلدى يا حبوب
ود شندي
willeim andrea
Abureesh
ملكة سبأ
ghariba
دورنقاس
فيس بوك
تويتر
انستقرام
يوتيوب
بنتيريست