|
|
 Re: ما هو البديل ؟ بقلم اسماعيل عبد الله (Re: شطة خضراء)
|
ما عارف ليه في ناس كتيرة بتلم المعارضين كلهم في حتة واحدة وتبدأ تحاسبهم كأنو دافعين ليهم او بياخدوا ايجار شهري لانجاز معارضتهم .
يا اخي المعارض دا شخص متطوع ما اجير عندك ولا بتدفع ليهو ضريبة شخص ولا بياخد منك رسوم ولا اتاوات ضحى بوقتو وصحتو واحيانا حريتو ومالو وحتى روحو
فشنو لو فشل او ما قدر يحقق جزء من طموحاتك فاتطوع انت المانعك شنو ؟عارض انت مالك محنن ؟ اتقدم الصفوف انت مالك خايف ؟ ولو ما قادر تعمل دا كلو فطولة اللسان فوق كم ؟
ناس تخلي النظام الكريه الحاكم اللي بياخد منهم رسوم وضرايب وزكاة وجبايات مختلفة واللي بسيطر على موارد البلد وعلى كل مفاصل الحياة فيها اللي اتحكم واتسيد غصبا عنهم واللي بأثر في صحتهم وتعليمهم وحياتهم الاجتماعية وعلى كل شيء حتى لبسهم ومواعيد نومهم وساكة في ناس متطوعين ما ماخدين منك قرش ولا تعريفة .فشلوا مالو؟ اتقدم انت الما فاشل ابو راس مليان وضمير نقي وشجاعة منقطعة النظير وهمة عالية ما مشكلة ابدا حتلقى كل الجموع خلوا المعارضة الفاشلة ومشوا وراك .
(استثني من ديل المعارضين بتاعين الشو واللي في اول سانحة ينضم للحكومة ويصبح مرمطونها حسن اسماعيل والبطل نموذجا وبعض حاملي السلاح اللي في اول قبضة يتحولوا لمداسات تحت اقدام البشير كابو قردة والسيسي وتابيتا ومن لف لفهم ومن ينتظر فرصته لاكل فتات الانقاذ )
|
|
 
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
فيس بوك
تويتر
انستقرام
يوتيوب
بنتيريست