|
Re: مصر المأمنة!! (Re: محمد أبوالعزائم أبوالريش)
|
Quote: ببعض السودانيين الذين ما أن يلتقوا بمصري- حتى و إن كان مبلط قيشاني - إلا يحاولون التحدث بلهجته!! |
دي طربة مسلسلات ساكت يا حسين اخوي...
المبلطين والطلب...لابد حا ينشروا ثقافة السلام
| |
|
|
|
|
|
|
Re: مصر المأمنة!! (Re: Hussein Mallasi)
|
Quote: خطأ كيبوردي قلنا نصلحه قبال ما يجي طاير فينا شلاليت |
يازول إنت خايف من الشلاليت؟ في المنبر ده في ناس كبااااار إتشلتوا. نحن كمان مع شنو؟
| |
|
|
|
|
|
|
Re: مصر المأمنة!! (Re: Hussein Mallasi)
|
الأخ ملاسي ياخ والله خليني أختلف معاك في مضمون و جوهر البوست بتاعك دا
أولاً و الله أن يفتح مثقف مثلك بوست و يعنونه "مصر المأمنة" فينجذب اليه و يقرأه ألاف المعجبين و المداومين علي قراءة كتاباتك المثيرة للجدل تارة و المثيرة للهزل و الضحك تارة أخري "و أنا من هؤلاء القراءْ بالمناسبة" متعرضا في هذا البوست لعمل بذل فيه من الوقت و العمل و الجهد المتواصل و المقدر ما بذل وأن لا يتجاوز تدوين إنطباعك هذا بضعة سطور "سالبة"! …. فوالله أعتقد إنك قصرت في حق مجهود كبير وعمل مليان زي دا و أفتكر إنو التوفيق ما حالفك إطلاقاً.
| |
|
|
|
|
|
|
Re: مصر المأمنة!! (Re: Hussein Mallasi)
|
الاخ حسين
شاهدت العمل .. وصدقا هو صورة مشوهة جدا لمدحة الشيخ البرعى مصر المؤمنة
.... ما عارف فيها شنو لو المصريين يتعبوا شويه ويحاولوا يفهموا ما نقولة مدحا وتوقيرا لبلادهم .. الامر اشبه بان تقدم هديه لاحدهم وانت مطأطأ الراس وخجل
تحياتى
| |
|
|
|
|
|
|
Re: مصر المأمنة!! (Re: Hussein Mallasi)
|
سلامات يا عمر إبراهيم
Quote: متعرضا في هذا البوست لعمل بذل فيه من الوقت و العمل و الجهد المتواصل و المقدر ما بذل وأن لا يتجاوز تدوين إنطباعك هذا بضعة سطور "سالبة"! |
اجتهدت - يا عمر - لأكتب بعض السطور "الموجبة" إلا انني لم أجد؛ و لكن لا بأس .. دعني أحاول مرة أخرى .... عسى و لعل.
_____ دا لو كان زول تاني يا عمر كان قلت ليهو خليك مني؛ و ريني انت أي ايجابية لهذا العمل. تحياتي لإيهاب؛ قريب كم و عشرين سنة ما لاقيتو.
| |
|
|
|
|
|
|
Re: مصر المأمنة!! (Re: Hussein Mallasi)
|
مداخلة طلال عفيفي دي لازم تكون في المقدمة دائماً:
Quote: قرابة العام ، يا حسين (ويا ناس) وأنا أسمع عن هذا العمل وأقرأ عنه في الصحف والمجلات والأعمدة والمقالات .. وقد إحتفى الإعلام هنا به جداً وتم خلق جو من الإستعداد لعمل فني كبير وبإنتاج ضخم وبتجربة مشتركة بين مصر والسودان ؛
وتعال شوف !
عمل ركيك جداً ، وما فيهو أي روح .. وما بتفهم منه أي شي ، ناس عقد الجلاد كانوا بايخين جداً في أناقتهم البتشبه أناقة الناس صباح العيد ، اناقة زايفة وما حقيقية وما شبه الطبيعه ؛
المشاهد ضعيفة والعلاقات بينها مفقوده ؛ ده ما عمل فني على الإطلاق ؛ ممكن ينفع يكون دعاية للسياحة الدينية ويتعرض في وكالات سفر ..
مافي إخراج في الموضوع ، وما في خلق وتربيط بين الكلام والمشهد والشكل ، حاجه كده ساكت ، وخلاص !
