|
|
 Re: اللاجئون السودانيون بالأردن of all places ! بقل (Re: الفاضل عباس محمد علي)
|
مقالك جايط يا استاذ محمد على ومجموعه موضوعات متداخله ومفككه مثل السمك لبن تمر هندىوكلامك عن اللاجئين متناقض وزاتو فيهو عنصريه طافحه وفايته الحدلا الارادنه والفلسطينيين المساكين شياطين ولا حكومات الالمان والامريكان اولاد ناس وانت كمان بتحاول تصوير حكومات الخواجات ملايكه عددددديل (سبحان الله)90% من المهاجرين اللي هاجروا في فتره البشير و قبال البشير لم يجدوا الترحيب والاحتضان الا عند (الاعراب)وانت نفسك تعترف انك تعمل عند الاعراب ويتعلم اولادك في المدارس على حساب الاعراب.وكان دققت النظر يا محمد على احتمال كبير تكتشف انوا قرار طرد اللاجئين السودانيين من الاردنورهو ضغوط كبيره من دول الاتحاد الاروبي الغنيه الشايله جزرتا مره وشايله عصاها مره للدول الضعيف زي صربيا و زي المجر وزي قبرص وزي الاردن.التحريض على اعاده اللاجئين المساكين من الاردن وراهو الخواجات زاتم واجهزه استخباراتم عشان اللاجئين ما يتسللوا لي سوريا وتركيا وقبرص ويركبوا الامواج باتجاه اروبا وعيييييك..ناس اوربا (الطيبين حسب كلامك) حارسين شواطيهم بي خفر السواحل منتظرين القوارب المهترئه تصل عندهم في شواطى اسبانيا وايطاليا والبرتغال عشان يسحبوها ويصدوها مره تانيه بعيد من الشواطي ويرجعوها لى قلب الموج ويغرقوها عديل كده زي ما شفنا في الفضائيات. الاوربيين الطيبين غرقوا مراكب شايله سوريين اردنيين فلسطينيين وسودانيين غرقوا كلهم في لحظه واحدهوخفر سواحل اوربا اخرجو موبايلاتم يتفرجوا ويصورو ويضحكو.
|
|
 
|
|
|
|
فيس بوك
تويتر
انستقرام
يوتيوب
بنتيريست