|
الرجــــل الذي..... ركـب راســـــو
|
الواحد زهج من حاجات كتيرة...... من نفسو ...من اسمو..من راسو.. من كرعيهو... ديل كلهن وحاجات تانية ناوي اغيرهم..... ابدا باسمي.. لاني شايلو الزمن دا كلو... ومباريني...وجايب لي النحس....وبعدين كفاية اكتر من ربع قرن....ونحن مقرونين في بعض...مفكر... ما اسمي اسم زاتو....مفكر اخد نمرة.......زي وزي أي عربية...وخلاص....حاخد رقم تسعة.... قاعد اتفأل بيهو... وحيكون اسمي بدل..... سجيمان علي سجيمان...... حيكون تسعة تلاتة تسعة....عشان امقلب الجماعة... البيجوني في الليل ديل وانا بين نايم وصاحي ....ويقولو لي..... سجيمان قوم اركب راسك..... وفنتروب....اخفس.....واقوم انا زي الما نصيح...واكوس للمفاتيح وافتح الباب واركب في راسي....كل يوم كدي.....وانا في االحالة دي.....الغريبة اخلي التنك مليان .... تاني يوم القاهو فاضي....خمستاشر سنه...وانا من تغيب الواطة يجوني الجماعة يا سجيمان قوم اركب راسك وانااركب راس السجم دا واحوم البلد والبلدين.....مرة جيت اركب لقيت البطارية نازلة.....وقدر ما اتلفت واكوس لزول يلز معاي الراس دا عشان يدور...ما لقيتو..... بقيت اخليهو في حته عالية.... وادردقو واركب... اسوقو..... ومرة احرجني جنس احراج ماا نساهو لمن اموت.... بطل علي في الاشارة.....وناس المرور والحركة ادوني مخالفة..وكنت اليوم داك شايل لي مرا قاعدة تتوجع دايرة تلد....وولدت علي جوا الراس.... غايتو وصلتها الاستبالية... و بعد ما اخدت لفتي...وجيت راجع البيت...... الباب حق الراس ابى ما يتفتح عشان انزل.... قدر ما عافرت و صاورت فيهو... انت يا دا الباب...ما داير تفتح....والله خفت وشلت هم....تصبح الواطة وناس البيت يفقدوني ويلقوني راكب راسي......... اهه.... حيكون موقفي شنو؟....غايتو بعد معافرة ومدافرة......... يا الله فتح ... خمستاشر سنة......وانا طول النهار..متمحن ومتحن....و شايل هم لليل.... ما عشان ركوب الراس.... ركوب الراس هين اتعودت عليهو..... خايف الجماعة البيجوني ديل يغيرو رايهم يوم....ويقولو لي يا سجيمان ادخل في مضافرينك................
|
|
|
|
|
|
|
|
Re: الرجــــل الذي..... ركـب راســـــو (Re: ايهاب)
|
اخوى سجيمان تحياتى
انت الايام دى حاول ان الا تركب راسك تقوم تنقلب فى الشارع والاضان التالتة تخسرها عشان كدا خلى الاضان لما تكبر وتانى اركب راسك عشان تسمع كويس وبوليس الحركة يقوم يحبسك وانت رخصتك قديمة وما دافع التامين كمان
حتى حركة السودان قايمة الايام دى حزام وتامبن واشاء تانية بجيب فلوس.... ولمتين نحن صايعين والراس راكبين والكيزان مروقين وللبلد حاكمين
وشكرا ابوقوتة
| |
|
|
|
|
|
|
Re: الرجــــل الذي..... ركـب راســـــو (Re: سجيمان)
|
انت قايل روحك اول راس,فى راس الرجاء الصالح شوف الركبه دى وصلتو وين,راس الخيمه,راس الفتنه, راس الحكمه,go ahead,head quarters,headlines, راسك ده من الاينعوا وحان قطافهم, ما يقدر عليك الا شنا ولا الملا عمر ومعاهم شيري بس يجيبوا معاهم طوبه... راسي وراسك دخلوا الرئاسه راسى رآس راسك يقدر راسك يراس راسى زى ما راسي راس راسك...
كان راس قولا مية مره
| |
|
|
|
|
|
|
|