عمل زي ده كان ممكن يكون حي ، ويمور بالإيقاعات الطبول الصاحية ويقدر يطلع شحنة الإيقاع الإفريقي مع حركة كاميرا طموحة وسريعة تعمق من أثر الموسيقى ، بتتحرك من وجه لوجه ومن سحنه لسحنه ، وعلى أجساد بترقص نوبه بالجد ، والأصوات يكون فيها النداء أعلى وأقوى ولايف أكتر ..
العمل ده مشوه وبايخ ، وعامل زي بلونه منفسه !
وآللهم لا تؤاخذنا على أي حال من الأحوال ..
|
| |
|
|
|
|
|
|
Re: مصر المأمنة!! (Re: Hussein Mallasi)
|
Quote: لكن تأكد مهزلة "أوزوندام" الحنك بيها كيكي ما تبقى علينا، |
في شنو يا محمد نور كيكي مالو كمان مدخلنوا في حتت النقد الفني بتاع الجربندي الجديد ده ويا محمد نور رمضان كريم ياااخي ولو عاوز تطبع بالله طبع والدنيا رمضان وانا ما ناقص دشمانات مع (الناقد الجربندي) الجديد ده
| |
|
|
|
|
|
|
Re: مصر المأمنة!! (Re: عبدالكريم الامين احمد)
|
طيب يا حسين سألت من الموجب في العمل و ردي ليك بالمهلة و أن كنت لا أؤيد مسألة ما جاء في تعليق طلال كذلك.
أما عن إيهاب فإن كنت لم تره منذ 20 سنة فأنا أظني قربت لل30 سنة.
أنا لن أبتدر تقييمي لهذا العمل بالعبارة المبتذلة "ليس دفاعاً عن.." عقد الجلاد لكنما علي العكس و بالواضح أكتب هنا دفاعاً عن عقد الجلاد المجموعة التي أحبها مثل ما يحبها مثلي الألآف و عن هذا العمل الذي أعتبره بكل حال نقله في نوعية أعمال عقد الجلاد "المصورة و المدائحية" أقل ما يمكن أن توصف به بأنه "عمل فني مصور" فيديو يختلف عن كل التجارب التي يطلق عليها إسم "فيديو كليب" و لا أدري كيف و لماذا؟.
نعم أتفق مع البعض أن عقد الجلاد ظهرت في بعض المشاهد بالصورة التي ظلت مصرة و مداومة عليها لسنوات عديدة ولشئ في نفس يعقوب وهو لبس القميص الذي تحول بقدرة قادر إلي تي شيرت أخضر و بنطلون أسود. نعم لم تتطور في هذا المنحي و إن شاء الله بعد دا نشوف ليهم مظهر تاني و إن أراداو أن يستمروا علي الأخضر و الأسود فلينعم الله علينا و عليهم بالتنوع في أختيار الملابس و المجموعة سواء كان في هذا العمل أو في عروضهم الخاصة في حوجة ماسة لأختصاصي أزياء . و إختصاصي أزياء هنا معناه شخص متخصص، مؤهل، عصري و مسموع الكلمة "إمعاناً في التخصصية" و لكن التطور في كل شي يحتاج زمن.
أما حكاية أن يظهر السوداني بمظهر نمطي في الدراما المصرية هذا موضوع يسأل عنه أهل الدراما والأشارة اليه هنا غير واردة لأنه لم يكن كذلك. لكن أن يظهر المديح السوداني بهذا الشكل الظاهر في مصر المأمنة فو الله لا أري أي عيب فيهو (مش كتر خيروا هو الظهر في فضائية عربية) بعدين قصة إنو السوداني يظهر زي النوبي دي ما أظن عندنا يد فيها (زكرتني ود عمتي المشي يتصور و ظهرت صورتوا شينة قام شاكل المصور ... المصور قال ليهو هو أنا جبت حاجة من عندي) يا سيدي الفاضل العمل من كتابة الشيخ البرعي "شيخ الزريبة و المشاهد المصورة هناك "علي خلاف رأي طلال الذي أجده مركب التصاوير و معقد التراكيب في لغة "لم تدركها حواسي" أجده "علي النقيض تماماً"جميل ..جميل.. سوداني.. مليان إنفعال.. فيهو حلبة ذكر أصيلة.. فيهو رجال زرق و عقد الجلاد لابسة عمة و جلابية.. و فيه درويش .. صاخب .. بسيط و تقي و هيمان.
| |
|
|
|
|
|
|
Re: مصر المأمنة!! (Re: omer ibrahim)
|
تعال بقي نشوف كل الناس المكجنة مصر و المصريين و التمصير "بي سبب و بدون" أولاً كدي صلوا علي النبي و ختوا الكورة واطا. العمل دا كان و طول عمروا حا يكون سوداني و الملامح و المشاهد و الكلام المكتوب بيهو القصيدة و الزريبة و الروح و أي شي بالنسبة لي بدا سوداني.
