|
حليل النايب
|
ما أقسى أن تفقد عزيز لديك...كان يشاطرك الابتسام ويذيد وجهك بريقا كلما المت بك الافراح....
بعد كل هذه السنين من الكفاح يغادرنى هذه الايام والى غير رجعة وفي احلك الظروف.... كم أكلنا سويا وضحكنا معا ملء الفم... كم فرحت به امى ايما فرح حينما اتى ومعه الحمى...
كم كان درعى عند الملمات ... ها هو الان يذهب ويتركنى وحيدا...
ولكن عزائى ان الاسبير ما زال موجودا تحته...
وعشان ما تقولو عجوز...
ده كان نائب اللبن.. يعنى بالعربى كده لسه بسنن... يعنى بتقوم لى سنون لسه...
عزونى في نائبى لا أطاح الدهر لكم نائبا فى الفم او في البرلمان... أمين
|
|
|
|
|
|
|
|
Re: حليل النايب (Re: sentimental)
|
الليييييل الليييييل سنتينا سنن والنايب عليهو اتجنن اتورمت جضومو واضينو صنن من شد الالم كسر ضرسو السليم ولعين الشمس فننننننن
| |
|
|
|
|
|
|
Re: حليل النايب (Re: HOPEFUL)
|
اللييييييل يا السنتى المن غير سنون يا المحظوظ يا الوفرته حق المعجون تبارك الله الخشم وسع تقول صالون من براحو تشوت اللقمه آوت تدخل قوووون
| |
|
|
|
|
|
|
Re: حليل النايب (Re: HOPEFUL)
|
اللييييل يا السنتي يا ابوجُضماً مورم كيف الحال لو زُرتا قرانا ومضِيفك قال حرم وضبح البهيمه الماكنه سكينو ملاها دم كيف يكون الحال واكل اللحم عليك محرم
| |
|
|
|
|
|
|
Re: حليل النايب (Re: sentimental)
|
حلاااااتو السنيتي كسر سنونو اللبنيه حلات جضيماتو امات لمعه خليجيه وحلات ورمن وليدي سنن جيد ليه بكره يكبر والصلعه تبقى طاقييييه
| |
|
|
|
|
|
|
Re: حليل النايب (Re: sentimental)
|
صدقنى نايبك حينسل من كثرة القرض وعض النواجز...
بالمناسبة انا قاصد الناجز... وليس النايب مش هو نمرة اتنين من سن الفار?
الواحد نايبو يكون عاضى احسن من راسو يكون عاضى ...مش?
| |
|
|
|
|
|
|
Re: حليل النايب (Re: HOPEFUL)
|
سنتمنتال العزيز تحياتي ( نايبك ) دة كان ( ضرس ) منتخب ولا تعيين في برلمان الأسنان ؟ على كل حال و في كل الأحوال : عوضك الله عنه ( نايب ) خير و أطال عمرك و حفظك لنا.
| |
|
|
|
|
|
|
Re: حليل النايب (Re: sentimental)
|
لعبات حلوه يا أولاد هبفول : إنت ما كويس طيب جادعنك مالك ! سنتي : ما شاءالله ، عين واحدة بتسحر ، كمان تلاته يا مفتري ، الله يستر على البنيات الشفتهن مبحلقات اليوم داك ، ولسان عيونن تقول ، بسمالله ، ماشاءالله ، إسم النبي حارسو
| |
|
|
|
|
|
|
Re: حليل النايب (Re: Mayada)
|
سنتيمنتال اخوى
Quote: ولكن عزائى ان الاسبير ما زال موجودا تحته... |
يااخوى اتبن الاسبير امكن يكون مبنشر
عمرك يطول وفمك ما يشوف الطقم
ليك كل الامانى الطيبة فى صحبة باقى السنون لباقى السنين
| |
|
|
|
|
|
|
Re: حليل النايب (Re: sentimental)
|
سنتمنتل و هوبفل انتو جادين ياخ ماتقلع نايبك ولا حتى ضرسك فداك الفين نايب والفين ضرس وياهوبفل والله وقفته مع سنتمنتل ده وقفه جد تشكر عليها مافي زول ازرو في قلعت ضرسو ده زيك ماقصرته تب وان شاء الله انت وهو مايفضل عندكم سن حايم من كترت ماتعمروا تنعوا ضروسكم وسنونكم سن سن وضرس ضرس وتشوفوا عيال عيال عيال عيالكم لكم التحايا والعمر المديــــــــــــــــــــد اختكم نوف
| |
|
|
|
|
|
|
Re: حليل النايب (Re: sentimental)
|
ياسنتمنتل انا قلته ليك فداك الف ضرس ودعيت ليك تشوف عيال عيال عيالك وتعمر لمن تقلع ضروسك كلها ابقى زعلانه كيف؟!!!!!!!!!!!!!!! ده بدل ماتشكرني على الدعاوي السمحه دي وتقول امين حسه لو كان قلته امين وصادفك ملك مش كان دعوتي استجابت بدل ماتسال انا زعلانه ولا مالي؟ لكن مامشكله تاني بدعي ليك لك التحايا والعمر المديد(قول امين) اختك نوف
| |
|
|
|
|
|
|
Re: حليل النايب (Re: sentimental)
|
أاااااااااااميييييييييييييييييييييييييييييييييين. الهم اجعله ضرسا ضروسا وخشما محروسا...وذهبا وفلوسا
والقى ليه عروسا
اميييين
| |
|
|
|
|
|
|
Re: حليل النايب (Re: WaD OmI)
|
بت امي ازيك
عليك الله كل ما تلقي نايب السنتي دا واقع ارفعيهو ليهو .. عشان كبر وما بشوف ..ساعديهو
--
سنتي ... هو كان مسوس؟؟
| |
|
|
|
|
|
|
|