|
|
 عايز اكون ممكن .... ?
|
عايز اكون ممكن
عايز اكون ممكن اكون ؟
ارحل معاى كل الحروف
البتلملم عرق عصبى الحنون
كيف اكون ؟
كيف استطيع جمع المسافات
الفينى من دون سكون ؟
اشتاق لحبات نداى تبقى الفرح
واشتاق لساحات غناى تبقى الجنون
جنون الهوى الكانت فريدة ومرات بدون
عايز اكون
مرات كتيرة اقول بديت
وألقانى من اول بداية شراها السهر
كل الخصال الفينى كانت
شالا الهوى وداها البحر
كل النواحات الدافئة فى عمقى الكبير
تبحث قبلما تلقى الجواب
ترجع مسافات بعيدة تفارق احزان السفر
اجمع هناك كل الكلام الداير اقولو
وقلتو لى وكت العصر
لكنى ارجع من جديد
تلقانى زى انسان شريد
ماسك غنيوات التعب الفينى زى
افران بتغلى بالحديد
حبى انا
حبى الوليد
ممكن احب من دون حبيب ؟
اعتقدت الحب اكبر من نهايات
كلما ابحرت تلقى المزيد
الا السفن وقفت هناك
قبطانا يهوى الدوزنات
الموانى الشايلة ريدى
غرقت بدون الموية تاخد
لون الهنا
لون الحضور الفينى لون
السمحة ست البنات
يا انت يا كلك ازاهر
انت يا اخطر منى
انت يا اجمل صفات
بيك تجمعنى الملامح الفاتت قبيل
تانى برجع ليك من غير إلتفات
نفسى انا
حبى انا منى ليك وردة حضور
والحزن يا اجمل صفات
عدى فات
عندى كلمة احب اقولا
بكم الحب اينما تكونوا ايتها السيدات والسادة فلذات كبد وطنى الحميم
الفاتح الصادق
14/02/004 م
|
|
 
|
|
|
|
alfatih
فيس بوك
تويتر
انستقرام
يوتيوب
بنتيريست