و بعدين نفترض إنو الصوت السوداني المتمثل في شرحبيل ولا عقد الجلاد .. أفترض إنو غنو العمل دا بالمصري عديل كدة (المشكلة وين؟) .... ورد في الأثر أن الشيخ البرعي رحمة الله عليه"شخصيا" عندما كتب القصيدة كتبها متوسلا بصلحاء مصر الذين زارهم قبل فترة قصيرة من مرضه و بالسوداني الصوفي كدة "بينده" فيها الصالحين في مصر و يتوسل لربه أن يكف عنه الآم مرضه كما ذكر وطلب أن يزيل عنه العلة "بجاهم يا الله". فكون أنو يفكر شخص أن يخرج عمل مصور يظهر فيهو أصوات مصرية أصيلة زي علي الحجار و مي و شرحبيل و فنان ليهو جمهور من الشباب زي إيهاب توفيق و من وراهم مخرج زي مخرج العمل والله أبسط حاجة تتقال هنا (برافو عليك و يديك مليون عافية).
و الله أنا البوست دا كلو قراءة مفيدة للعمل دا (ومع إختلافي كلياً معها) غير ما كتبه طلال عفيفي هنا .. ما فهمت و ما إستفدت أي شي.
ثانياً توزيع الصولو علي المغنيين ما كان ممكن بأي حال من الأحوال أجمل من كدة لأنو الأساس في العمل دا إنو عمل مشترك. كل المؤديين المصريين كانو علي أعلي درجة من الأتقان فيما يختص بوضوح مخارج الحروف و الألتزام باللحن الأصلي الجميل مع الأداء بصورة مفهومة و مقبولة "سودانياً و مصريأً". بعدين موضوع إنو الواحد يغير لهجتو ولا لغتو دا "و علي شناتو" أنا لاحظت إنو "بعض المثقفين" عندهم مشكلة كبيرة جداً مع السوداني "النوع البجتهد داك" في أظهار بعض الكليمات المصرية عندما يتحدث مع أي مصري أو عربي عموماً و دائماً ما ينظر له علي أنه "بالعامية كدة "بفلق أو قل بضرسك" عندما تستمع اليه. لكن الموضوع و ما فيه أن المغني/المتحدث بلهجة غير لهجته يسعي جاهداً جداً لأن يكون مفهومأً "و دي كل النظرية" و بالرجوع لمصر المأمنة أعتقد أن المصريين غنوا بلهجتهم المعتادة و التي نجح أن يأقلمها شريف شرحبيل حتي صارت موسيقياً قابلة للأداء و الفهم بواسطة أي شخص مصري أو سوداني. أما نسخة السودانية فانا أفترض أنها مسموعة و مفهومة من سنوات وأما الإنسان المصري فغالباً لم يسمع هذا العمل من قبل و "أكيد لن يسمعه أو يكترث" لأن يفعل إن لم يوضع في القالب الموسيقي و الأخراج التلفزيوني اللذي ظهر به "يعني قصة (إن كان الغرض من تشويه اللحن الأساسي للمدحة هو تقبل المصريين لها؛ فقد تقبلوا - من قبل – الأغنيات السودانية لمنير و فؤاد دون تشويه!!) فبرضو أعتقد إنو كان تعليق مليان سلبية لأنو علي حسب معرفتي البسيطة جدا بمعني كلمة اللحن "فأعتقد أن اللحن الأساسي للمدحة دا ما في زول هبشوا زاتو" لكن أن سلمنا بأن إفتراضك هنا سليم وهو "أن الغرض الأساسي هو أن يتقبل المصري المدحة وأنو مافي داعي للتشويه" .. فدعني أفتي و لكل من تحسر علي ضياع المدحة و ترحم علي الشيخ البرعي و مدحته هنا "أنو المدحة دي نفسها و بشكلها التقليدي -المترحم عليه هنا من قبل الأخوة دعاة عدم التغيير و التمسك بالجذور- كان قعدنا نسمعها للعالم الحولنا دا مليون مرة حا تظل "علي رأي طلال عفيفي "دعاية للسياحة الدينية" "مع إني لسة ما فاهم السياحة الدينية معناها شنو.عقد الجلاد يا سادتي "مجموعة" لهذا لم أتوقع أن يظهروا بشكل منفرد أو أكثر من المرات التي ظهر فيها صوتهم في العمل. تم توظيف وصلاتهم بحيث يؤدون المقاطع الما ممكن تغنيها الا "مجموعة" عشان كدة إطلاق لفظ كومبارس الورد من أحد "المشاركين" دا ما بينطبق عليهم .. و الكلمة الواردة هنا هي كورس.
