شكرا جزيلا يا اخوانا د.حيدر وخالد وعادل وانشاء الله حااحاول الرد علي نقاطتكم.
يا حيدر خليني في الاول اوريك انا جاي من وين عشان اسهليك تعرف انا ماشي علي وين!
انا واعوذ باالله من الاناانا علي قناعة راسخة انو ازمة السودان الاساسية ازمة هوية اولا واخيرا.
بمعني انه اي سبب او تعريف اخر لازمتنا هو في الواقع نتيجة فقط (وليس سبب) لازمة الهوية المتغلغة في داخل دواخلنا.
اكبر تجلي للازمة دي هو حربنا الاهلية اطول حروب القارة!
بحجم كارثة ال 2000000 سوداني الراحوا (غيرماسوف عليهم)كوقود لمحرقة الهوية هذه يتم تقييم مااصطلح على تسميته ب"تاريخ السودان" وبالتالي من ساهموا في صياغته من افراد وجهات ومؤسسات.
طيب هنا بجي السؤال:
علاقة ملايين الضحايا ديل او محرقة الهوية هذي بما يسمي بي تاريخ السودان شنو?
والله دراسة التاريخ هي الاداة الاساسية لاحداس التراكم المعرفي النظري اللازم باتجاه وعي مشترك بي هويتناكمجموعة بشرية محددة( جنس-شعب)ذات نمط سلوكي محدد او طريقة حياة(ثقافة).
بناءا عليه يبقي من صاغوا ما يسمي بي تاريخ السودان القديم والحديث معا هم المسؤلين مسؤلية مباشرة عن نمط تفكرينا وذهنيتنا الحالية فيما يتصل بسؤال الهوية وباالتالي محرقة الهوية المليونية.
هنا بجي السؤال:
من صاغ تاريخ السودان الحديث?
الاجابة الاحتلال الاستماري المصري الانجليزي تحديداالمرتزق الجاسوس العربي واللبناني الجنسية نعوم سغير مجند سابق باستخبارات جيش الغزو الانجليزي المصري!
طبعا الصياغة الرسمية تقول الحكم الثنائ!نعم امعانا في غسيل المخ وعلى مدي نصف قرن تقريبا!
قبل ان اواصل اعلن ان "الحكم الثنائ" وشغير غير مسؤلين باالمرة عن القيام بمهامهم فيما يتصل بخدمة مصالحهم علي اكمل وجه.
بناءا عليه سنواصل المرة الجاية بتعرية من يسموا جزافا بمؤرخي السودان (المصري-الانجليزي!).
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة