|
تمبس وسمندلاوى وكل الحيران - بكره الخميس سمندلى
|
هدا من هسه كلمتكم
جهزوا المشاعر زينوا ساحات الإشتهاء بى بهرج الشوق المقيم الدائم وورد المحبة بكل ألوانه
بكره الخميس، وعلى قناة الأزرق اللازوردى حنحتضن سوامق السمندل شباب بى طعم الوطن وعذوبة الأهل وطرب كل الحياة
بكره السهرة سمندلية على ضفاف النيل الأزرق
الساعة تمانية مساءا بتوقيت الخرطوم ومدنى ونيالا وكسلا وجوبا والأبيض وسنار وعطبرة ومروى وحلفا والفاشر ودنقلا
الساعة تمانية مساءا بتوقيت المحبة
وجهزوا العدة كلها والعتاد
أوعى تفلت أى نغمة أوعى تهرب أى موجة مموسقة
والتسجيل بالله لازم يكون كامل البهاء وكامل الدسم
حيكون فى اصوات متفردة وعجيبة
الهادى حامد وليد زاكى الدين
ونتلاقى فى الأفراح
والليل سمندلى الحضور
وليكم الود كله
أبوذر
|
|
|
|
|
|
|
|
Re: تمبس وسمندلاوى وكل الحيران - بكره الخميس سمندلى (Re: zumrawi)
|
شكرا يامطر علي المتابعة الجميلة هاتفني احد الاصدقاء من اعضاء السمندل .. بمواعيد الحلقة من لحظة التسجيل .. وكنت في انتظار البوست التنبيهي من طرفك وكل يوم اقول ياربي المط ده مالو اتاخر .. علي كل سأقوم بتسجيل الحلقة ان شاء الله من قناة النيل الازرق بالصورة والصوت والفيديو ..واذا كان هناك طرقة ساقوم بتنزيل كل الاعمال بالفيديو او إذا تعذرت فالبصوت .. معك انتظر اللقاء بتوقيت الشوق ...
| |
|
|
|
|
|
|
Re: تمبس وسمندلاوى وكل الحيران - بكره الخميس سمندلى (Re: THE RAIN)
|
الأعزاء
منعمشوف Sudnawi زمراوى علاء تمبس
والله الأسف كيمان عشان ما قدرت أتابع الموضوع معاكم، كنا اليومين الفاتو مشدوهين مع الحبيب خالد الحاج، والمؤسف أكتر إنه أنا ما لحقت الحلقة إلا لما بدأ الهادى حامد يغنى "بفرح بيك" يعنى فى الهزيع الأخير، أما الباقى فكله فاتنى والله، شفتو المغسه كيف
وحبيبنا بكرى السمندلاوى برضه مختفى ليهو مدة، انشاء الله يكون طيب وبألف خير
ومرة تانى إنى أعتذر عن النسيان وليكم المعزة كلها
| |
|
|
|
|
|
|
|