|
Re: في رحاب جمال الوالي مصطفى عبد العزيز البط� (Re: عبدالله علي إبراهيم)
|
ههههههههه ياخي أنا مبسوط بسطة جد. مستشار إعلامي قال جاي عشان يساعد الحكومة في قضايا التحول الديمقراطي بعد 29 سنة من إقصاء كل من قدروا علي أن يقصوه جاي هو بسلامته عشان يساعدهم في قضايا التحول الديمقراطي وبالمرة ياخذ ليه راتب مكون من ستة أرقام...قامت المظاهرات و هو مستشار إعلامي في أهم سفارة سودانية لابد أن يفتح خشمه و يدافع عن قتل العزل . و إن لم يفعل فهناك دوماً اتصال ليلي ناعس وعابر للبحار الهائجة هذه الأيام
الصوت : هل أنت مستشارنا الاعلامي
البطل : نعم سعادتك
الصوت : يعني لم نسمع صوتك أبداً. إن شاء الله المانع خير
البطل : أاااااا
الصوت: أاااااا شنو وكلام فارغ نحن من المظاهرات اسابيع ما قادرين ننوم الثوار حامننا النوم وأنت تقول لي أاااااا. اسع تضرب لكل القنوات الكبيرة وتعمل معاهم مواعيد وتمرق تشوف شغلك سامع؟؟؟
البطل : لكن يا سعادتك نعمل شنو في التحول الديمقراطي
الصوت: شنو شنو شنو ؟؟ تحول شنووو؟ دقيقة خليك معاي . يبعد السماعة قليلاً ليتكلم مع شخص أخر.. في شنو يا عبد الاله ما شايفني مشغول في التلفون. لكن يا سعادتك المعتقل رقم ٧ قال عاوز يتصل علي أهله ليهم شهرين ما عارفين عنه حاجة ؟ الصوت: شيل السيخة دي خليه يلعب بيها لحدي ما أفضي .الصوت : يا باطل إنت لسه معاي...قصدي يا بطل
البطل: نعم سعادتك
الصوت :بعدين إنت مش زمانك إستشرناك و قلت لينا ديل معارضين كيبورد وكباية شي ما يقدروا يحلبوها ؟؟
البطل: ما يقدروا شنو يا سعادتك؟
الصوت: قصدي يقلبوها.يقلبوها.أيي يقلبوها. معليش شاي ولبن و حكومة و بقرة غايتو السهر قدد عيونا و ما قدرين نركز ذاتو. المهم يا شيخنا فهمت كلامي
البطل : نعم
الصوت: سلام
|
|
|
|
|
|
|
العنوان |
الكاتب |
Date |
في رحاب جمال الوالي مصطفى عبد العزيز البطل بقلم عبدالله علي إبراهيم | عبدالله علي إبراهيم | 03-26-19, 05:14 AM |
Re: في رحاب جمال الوالي مصطفى عبد العزيز البط� | العوض | 03-26-19, 05:30 AM |
Re: في رحاب جمال الوالي مصطفى عبد العزيز البط� | ........ | 03-26-19, 06:01 AM |
Re: في رحاب جمال الوالي مصطفى عبد العزيز البط� | علاء خيراوى | 03-26-19, 06:03 AM |
Re: في رحاب جمال الوالي مصطفى عبد العزيز البط� | احمد يوسف | 03-26-19, 06:19 AM |
Re: في رحاب جمال الوالي مصطفى عبد العزيز البط� | جعفر الحسين | 03-26-19, 07:26 AM |
Re: في رحاب جمال الوالي مصطفى عبد العزيز البط� | عبد الله علي إبراهيم | 03-28-19, 05:01 PM |
Re: في رحاب جمال الوالي مصطفى عبد العزيز البط� | الصواع | 03-28-19, 11:38 PM |
Re: في رحاب جمال الوالي مصطفى عبد العزيز البط� | العوض | 03-29-19, 06:42 AM |
Re: في رحاب جمال الوالي مصطفى عبد العزيز البط� | عوضية | 03-29-19, 10:13 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|