يا حليل جدي أب عكازاً مضبب والله دا يوم جاء من السوق لقى الغداء لسه ما اتعمل أها بالعكاز حام الفريق كلو يدي الولد عكاز والمرة عكاز وراجلها أب كرشة عكازين كنا كلنا طبعاً في حوش واحد والله أنا بس مرقـتـني جدادة كنت ساكيها عشان الغداء المشؤوم دا قبضتها وضبحناها ونجنضاها وبعد التعب دا كلو مالـقـينا رغيف الله ينعل ابو العولمة بت الكلب العولمة جابت ليها غسيل عدة وإحترام النسيبة أم لساناً طويل وكمان غسيل ملايات ولبع !!! كدي شوفوا مشكلة الراجل الحيوان دا قرأ تها امس بصحيفة خليجية قال أنا مواطن قال 00 { بس الواحد يعجبك في مواطن دي } أعمل في وظيفة مرموقة ودخلي المالي جيد 00 ولي ستة من الأبناء والبنات 00 مشكلتي تكمن في زوجتي 00 فهي بمجرد أن تغضب مني تقوم بالهجوم علي وضربي أمام أبنائي ضرباً مبرحاً 00 يصل في بعض الأحيان إلى فقدان القدرة على الحركة { كويس بقت على قدرة الحركة بس }ومرات تشوتـني شوتة واحدة من غرفة النوم لحد المطبخ ارجوكم لاتضحكوا ومازال الحديث للراجل الـتـخة دا 00 فأنا رجل نحيل الجسم وزوجتي مستصحة لا استطيع مقاومتها ولاحتى الدفاع عن نفسي ناهيك عن الـتـفكير في منعها من ضربي 00 بل أنها أحياناً تضعني على الأرض وتجلس فوقي وتضع يدها في فمي حتى أكاد أخـتـنـق ولولا تدخل الأولاد { وفزعتهم } لكنت في عداد الأموات 00 أخشى إن طلقتها أن يتشرد أبنائي وبناتي 00 أو أن تحرمني من رؤيتهم كما أن وضعي كرجل لايسمح لي بأن آخذ أغراضي واذهب لبيت أهلي 0 ياجماعة الراجل دا بـيـسأل عن جمعيات لحماية حقوق الرجل 0 الله يرحمك ياغاندي يوم أن تقدمت بكل شموخ مسيرة الملح وأنت حافي القدمين وشاهدنا بعدك في عصر العولمة على شاشات تلفزيون دلهي أكثر من مليون رجل بكامل شواربهم يتظاهرون ضد ضرب زوجاتهم لهم 0 الغريب ان في هذه المظاهرة أن هناك نساء خرجن متعاطفات مع هؤلاء الرجال المضروبين !!! ومسيرة مشابهة في أمستردام إحتجاجاً من الرجال على غسيل العدة { الله يستر مايكون عبد العزيز خطاب وسط المعمة دي } قال فريزيان قال
تعاطفنا بالأمس مع رانيا الباز فهل بنفس القدر سنـتـعاطف مع هذا الزوج المضروب ؟؟ وهل ظاهرة ضرب النساء للرجال متفشية عندنا ؟؟ قال الجميلة والوحش قال !!!!
05-18-2004, 11:38 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
هييييييييييييييع والله أنا.. أسكت ساكت مافي داعي... والله فت طقة... تدق منو؟؟؟ أه علي باليمين أحححححححححح نحن أولاد بلد نقعد نقوم على كيفنا في لقى في عدم دائماً مخرف صيفنا أنحنا أبوخرس (إنت أبوخرس دا ببقى ليك ياأبوحراز) بنملاهو وبنكرم ضيفنا أنحنا الفوق رقاب الناس دائماً مجرب سيفنا
هسع دا معرس ليهو مرة ولا أبوغريب؟؟؟
05-18-2004, 12:04 PM
ابوحراز
ابوحراز
تاريخ التسجيل: 06-27-2002
مجموع المشاركات: 5515
يابدر الدين شناة الزول مما يكون كلامو نحن ونحن ونحن دا أكيد زول بتاع جلد ساااااكت يعني بيكون ضاق ليهو خبطة خبطتين شوف أنا حتى لو دقتني فلابد أن تكون دقة بشرف يعني دق السفنجة دا مشكلة ميتة وخراب ديار
05-18-2004, 12:27 PM
ابو جهينة
ابو جهينة
تاريخ التسجيل: 05-20-2003
مجموع المشاركات: 22552
زمان كانوا بيقولوا ( ضرب الحبيب زى أكل الزبيب ) أتاريهو كضب ساكت ،، هو زى الزبيب لغاية ما تقع تحت رحمة إيديك ،، و ساكت كان نقنقت ،، اللبع يبدأ.
ثم جاء زمن وزير بريطاني ،، إسمو ( بروفميو ) على ما أعتقد ،، أها دة أول واحد يظهر للعلن و يوري الناس إنو غريزتو الجنسية ما توصل ذروتها إلا إذا ( ضربتو ) المرأة علقة ساخنة بعد أن تربطه على أركان السرير ( ثم صارت موضة عينك يا تاجر و ليها أماكن و ليها مدربات و متدربين و متدربات ) .. أجارك الله و إيانا ..
