|
Re: قراءة في المؤتمر الصحفي للأمين العام للمؤ (Re: wadalf7al)
|
يا ود الفحل ما لقيت زرة لايك... هههههه القاها وين....؟؟؟
داير الصراحة .. اولا بقيت اشك في زين العابدين ده مؤتمر شعبي... الإستايل حقو غريب... يقترب ليك من المعارضة ثم يكب "وسخ".. مقالته دي تفيد انو يا ناس الثورة مو تقصونا!! ههه
وثانيا.. على الحاج زول متآمر كبير... كان لاصق في بشة لصقة شديدة .. ودخَّل الشعبيين في جيبه.. يمشي ألمانيا ياخد حزب المؤتمر الشعبي معاه في جيبه ويفتلها هناك ..مع الحركات المسلحة ..وربما مع الحكومة الألمانية.. وناسو في الخرطوم ما عارفين الزول ده بيطبخ شنو.. عموما ..وثيقة فرانكفورت وفصل الجنوب في رقبته .. وثالثا ناس كمال عمر وعمار السجاد زهجانين منو... وندمانيين حطو ليهم زول مصيبة.. زي الصندوق الاسود ما عارفين فيه شنو..
قال ما يحلو المؤتمر الوطني قال!!!؟
هل تعرف ان الثورة بوظت لناس الشعبي.. طبختهم المنظومة الخالفة.. وكل المؤامرات اللي كان ممكن علي الحاج يطبخها.. وشكلو كده داير يفصل دارفور.. مركز على قضية السىلام.. وناس كمال عمر.. وعمار السجاد مركزين على قضية الحرية... ودي نقطة خلاف عميقة بينهم..
حين يركز علي الحاج على قضية السلام.. وما يشتغل بقضية الحريات ده بيديه غطاء يجلس مع المسلحين سرا وعلنا.. في ألمانيا
بس الطبخة باظت... بوظتها الثورة.. لأنها أفردت الحرية ولاسلام.. يبقى المسلحين حجتهم شنو؟؟ ما يقدرو يقولو دي إنقاذ2
على فكرة المؤتمر الشعبي ده مو حزب.. بل لافتة كان يتخبى تحتها الترابي وهو الحاكم للحزبين.. صدقني مهما فسروا كنكشة بشة.. ويفسروها بالمحكمة الجنائية.. الخ ما داخلة رأسي.. القضية بشة بنفذ كلام الحركة الاسلامية.. وعلي الحاج واحد من ستة ..اختاروا البشير.. في آخر لحظة قبل انقلاب 30 يونيو.. وعلي زعل انو بشة اختار علي عثمان وقتها دي .ز كل قضيته.. زول حرامي كبير.. وكان شغال في الدولارات قبل الانقلاب بشوية..
100% لايك!!
|
|
|
|
|
|