|
كـــــلام......فـي الســــياســـة
|
انت يا ود الاغبش.... بتعرف تنضم في السياسة؟....اه سياسة شنو البتعرف لها انت....انت فاضي من النضم الفوق حمارتك.... حمارتي سوت حمارتي سوت...بعد يا ود الاغبش.... البارح....تتفجفج وسط الرجال....وبطول حسك تقول جبت حمار ناس خير السيد لحمارتي....ما بتخجل يا ود الاغبش ؟ النضم دا عيب....وتقول اصلو حمارتي دي ما بجيب لها حمار غير حمار خير السيد..... ود الاغبش انت حمار خير السيد دا... عاقد علي حمارتك دي؟......ديمة فاضحنا........ سنتك المشيت الحج ديك... وانت في الطواف تسعال حاج محمد ود الارباب...بطول حسك وتقول لو... المدفون هنا منو؟... للكعبة يا ود الاغبش؟......بتعرف تنضم في السياسة؟... اه سياسة شنو البتعرف لها انت؟........الناس ينضمو في طوني بلير...ويسعالوك بتعرفو؟... تقول لهم بالحيل بعرفو.....وتقول داحين زمان ما غنن لو البنوت؟ وقالن........... محبوبي الجندي...... بلير يا ناس
ونقلوهو شندي ......بلير يا ناس
محبوبي سافر.........بليريا ناس
وفي قطر حداشر... بلير يا ناس
.....ولا.... اريتك كان سكت عليها....... تقول لهم....طوني بلير.... وابيل الير.....ولاد عم....بلير اخو الير......علا واحد فيهم ود الزرقا وواحد ود الحمرا....... تسوط الناس ديل كدي في بعضهم يا ود الاغبش وتقعد؟....الله يسوط عويناتك ديل.....اصلهن مسيوطات.........ويسعلوك عن ياسر عرفات تقول ما بعرفو.... ؟ ما بتعرف ياسر عرفات يا ود الاغبش؟... يا البومة....وطوالي فاتح خشمك وقاعد قدام التلفزيون؟... ياسر عرفات بيغباك؟ زول لابس لو عتنيبة في راسو....وشلوفتو التحتانية.... من يوم مرقهو من بيروت ترجف ابت تقيف لي حسي...وعيونو ما بيرمشن اصلن...وعشرين راجل علي بالطلاق.... ما يقدرو يجرو الجفن الفوق ويلموهو علي اخوهو التحتاني...
|
|
|
|
|
|
|
|
Re: كـــــلام......فـي الســــياســـة (Re: albagir altahir)
|
العزيز سيجي : السلام كيمان الراجل ما قصر وكت إتغزل في حمارتو ، و كمان عاوز يحسن النسل بتاعها بحمار سلالتو معروفة بدل ما يجيب ليهو حمار صايع بتاع زرايب و أولاد حمارتو يطلعوا حمير لا يعترفوا ببردعة و لا بي سرج ولا وتد. تسلم.
| |
|
|
|
|
|
|
|