وفعلاً تركيز الكاميرا علي المجموعة "أثناء الأداء" لم يكن كافياً إذ ظهروا حوالي ثلاث مرات كمجموعة و لقطات متفرقة ظهر فيها عضو أو إثنين لكن بالمقابل صوت المجموعة و هي تردد الجملة الأساسية في المدحة كان قوي .. واضح .. متماسك "كصوت شخص واحد" ودي اللعبة هنا.
أما عن الجمل الموسيقية المركبة خصوصا التي أستخدم فيها "شريف أو أمير" الكمنجات فلا أملك إلا أن أنحني تحية للعبقري الذي فكر فيها. لأنه مزج الإحساس بالتوسل الطاغي علي روح القصيدة و من ثم للشكر من الجزء البقول "صلوات تسرحا.... مع كل الصور الدرامية الجميلة اللي رسمتها عقد الجلاد في ختام القصيدة "بدون الحوجة للظهور في الكادر حتي".
ثم هناك القصة الإسمها "شرحبيل أحمد" دي يا أخوانا. و الله و بدون أي إنحياز و لكل الناس الهنا و الكتبت عن العمل و شكل المغني السوداني و التوليفة السودانية المصرية و كل الصراع الأيديولوجي المصري السوداني و العلوية و الدونية الضمنية و المحسوسة بين كل ما هو سوداني-مصري بما فيها مسألة الهلال و الأهلي و المريخ و الأسماعيلي "عشان الجماعة ما يزعلوا". أنا أعتقد و بلغة الشارع السوداني جداً "إنو عمك شرحبيل دا ختاها لكل المشاركين في العمل دا .. مصريين و سودانيين شعوب و قبائل" إذ كان وقوراً جميلاً و مغنياً سودانيا أصيلاً و مشرف.
بس يا جماعة أنا المحييرني إنو كل الناس الكتبت في بوست التشنيف و البشنة دا ما شافت شئ جميل واحد في العمل دا يستاهل ولو حتي التعليق عليه؟؟؟؟؟ عجبي!
| |
|
|
|
|
|
|
Re: مصر المأمنة!! (Re: Hussein Mallasi)
|
Quote: الغريبة يا محمد حيدر لحد أسه ما جا زول قال انو العمل كويس! |
قول واحد طيب
لكن ما تحسبني مع الناس البتقول إنو العمل دا لأنو إذا إكتفيت بي كدة بس حاأكون قصرت في حقو
| |
|
|
|
|
|
|
Re: مصر المأمنة!! (Re: omer ibrahim)
|
Quote: عشان بعدين ماتتفاجأ وتزعل من طارق كمان قاليك ده أفضل عمل ابداعى في السنة دى |
لو قال كدا يا الطاهر قول ليهو ملاسي قال ليك حننتظر رأيك لحد ما تنشرو و بعد داك خليهو يكون متذكر انو زعل ما معنا
| |
|
|
|
|
|
|
Re: مصر المأمنة!! (Re: Hussein Mallasi)
|
كيكي .. التطبيع ما حصل لسه .. لكن سوف لن يكون على طريقة أوزندام إلا على جماجمنا.
Quote: ويا محمد نور رمضان كريم ياااخي ولو عاوز تطبع بالله طبع والدنيا رمضان وانا ما ناقص دشمانات مع (الناقد الجربندي) الجديد ده |
مع الأسف يا كيكي هذا "الجربندي" يقول في سطرين ما يعجز عن قوله الكثيرين
| |
|
|
|
|
|
|
|