جَرُّوا التفاوض توب غُتا كباشي فاكر إنو بس هو النقّطا قول ليه خت كورتك وطا باكر تبين كل المناكر بالدلايل الفي أضابير القضا بالإنْدَفَن، والإنْجَدَع للموج دَغَش بين جِتَّة لافَّة بَلا حَنوط لي جُثَّة فينا مَحَنَّطة عوووك يا حَمِيرَ الفَنْجَطَة كضَّابة يا الرتب المزيفة بالكِضب بُكْرة النَّياشين والنجوم والاظْبِليطَات نَمْعَطَا كضااااب كباشي الكِضِب شمتان على الحال الكعب فارقنا يا فرخ القطا خايف من القطط السمان مِنَّ الملجَّن في اللِجَان أو حتى من ياسر العطا خليك من البرهان رييسك المن طين وبدلة منقطة أو قول من الضابط الخطا الجايي لي بيع الوطن والقصر سوق باسم الحرم قالب شديد يا بائع الجيش كالعبيد شدوك حمار ناس ود سعود جالبة الجمال الجنجويد منهوبة من آخر العتامير والبلود والسلطة كرباج التفاوض يا نِعير مرسونة بحبل البعير مسلوجة بي سوط العنج كتر النضم والدسدسة فوج العُمد مادِّين قريعات العشم والسمسرة حال العناقريب في العارض فسَّرة بقت السياسة مدهنسة بين مستبد أو منتقم توب التفاوض يا مقطَّع كان جديد فرِّينا لي دنيا الحلم طالع من البيت الكبير والدنيا حَوْلُه مترَّسة خاتْمِنُّوا بي دم الشهيد ومَضيتُوهو بي حبر القلم يا مجلس أشباح الوهم آااه يا وطنا الكلما اشرق صباح الشر يعم مجلس أريتك بالعما الشعب ما كايس العشم…!!! سيد الشعوب ومعلما يا مجلس السادة البجم والشحدة ما بين الملوك والضمضمة ملعون أبوك مجلس نواقيص الفهم مجلس أراجيز من دمى دستورنا واضح ما انبهم لابد نرد المظلمة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة