|
Re: عندما يتكَلَّم الإمام.. يتصايَح البِعَامْ (Re: جمال أحمد الحسن)
|
( لهؤلاء أقُول: أطمِّنْكُم ( ولو عاوزين تفهمُوها بي لغة المُكاوَاة برضُو أفهمُوها )، مازال قُطبَا الرحى في الساحة السودانية الإجتماعية والسياسة هُم نفسهم نفسهم.. الختمية والأنصار، والأُمة والإتحادي.. شاء من شاء وأبَى من أبى... ) .
الأخ الفاضل / جمال أحمد الحسن السلام عليكم وللقراء الكرام • أبينا وأبينا مليون مرة ومرة . • هي نفس صورة الماضي ما بعد الإستقلال برمتها دون أي جديد !!!! • كالعادة الأوضاع في ظلال حكم الأحزاب تتردى وتتردى فينادي الشعب السوداني : ( العذاب ولا الأحزاب ) . • ثم الأوضاع في ظلال حكم العساكر تتردى وتتردى فينادي الشعب السوداني : ( لن يحكمنا العسكر ) . • وكالعادة فان خيرات البلاد إما تكون لشرذمة من نخب الأحزاب وإما تكون لشرذمة من نخب العساكر ،، والشعب السوداني يعاني ويعاني ،، واليوم هي خيرات السودان لعصابة المجرم عمر حسن البشير .. والشعب السوداني كالعادة محروم في كل الأحوال !!!!
• وعنددما تضيق الأحوال والظروف وتصعب المعيشة وتتحول حياة الناس إلى الجحيم يثور الشعب السوداني ويقوم بالإنتفاضات ،، ويموت الشهداء من الأبرياء برصاص الغدر والخسة ،، وهم يرجون للأحياء من بعدهم حياة كريمة عادلة وهانئة .
• ولكن كالعادة في كل مرة يترصد المترصدون أمثال الصادق المهدي والختمية لسرقة كفاح الشعب السوداني ،، ويجعلون خيرات السودان ملكاَ خالصا لآل المهدي ،، أو ملكاً خالصا لآل الميرغني ،، والشعب السودان ( يطلع ملوص ) في نهاية المطاف .
• ثم تدور دوائر المكائدات والتجارب الخائبة ليأتي الحزب الإسلامي السوداني ليستولى على المقاليد ،، وكالعادة تتحول حياة الشعب السوداني إلى الجحيم ،، وتبدأ حالة إنتفاضة جديدة .
• وفي هذه الأيام يستشهد الأبرياء من أبناء الشعب السوداني ،، ويقدمون الأرواح الغالية فداءَ للوطن وأملاً في سودان جديد منصف ،، وتلك هي الدماء الطاهرة بدأت تروي الثرى للدخول في مرحلة سياسية جديدة في السودان ،، ولكن مع الأسف الشديد كالعادة نرى الطامعين والمتربصين عند الأبواب يترصدون السانحة ،، الصادق المهدي وفاروق أبوعيسى وآخرون ،، مما يؤكد نفس المنوال ونفس الوتيرة ونفس الأسطوانة المشروخة المعهودة القديمة !! ،، وبالتالي يازيد لا رحنا ولا جئنا !!!!
• لم نسمع أن الصادق المهدي قاد المظاهرات يوما وأستشهد ،، ولم نسمع أن أحدًاً من عائلة المهدي قاد المظاهرات يوما وأستشهد ،، ولم نسمع أن أحدًاً من عائلة الميرغني قاد المظاهرات يوما وأستشهد ،، ولم نسمع أن فاروق أبوعيسى قاد المظاهرات يوما وأستشهد ،، ولم نسمع أن أحدا من أعيان ورموز المعارضة قاد المظاهرات يوما وأستشهد ،، ولكن كالعادة نسمع أن مواطنا شريفاَ مغلوبا على أمره من أبناء الوطن قد استشهد !! ثم مات فطيسا !!!!
• لا يمانع الشعب السوداني أن ينتفض ويثور ويضحي ويقدم الأرواح الغالية من أجل السودان ،، ويموت في الطرقات والآخرون في سبات ،، ولكن في المقابل لابد له أن ينال ولو قدراَ يسيراَ من حياة هانئة كريمة . وليس من المعقول أن يعيش الشعب السوداني في هامش الحياة لأكثر من٧٠ عاماً بعد الاستقلال !!!
• لقد زهجنا من ممارسة نفس التجارب ألف مرة ،، ويقال في الأمثال أن الذي يجرب المجرب عقله مخؤب !!!!!!!
