|
|
 المجــنون....و...العُمـــرة
|
مشيت العُمرة.... بعد ما اللمين رسل لي الشيكة.....قعدت اربعة شهور بلا شغل.... حايم فوق الناس...من بيت عزابة لي بيت عزابة.....يوم حايم في السوق... لاقني سعودي..... باين عليهو مرتااااااااااااااح..... شديد... كورك لي ... يا زول يا زول.... اتلفت لو..... قال لي انا سمعت انكم في السودان بي تعالجو الزول المجنون وشاطرين في الحكاية دي.... وانا عندي اخوي مجنون ما بتعالجو لي؟.... قلت لو بالحيل بعالجو لك...... كدي امشي اشتري لي بسطونة....وتعال النمشي معاك.....شلت البسطونة في ايدي...ودخلني سماحة بيت... قصر عدييييييل كدي....والعربيات اربعة واقفات.... ودخلت جوا..... ودخلني علي الزول المجنون..... لقيتو متحزم بي عقالو ويردح في نص العوضة....وفي مرا زي القمرا وقت شافتنا زاغت لي جوا... اتاريها دي مرتو.... قلت للزول الجابني انت امرق برا واقفل الباب دا وراك بالمفتاح....وما تفتحو علا اقول لك انا افتحو...... وزولي المجنون في رديحو..... يقفل الباب....وانا اقع لك في المجنون دق...دق نضيف..... لب لب لب لب...... بي تجن مالك اكان ما قلة ادب منك؟.... لب لب لب ... عربتك واقفة؟....لب لب لب لب.... بيتك سمح؟...لب لب لب...مرتك.. زي القمرا؟...لب لب ...لب.....ما جنيت انا المعرس زينب بت الخِدر؟....لب لب لب....وامرق صورة لي زينب شايلا في جزلاني واوريها ليهو....واقول لو..... عاين لي للكعوبية دي وعاين لي مرتك؟.... لب لب لب لب ..اكان كنت معرس البعاتي دا كنت سويت شنو؟...لب لب لب لب....الله مقصر معاك بي شنو؟ عشان تجن ليهو؟.. لب لب لب.... الناس يشربو الموية بالكوز...وزينب بت الخدِر تشربا بالزير تشيل الزير بي ايد واحدة وجق جق جق جق تشرب...وتختو وبااااااااااااااااااع تدشا....لب لب لب... النسوان يغنو ليهن...كان مشت تتفدع........زينب كان مشت تتضرع...؟ لب لب لب .... الله يغيظك....لب لب لب..... في الحمل والولادة دي ما بتشبه النسوان. زينب التلاتة الشفع الولدتُن لي ديل والداهم في جزُر الخدار وهي بتشتري في الخدار....... تملص الجنا زي الوقعت منها شنطة يد... اها زولي من شاف صورة زينب..........راق شوية....وهداء...وبعد شوية... يشعبط فوقي ويقعد يجعر ويبكي...... اتاريني حننتو
|
|
 
|
|
|
|
|
| العنوان |
الكاتب |
Date |
| المجــنون....و...العُمـــرة | سجيمان | 01-13-04, 10:24 AM |
| Re: المجــنون....و...العُمـــرة | الجندرية | 01-13-04, 10:58 AM |
| Re: المجــنون....و...العُمـــرة | سجيمان | 01-13-04, 11:30 AM |
| Re: المجــنون....و...العُمـــرة | maia | 01-13-04, 11:03 AM |
| Re: المجــنون....و...العُمـــرة | shiry | 01-13-04, 11:13 AM |
| Re: المجــنون....و...العُمـــرة | سجيمان | 01-13-04, 03:59 PM |
| Re: المجــنون....و...العُمـــرة | ود شندي | 01-13-04, 11:22 AM |
| Re: المجــنون....و...العُمـــرة | سجيمان | 01-13-04, 09:32 PM |
| Re: المجــنون....و...العُمـــرة | سجيمان | 01-13-04, 11:38 AM |
| Re: المجــنون....و...العُمـــرة | أبوالزفت | 01-13-04, 11:11 AM |
| Re: المجــنون....و...العُمـــرة | سجيمان | 01-14-04, 12:25 PM |
| Re: المجــنون....و...العُمـــرة | abas | 01-13-04, 11:47 AM |
| Re: المجــنون....و...العُمـــرة | سجيمان | 01-14-04, 08:35 PM |
| Re: المجــنون....و...العُمـــرة | Teeta | 01-13-04, 04:23 PM |
| Re: المجــنون....و...العُمـــرة | سجيمان | 01-14-04, 08:40 PM |
 Re: المجــنون....و...العُمـــرة | willeim andrea | 01-14-04, 08:50 PM |
| Re: المجــنون....و...العُمـــرة | سجيمان | 01-14-04, 09:19 PM |
| Re: المجــنون....و...العُمـــرة | كبسيبة | 01-14-04, 10:19 PM |
| Re: المجــنون....و...العُمـــرة | سجيمان | 01-16-04, 03:31 PM |
|
| |
سجيمان
فيس بوك
تويتر
انستقرام
يوتيوب
بنتيريست