|
*** عديلة وزين ***
|
الاهل الطيبين العيد مبارك عليكم.. علينا وعليكم يتبارك العفو لله والرسول
اليكم عديلة وزين وان شاء الله ايامنا كلها فرح
عديلة و زين
يا ود مساحات البلد .. مفروش ارض معروش سحاب.. مبلول مطر راوى الجرف.. كاسر السراب.. معقود جواك اخضر رضاب.. مزروع مجدع فى التراب.. نواره تفتح كل باب.. مليانه بى دغش الرزاز.. رويانه بى نفس العزاز.. ممطوره بالبلد الهشاب.. طارح الحنين عبر السنين.. وارث الدوايه مع الكتاب.. مشتول مكشح فى الدروب.. ممزوج مدمدم بالضباب.. مدفون جوار عمق الفرح.. مبسوط محكر فى الهضاب.. ***** يا ود مساحات الاهل.. مرشوش عطر مربوط هلال.. جرتق موشح بالبرش.... مرصوص سبح حزمة جمال.. سايقنو لى ست الحسن .. مليانه حنه وكوم خصال .. ديسا مكحل بالسواد .. خدا مورد بالدلال .. مسكونة بى ضحكة صغار.. منسوجة بى صافى الزلال .. معروفه بى خاطر الكبار .. مرسومة فى واحة ظلا ل .. سمحة و عديلة و زين .. عزة قبيلة و فــــــــا ل ..
اسماء الجنيد / مسقط متاوقة* الاخ ضياء مرغنى لحن هذة الكلمات من مدة وقام بأهداء هذا العمل بدوره للاخ مصطفى السنى الاخ ضياء كل سنة وانت طيب يا ريت تنزل لينا العمل ده بصوتك او صوت الاخ مصطفى انا غايتو عندى بى صوتك انت.. لكن ما بعرف انزلو كالعادة وكل سنة وانتو طيبين
|
|
|
|
|
|
|
العنوان |
الكاتب |
Date |
*** عديلة وزين *** | soma | 10-15-07, 12:45 PM |
Re: *** عديلة وزين *** | هاشم أحمد خلف الله | 10-15-07, 12:55 PM |
Re: *** عديلة وزين *** | soma | 10-16-07, 10:00 AM |
Re: *** عديلة وزين *** | حمزاوي | 10-16-07, 10:30 AM |
Re: *** عديلة وزين *** | soma | 10-20-07, 02:10 PM |
Re: *** عديلة وزين *** | nourelhadi awad | 10-16-07, 10:32 AM |
Re: *** عديلة وزين *** | soma | 10-20-07, 03:04 PM |
Re: *** عديلة وزين *** | سجيمان | 10-16-07, 11:34 AM |
Re: *** عديلة وزين *** | soma | 10-21-07, 08:01 AM |
Re: *** عديلة وزين *** | مدثر محمد ادم | 10-21-07, 05:04 PM |
|
|
|