ثم جاء زمن الراجل داك ،، واقف قدامي في صف مطار الخرطوم و ماشين على التفتيش الأخير و منها للباص البيودي للطيارة ،، عليك أمان الله يا أبو حراز ، الزوجة تناول ليك الراجل كف ( أنا أضاني صنت منو ) و قالت ليهو ( أنا بعرف شغلي معاك هناك في الرياض ) .. طيب قدام الناس ناولتو كف ،، في الشقة المقفولة شن بتسويلو ؟؟ و الله ما فتح خشمو ،، بقى يشاغل في بتو الصغيرة المذهولة ..
هذا زمن الوحشية و الحمل الوديع يا ربي ؟؟؟
أرقد عافية أبو حراز
05-18-2004, 12:34 PM
سجيمان
سجيمان
تاريخ التسجيل: 10-03-2002
مجموع المشاركات: 14875
الحبيب ابوحراز الله يفضحك يالفضيحة وأنا سوف اوفى بوعدى واشرك ست النفر فى النت مع سوداتك مع ارسال جهاز كمبيوتر عشان تشوتك بكراعها الطويله شلوت تحلقك المواطن قال مواطن قال
بعدين مسيرة امستردام دى ما سمعنا بيها والا كان تلقانى شايل اللافتة قدام الجماعة
وبعدين لو فى مسيرات تانية كلمنا من بدرى لأن مواهبنا اصبحت كثيره وبنلعب فى كل الخانات قال رونالدينهو قال
لك الحب والتحية
05-18-2004, 01:22 PM
nada ali
nada ali
تاريخ التسجيل: 10-01-2003
مجموع المشاركات: 5258
ابوجهينة سجيمان الظريف خطاب منوبيا ندى ضربتو عديل كف في المطار غايتو لو كنت ضابط في المطار ما كان خليت صاحبنا دا سافر المسافر ليها شنو يعني كمان عاوزين يوروهو العين الحمراء في الرياض هو في عين حمراء أكتر من كدا قال جدودنا وصونا على الوطن قال صاحبنا دا تفتكر حا يقدر يحرس الوطن ؟؟؟ تعرف جدنا دا كان مشهور بـتـفرتـق الحفلات شفت الجماعة بتاعين الزراير البيقشرو وبيجو الحفلة بكروه موووووت تعرف دا عندو حساسية تقول مع الدلوكي على قول الشايقية مما يسمع صوتها يجيك جاري وأول شيء يدي الرتينة عكاز وبعديها الدلوكة طبعاً حاتقولوا لي ناس الحفلة ووووووووين ديل أول مما يشوفوه رجال على نسوان بنطوا بالحيطة
للذين يسألون عن ست النفر فهي مسكينة جداً كمان في إجازتي دي عرفت سر غريب جداً وسوف استفيد من هذه الثغرة في زواجي تصوروا دي بتخاف من الدودة انشاء الله قبل الزواج بكم يوم كدا حايكون عندي مجموعة كبيرة سوف أحملها معي ابتداءاً من الفندق
05-18-2004, 06:38 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: فأنا رجل نحيل الجسم وزوجتي مستصحة لا استطيع مقاومتها ولاحتى الدفاع عن نفسي ناهيك عن الـتـفكير في منعها من ضربي 00
الجـابروا على جنس دا شـنـو...؟؟؟؟؟ هــو من الأول ما فكر و درس الموضوع من كل جوانبو و وضـع كـل الإحتمالات لـــيـيـيـيـه يعني ما عمل حساب حاجة زي دي ليه
غايتو يا أبو حـراز قالو مصائب قوم عند قوم فوائد كـدي راجع حساباتك و أوزن ست النفر بتاعتك دي و شوف الوزن كيف معاك و كمان ما تنسى مقاس الجزمة كم و مقاس الغوايش كم علشان ديل بحددوا ليك قوة الكـف و قـوة الـشـلوت علشان ما إجيبوك الأخوان من بيت الجيران
05-19-2004, 07:23 AM
ابوحراز
ابوحراز
تاريخ التسجيل: 06-27-2002
مجموع المشاركات: 5515
ABUHUSSEIN ابوحسين 00 طبعاً الوزن 56 بالله تقول متفقات عليها كل واحدة تسألها تقول ليك 56 كيلو مرات الواحد تقول بتوزن نفسها من الخصر ولفوق والعمر طوالي 21 ست النفر كلما ارجع أسألها اها عمرك كم طوالي 21 يعني فترة إغترابي كلها ماقاعدين يحسبوها
05-19-2004, 11:06 AM
عاطف عبدالله
عاطف عبدالله
تاريخ التسجيل: 08-19-2002
مجموع المشاركات: 2115
أبو حراز الله يجازيك الكلام ده بتجيبو من وين؟ تعرف لما تقفل معي بدور على بوستاتك .. مش فقط لأجل كتاباتك المبهجة بل لأنها بتعدي وكل التعقيبات عليها ذكية ولماحة بعدين يا أخي ست النفر تعبت ريحوها شويه تلقاها منك ولا من أصحابك؟؟
05-19-2004, 11:24 AM
ابوحراز
ابوحراز
تاريخ التسجيل: 06-27-2002
مجموع المشاركات: 5515
أخي عاطف أتمنى ان تكون كتاباتي بهذا المستوى من الأريحية والحب اشعر احياناً بانها بسيطة جداً وتملأ الباندوث أكثر من اللازم لكنني سرعان ما أدفعها للبورد دون تردد علها تلطف الجو قليلاً وكم أتمنى أن تكون كل مواضيع البورد متـنفساً لنا جميعاً ست النفر الإنسانة الأسطورة هي أنموذج لكل إمراة تحب بصدق وبعفوية وأنموذج لكل إمراة بسيطة وأنموذج لكل إنسانة غير معقدة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة