|
انتحــار ليمــون بــارا
|
الشكية لي اب ايدن قوية....
الشكية لمن يهمه الامر
انا سجيمان المتغرب ..... ليهو تمانية سنوات من البلد... التكتح ما عندي....فلاحتو يلد... الحول بي زول...
وقت اشتاق للبلد وريحة البلد... امشي سوق البهائم... عشان اتفرج في خرفان التصدير الجاية من السودان.... لكن.... اريتن خرفان السواد والرماد.... المعصعصات....الدموعن ديمة جارية..ومخاخيتن جارية..الخروف كلو كرعين.... ولا احسن لاعب سله...... وديمة مدنقرات ويعاينن للواطا....كل الخرفان الجايات من برا ...رافعات روسينن علا خرفانا نحن....وسبحان الله ابصم بالعشرة الخرفان ديل طُرُش...وبُكُم...قعدت جنبهن مشيت افسح الوليدات.. قعدن جنبهن ساعتين دايرين واحد يقول باع... ما قال....قدر ما وليدي صفق عشان الخرفان ديل يرفعن روسينن والله يجرن ساكت...حلفن لا يرفعن روسينن ولا يجرن....انا المتغرب سجيمان اطالب بدورة تدريببة لخرفان التصدير..في الكلية الحربية....وتعليمهم مشيات المارشات العسكرية...وغرس عزة النفس فيهم...قبل التصدير بمدة كافية....لكي يرفعن روسينن وروسين السودانين العاملين بالخارج.....وكفاية نحن المدنقرين روسينا......
الشكية لي اب يدن قوية
الشكية لمن يهمه الامر
اطالب انا المتغرب سجيمان والذي يدفع رسوم قناة فضائية من عرق جبينو... اطالب ..بوضع برميل زيت ولا صفيحة دهن كركار في باب التلفزيون... والمسوح اجباري لكل داخل الي الدار.... اطالب بي نقض شعر بادي محمد الطيب وتمشيطو مرة اخري السودان قفل ويصبغوهو بي صبغة سوداء..عشان اقدر اميز انو دا شعر ...مو سبيطة بلح ناشفة وشايلا بادي في راسو....اطالب بتصغير شنب علي اللحو....كما اطالب وبقوة سحب العكاز من يد الفنانة تريزا....لانو وبكل وضوح لما تجي تغني قاعدة تنهر وتهز العكاز....انا انط وبنيتي تصرخ...والتلفزيون يتقلب في الواطا.......والكهرباء تقطع.ومرة جاتنا جارتنا وهي حامل وعلي التعترا جات تغني تريزا..ومرة الناس مسيكينة اتخلعت ورمت جناها الله يعوض عليهم...المصيبة انو جنين انابيب صارفين عليهو الوراهم والقدامهم....كما اطالب بانصاف ليمون بارا...ويجيبو ليهو صورة في الفيديو كليب العاملو عبد القادر سالم... الكلو ناس قاعدين يتصارعو...ويكورك والناس كلها تكورك ليمون بارا ليمون بارا...ولا ليمونة واحدة مافيهو....اوعى تقولو لي ليمون بارا متحجب.....كما اطالب بقوة انو يورونا راس كمال حامد...لانو من دخل التلفزيون وهو مغتي راسو وانا لي حسي ما شفتو وداير اشوفو....مش بي قروشي؟
|
|
|
|
|
|
|
العنوان |
الكاتب |
Date |
انتحــار ليمــون بــارا | سجيمان | 04-04-04, 08:01 AM |
Re: انتحــار ليمــون بــارا | Hashim.Elhassan | 04-04-04, 08:25 AM |
Re: انتحــار ليمــون بــارا | سجيمان | 04-04-04, 11:28 AM |
Re: انتحــار ليمــون بــارا | EMU إيمو | 04-04-04, 08:34 AM |
Re: انتحــار ليمــون بــارا | سجيمان | 04-04-04, 01:12 PM |
Re: انتحــار ليمــون بــارا | Ahlalawad | 04-04-04, 08:35 AM |
Re: انتحــار ليمــون بــارا | Habib_bldo | 04-04-04, 08:51 AM |
Re: انتحــار ليمــون بــارا | عشة بت فاطنة | 04-04-04, 09:18 AM |
Re: انتحــار ليمــون بــارا | سجيمان | 04-04-04, 09:09 PM |
Re: انتحــار ليمــون بــارا | سجيمان | 04-04-04, 08:26 PM |
Re: انتحــار ليمــون بــارا | سجيمان | 04-04-04, 04:05 PM |
Re: انتحــار ليمــون بــارا | دورنقاس | 04-04-04, 10:37 AM |
Re: انتحــار ليمــون بــارا | soma | 04-04-04, 09:09 PM |
Re: انتحــار ليمــون بــارا | سجيمان | 04-04-04, 11:00 PM |
Re: انتحــار ليمــون بــارا | سجيمان | 04-04-04, 09:44 PM |
Re: انتحــار ليمــون بــارا | Ahlalawad | 04-05-04, 07:57 AM |
Re: انتحــار ليمــون بــارا | سجيمان | 04-05-04, 12:32 PM |
Re: انتحــار ليمــون بــارا | سجيمان | 04-05-04, 06:18 PM |
Re: انتحــار ليمــون بــارا | bushra suleiman | 04-05-04, 07:13 PM |
Re: انتحــار ليمــون بــارا | سجيمان | 04-05-04, 08:48 PM |
Re: انتحــار ليمــون بــارا | منوت | 04-06-04, 10:51 PM |
Re: انتحــار ليمــون بــارا | الكناري | 04-07-04, 01:49 AM |
|
|
|