• الشعب السوداني يرجو الجديد المفيد هذه المرة ،، يريد جديداً يخلو من كل مواصفات الماضي البغيض ،، لا صادق المهدي ولا كاذب المهدي ولا فلان ولا علان ،، يريد سوداناً بمواصفات جديدة ،، وبهوية جديدة ،، يريد سوداناُ من أجل كل أبناء السودان ،، دون فوارق في المسميات ،، لا أبناء طوائف وأسياد ،، ولا نخب تستأثر بالخيرات !!!!!!
| |
|
|
|
|
|
|
Re: عندما يتكَلَّم الإمام.. يتصايَح البِعَامْ (Re: أبو الحسين)
|
Quote: ماذا تُريدُون من الإمام؟؟ |
والله يا اللخو كان علينا نحن ما عاوزين منو اي شي، هو رباهو نط علينا وقاليلنا انتو بتدخنو دخان مرقة، وبوخة ساكت، الا انو انا الإمام ده ومعاهو منو كده ما عارفين( قاعدين ندخن من زمان) اها عنك ا تشوف الا النور، الناس دي كلها عاوزة تدخن زي الإمام علي ناقصين الطلح يا ولدي، اها عليك الله كلمو يرمي ينا حية طلح عشان ندخن كويس. الدكة لسه مولعي وسيدي داير الطلح الا الطلح طفر غلا نعلبلو من تبن القمح؟ البوخة سخنة مجمرة خلوها للشيخ السمح ابو كرتونة نيابة عن بعامته
| |
|
|
|
|
|
|
Re: عندما يتكَلَّم الإمام.. يتصايَح البِعَامْ (Re: هاشم يوسف)
|
عايزين منو شنو ؟ يلم خشمو العفن دا ويتخارج يخلينا بلا دخان مرقة بلا بوخة شنو ما عارف ؟ مش هرب من 89 بالباب الخلفي بالشبشب ومن غير طاقية زي الحرامي رمى الامانة التي اؤتمن عليها خلف ظهره وقال نفسي نفسي .خلاص اليمسك نفسو عليهو ويتلم . مش اولادو مع الانقاذ عايزنو يلم بناتو ذاتهم في مركب الانقاذ غارقة او غير غارقة ويتخارج يخلينا مش احنى رأسو للمجرم البشير يلبسو وسام شنو كدا ما عارف وهو مبتسم وبضحك والشباب في المعتقلات والجنوب منفصل ودارفور ملتهبة والفساد ينهش وهو مدنقر راسو زي البومة للبشير اها عايزنو يفضل في دينقرتو المذلة دي بلا دخان مرقة وبلا دخان طلعة 70 سنة سياسة وما بيعرف يتكلم حنى ولا يقول الكلام المناسب في الوقت المناسب ولا حتى يسكت متين .عايزين منو ينزع وجهو وقناعو ويظهر عضوية الاخوان المسلمين الشايلها من الخمسينات ويلم بتو دي القالت لا تثق في الشباب !! نفاق واستهبال فايت الحد اما البعام فهم امثالك الذين يلعقون طراش الامام هسي بذمتك فرقك شنو من الاخوان المسلمين الكيزان قليلين الادب القتلة اللصوص ؟ لا شيء نفس الفشل وسوء التقدير والغباء والعنطزة والتجارة بالدين حتى في اي عمل سياسي لازم توظفوا ايات القرأن وتلوها لوي حنى تستخدمونها وترفعونها في وجوه مخاليفكم .مدعين الحق الالهي وانه بجانبك ونعت وسب مخالفيكم انت تنعتونهم بالبعام والجهل والتخلف بل وبالحقد والحسد والعين والسحر والاخوان المسلمين ينعتون مخاليفيهم بالعمالة والارتزاق والخيانة تبا لكم
| |
|
|
|
|
|
|
Re: عندما يتكَلَّم الإمام.. يتصايَح البِعَامْ (Re: نيمو)
|
عناية قادة أحزابنا الكرام.. لقد ضاقت جماهيركم الأمرِّين وهي تُعاني من تردِّي الخدمات وهي صاااااابرة... واستفحلت الحالة لتُضيِّق عليها الخناق في (أُكْلُو واشربُو) فماذا أنتم فاعلون؟؟؟
وده كلامك إنت عارف (السيدين) غارقين في وحل الإنقاذ بأبناءهم (الأولاد جو القصر والسيدين يطوفوا بأسوار القصر ) لعل وعسى يغفل صاحب القصر عن الكرسي . يا سيد عنونك غير موفق او قل غير (محترم) البِعَامْ الذي يأكل من فتات الفنان ويتلصق به وهذا ما كان ولايزال يفعله الكثير ,,, والشعب السوداني العفيف أشرف من أن يكون كهذا فأبحث عن البِعَامْ ستجده أقرب إليك من حبل الوريد .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|