|
Re: جبر الله عصام .. فى أمستردام (Re: خالد الحاج)
|
يا صديق الجنوب الشحمان، كل سنة إنت والوليدات وأمهم طيبين إنت يا خال الحاتجيب هديماتك!! .. إنت نسيت وعدك بالمبيت عندنا فى عرس طارق أبوعبيدة .. أها الليلى البفكك مننا شنو ؟ لوووووووول
| |
|
|
|
|
|
|
Re: جبر الله عصام .. فى أمستردام (Re: منعمشوف)
|
يامنعم ياشوف بختكم , انا طبعا مازلت ابحث عن حجز الطيران الوقت دا كلو فااااااااااضى بس لما جاء دورى للسفر ,,, قالو خلاس ستفت قلوبنا معاكم لكن مازلت املا فى الحصول على مقعد اصلو طارق دا زولا يستاهل كل شئ حلو المهم , عندى اقتراح حقو ترسلو لى طيارة خاصة لووول بختكم تانى تحياتى
| |
|
|
|
|
|
|
Re: جبر الله عصام .. فى أمستردام (Re: منعمشوف)
|
والله تتحسدوا يا منعمشوف..
اها الوصيه فى الذمه..هاك "قلوبنا" دى واول من الحبايب يتلملموا..تطلعها وتختها فى الكرسى القدام "معكم" ...تحضر العرس..وتوزع العشا .. وترقص فى الحفله..وتقرقر مع الاصحاب..وبعد داك تلم الكراسى والساوند..وترسلها لينا راجعه..
تحياتى للعرسان ولصام جبر الله..والجمع الكريم.. الف مبروك
| |
|
|
|
|
|
|
Re: جبر الله عصام .. فى أمستردام (Re: NGABY AJOOZ)
|
اخونا منعمشوف ....
تحياتي و كل سنة و انت طيب
لو عصام جلحاتو زادت عليك الله بلاش من حكاية الصور دي
و خلينا مع صور ناس خدر بس ... الدنيا عيد و اعراس و كدا
و الله بختكم .... شهيتونا البرامج
ملاسى
| |
|
|
|
|
|
|
Re: جبر الله عصام .. فى أمستردام (Re: abdelrahim abayazid)
|
العزيزة جداً تماضر والله اللمَّة لذيذة وحنكون بالجد فاقدنكم ولو فتشتوا قلوبكم عشان تدونا ليها ماحتلقوها .. لأنها أصلاً معانا يا حنينة
يا خدر الحقيقى .. حتقلع إسمك متين من خدر العريس
تشكر يا ابايزيد على الكلمات الطيبات تمنينا لو كنتم معنا .. لكن الجايات أكتر من الرايحات
وأنت طيب يا ملاسى وربنا يحقق أمانيك .. بعد معالجات مضنية إتحصلنا على صورة واحدة فقط وجيهة لضيفنا العزيز وهو مشاركاً العريس فى الحنة
| |
|
|
|
|
|
|
Re: جبر الله عصام .. فى أمستردام (Re: منعمشوف)
|
والله ناس هولندا ديل دايما مثيرين للجدل . بختكم تراكم متونسين . مبروك ياعريس وربنا يتمم علي خير تغلبا بالجلدرات و تغلبك بالبنات و عصام جبرالله والله لسع شباب ولكن الصلعة دي اشنو باخوي ,
| |
|
|
|
|
|
|
Re: جبر الله عصام .. فى أمستردام (Re: أحمد أمين)
|
الأعزاء جداً Yassir7anna شكرا ليك انت على التواصل الانيق وربنا يجمعك باصحابك كلهم
Raja وانت طيبة يا بت يا حبوبة يا زينة طبعا انا قلت اسال عصام قبل ما اكلم خدر عصام قعد يقرط فى ضفورا ويرسم فى الواطة باصبع كراعو اليمين الكبير وقال: ختيتة غى الكشف بإسمى لوووووووول شحمان .. وضحكات عريـــضـــــة
Khalid Eltayeb اولا مرحب بيك كتير فى البورد وأتمنى ليك وقت ممتع معانا تعرف يا خالد الهولنديين نفسهم مثيرين للجدل خلينا نحن الجينا أول امبارح
Adil Ali تشكر يا جميل ونردها ليك فى افراحك
بكرى ابوبكر تشكر يا كابتانو على المرور من هنا وعندى ليك صور ناس تانين ممكن جدا يكونوا زملاء دراسة
ميسرة محمدصالح
أبوبكر عثمان وعبدالماجد الرشيد
خالد الطاهر
أحمد أمين والله عصام ده جاء يوم الحناء واطاح فى إنقلاب أبيض بالوزير المُعين من قِبَل العريس
Tumadir انت لسة يا حنينة متربعة قدام الشاشة خالد الحاج قبيل قلع منى الورق وذاع البيان من إذاعة البرنامج التانى
| |
|
|
|
|
|
|
|