|
|
 Re: لماذا فترة إنتقالية من عام واحد لا غير ؟ ب� (Re: عادل عبد العاطي)
|
يا عادل
كيف حالك؟
Quote: في النهاية نلخص رأينا أن الأصل في الأشياء الا يحكم انسان دون تفويض شعبي. بعد ثلاثين عاما من حكم بلا تفويض لا يمكن ان نقبل ولا نقبل لشعبنا اي حكم دون تفويض الا في الحد الادنى . هذا الحد نراه في فترة 6-12 شهرا لا تزيد يوما واحدا. من يريد ان يحكم وله برنامج واضح وجيد فليتقدم به للشعب عبر آلية الانتخابات وذلك بعد إسقاط النظام وفترة انتقالية لا تتجاوز العام.
#تسقط_بس |
ده رايك، وده حقك، وهو حق اصيل كفلتو ليك جميع المواثيق والأعراف الإنسانية، وهو يخصك وحدك، ولا اعتراض عليه.... بس انت نسيت حاجة مهمة جدا، الانت بتسميها فترة انتقالية، وبتحدد مدتها بناءا على معطيات انت تراها منطقية، غيرك برضوا (ومن الشعب نفسه) بيرى انو المرض العضال الاستشرى في السودان الدولة والنظام والشعب لمدة ثلاثون عاما، تحتاج الى نقل اولي الى (غرفة العناية المركزة) او الأنعاش، وبعدين فترة نقاهة، وبعدها تجي المرحلة الانتقالية الأنت بتقول عليها..
انت ضغير في السن، يمكن بس حضرت انتفاضة ابريل، بس نحن حضرنا اكتوبر 64، وبرضو ناس (الديمقراطية، وتفويض الشعب) قالوا زي كلامك ده، وبعد سنة جات حكومة منتخبة، افرغت الثورة من محتواها ومضامينها، وبعد 3 سنوات بالتمام، جانا انقلاب مايو،(حكم 16 سنة) وبعد ابريل نفس السيناريو الانت بتطرحه ده اتعمل، وبعد 3 سنين بالتمام والكمال، جات الانقاذ (ليها 30 سنة) .. عارف ليه، لأنو ما تم تصحيح اخطاء النظامين (الديمقراطي، والعسكري) بصورة صحيحة وتامة، عشان الاستعجال الزي استعجالك ده، تجربتين تكرر فيهم الفشل بنفس الصورة، وانت دلوكت بتدعو للثالثة، وقد قال اعظم حكماء السودان قولة سارت بها الركبان( اي تجربة لا تورث حكمة، تكرر نفسها) ..
دحين خليني اكون معاك صريح، اذا انت جادي في دعوتك دي، يبقي هاك النصيحة دي استصحبها معاك (( تجرى الانتخابات العامة كل 3 سنوات)) عارف ليه؟
نفس الكادر البحكم بعد كل ثورة حيجي تاني للحكم، وفي نهاية السنة الثالثة بجي ناطي عسكري يشيلها (وما بيقولو ليه جر) فدحين عشان تقطع الطريق على اي انقلاب اخير تسبقه وتقصر مدة الحكم يمكن الحال ينعدل....
** حكمة العدد:
( شعب لم يعرف او يمارس الديمقراطية لمدة 30 سنة، (امي في الدمقراطية)يحتاج الى تاهيل نفسي وفكري، وبدني لكي يتوازن نفسيا وفكريا وبدنيا لايقل عن 10% من الفترة القضاها بعيدا عنها، لكي يصبح اهلا لحكم نفسو بنفسو، اما الطامحون الى السلطة، فلا يهمهم انا كان الشعب مؤهلا ام غائبا عن الوعي، المهم السلطة وبس.
ابو كرتونة
شوف يا ابن الحلال، عشان نكون واضحين، اذا عاوز تطبق نظريتك دي، يبقى تخت في بالك حاجة واحدة
|
|
 
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست