|
سعــــــديـة.......الارهـــــابيـة
|
مدرسة العولمة.....والسواطة في الشعر العربي..........مدرسة جديدة....... سيبكم من القوافي والوزن.....والكلام الفارغ.......وناس البحور...... الخفيف والتقيل...والمردوم.....والتمتم.... وبحر العرب ...وبحر الروم........اكتب اي كلام وارميهو في النت.......قطع شك تلاقي زول يقراهو.....ويعجب بيهو ويشجعك......
وحات عمري.....ووحاتك انتي يا سعدية
وحات نضري...وحاتي انا انتي ارهابيه
شعرك.....مدلدل فوق كتيفك
وتلعبي بيهو......بي.... كيفك
قنابل ..................عنقودية
تقنبليني
وتفرتكني
حتة حتة.....لا تعويض ولا دية
وحات نضري....ووحاتي انا انتي ارهابية
رموش عيونك؟ ما رموش.... ديل عمارة
ابراج مبنى................التجارة
بهدلني
وهلهلني
الما بي يتهلهلن...لا بي صاروخ...ولا طيارة
ولا بي تهدهن......رؤس........................نووية
وحات نضري....ووحاتي انا انتي ارهابية
عيونك نظراتن....سون فيني بلاوي
عيونك؟............. مو عيون....
عيونك ترمي............. كيماوي
يبخني
ويدوخني
يهرني
ويسلخني
وفي ثانية ابقى....فطيسة........مرمية
وحات نضري.....وحاتي انا انتي ارهابيه
من يوم شوفتك....قلبي بقى زي طيارة مخطوفة
برج المراقبة.....مرة يوشوفها ومرة ...ما يشوفا
تحوم مطارات الدنيا مطار....... مطار
مرة تنزل....ومرة تروح ما يلقاها رادار
وخاطفها في ايدو... سكين...ومسدس...وقنبلة يدوية
وحات نضري وحاتي انا انت ارهابية.........
نهيداتك...جبلين.....في تورا بورا
بيناتن...خنادق للعركة...... محفورة
تكتليني
وتكفينيني
وتدفنيني
ياها...دي...الفيكي........... محرية
وحات نضري وحاتي انا انتي ارهابية
ناسك....الرايدنك..... واقفين طابور
وانا راجي.. ومتعشم... يجيني الدور
انا..... الفصيح
واقف.... اصيح
متل الما نصيح
منو....البيعرس ... سناتور؟
حرسو مارينز....دبابة.....وبندقية
وحات عمري.....ووحاتك انتي ياسعدية
وحات نضري...ووحاتي انا انتي ارهابية
[size=12][/size]
|
|
|
|
|
|
|
|
Re: سعــــــديـة.......الارهـــــابيـة (Re: سجيمان)
|
العزيز سي جي مان أول حاجة نسأل الله أن لا تصيبكم تفجيرات الإرهاب في السعودية، فالأمر صار خطيرا .. ثانيا: أعمل حسابك من الإرهابيين في المملكة عندكم، ما يعملوا ليك "خراب راس"ـ.. مش نجي بعد مدة نسأل يا جماعة كان هنا في واحد سوداني يقولوا لينا: وينك؟؟ بقى إرهابي لقد قرأنا في جريدة عكاظ : العلماء:الارهابيون يرفعون الشعارات الزائفة ويتآمرون باسم الدين لاغواء الشباب http://www.okaz.com.sa/okaz/Data/2003/7/22/Art_9096.
المصدر : ابراهيم عقيلي (جدة), محمدالعنزي (الدمام) , عبدالكريم خوجة (مكة المكرمة)
| |
|
|
|
|
|
|
|