|
|
 Re: مخاطة على المركز السوداني الأمريكي بأريزونا (Re: malamih)
|
الحبيب عادل،
صراحة احي صدقك، واندفاعك للدفاع عما تراه الحق.
صراحة، كل شبر في امريكا الشمالية دي، فيها سودانيين، عندهم المشكلة دي في العمل العام، واخوك من الخاضو مع الخائضين في هذا الجانب في كالفورنيا، منذ اواخر الثمانينات.
خلاصة رحلتي الطويلة، هنا او حتي في كندا، بخصوص العمل العام، هو الاتي:
* نقل المشاكل الذي دي، للمنابر الذي دي، ومن خبرتي الطويلة، ضار اكثر منو نافع، لانو الاغلبية المطلقة، طبعا ماعندها ادني فكرة، وحتكتفي بالفرجة.
الافضل الواحد يدوس علي روحو او مشاعرو او يواصل المسعي باللين او بالحسني، لو ممكن، او يبعد، لانو مكلف جدا من حيث الالتزام والوكت والصحة والحياة الاجتماعية.
صدقني اخوك كان راس هوس كبير خلاس، لكنو وعي الدرس تماما، ويشهد علي هذا عضو المنبر او غريمي، د.متوكل، علي راس الكوم الاخر، كعادة الكيمان في المجال ده.
* التصاقنا الشديد اوقربنا من بعض الحميم، صراحة الوجه الاخر ليهو يمثل مشكلة، مقارنة بالجاليات الاخري، حتي الافريقية، حيث هناك مسافة معقولة من حيث التواصل الاجتماعي، فمازينا قراب شديد، لاننا لسة جداد في البلد دي، او كلنا جينا كبار في اعمار متقاربة شايلين بقج كتير من القيم والمفاهيم المابتنفع في مناخ البلد دي.
* اسلوب ادارتنا للعمل العام، صراحة بعيد كل البعد، عن تقاليد الممارسة والتنظيم في المجال ده، في البلد دي!
فاحنا اقرب مانكون في سذاجة القرويين البسيطين، في تعاملنا في الحتة دي.
اشبه مانكون بي اسكتش تور الجر الجا العاصمة، اوربط حمارو في تصادم الفلوكسواجن، او هو ماعارف انو الداهي ده، شئ متحرك او ماثابت، لمان دور، كر الحمار، المسكين معاهو!
من ذلك حكاية العدد الجرار للجنة، اوبيروقراطية النصاب الماتم، والتسيب، والتوقعات الغير واقعية للاعضاء، او عدم الالتزام بالاشتراك، الايقونة، المجاملات، الوجاهة، الافتراض والتصور المسبق، ان في الامر ماكلة او مؤامرة..الخ!
*كل الجاليات الناجحة الانا شفتها، كلها بتشترك في سمة الادارة المحترفة المتفرغة تماما، بي صورة اقرب للعمل الخاص، او شركات المساهمة العامة، منها لي نظام دكان التعاون في الاحياء، الاحنا لازلنا مواصلين فيهو كذهنية واسلوب لادارة العمل البنسميهو عام.
طبعا الناس ديل دغريين او ما بمثلو دور الوطني او الخير البضحي بي روحو عشان الكميونتي الي اخر الدجل العندنا في الحتة دي.
المسالة واضحة للجميع انو الناس محترفين، متفرغين تماما، او ده اكل عيشم ولايدعون اي مجد او احسان او فضل او ماشابه.
في العادة نفرين تلاتة في البداية ثم المسالة تكبر حسب حجم العمل او متطلباتو.
السؤال هل جيلنا انا او انت قادر علي تعاطي ذي ده؟
اشك في ذلك، والبركة في اطفالنا الجايين، الخاليين من تربية العمل السياسي، المتحرك في شكل مربع انجليزي، بي صورة جماعية تظاهرية مخيفة، الروتيني البيروقراطي المترهل الغير منتج، المكلف، الكلو حشو اومظاهر، ترضيات او قشر بالموقع، للوصول لمكانة اجتماعية محددة عن طريق ذلك، والي اخر سلسة العادات والتقاليد الغير منتجة في ثقافتنا الموبوءة بي مظاهر التبارز والسباق الاجتماعي المثالي!
خالص مودتي.
|
|
 
|
|
|
|
|
| العنوان |
الكاتب |
Date |
| مخاطة على المركز السوداني الأمريكي بأريزونا | malamih | 11-26-06, 03:15 AM |
| Re: مخاطة على المركز السوداني الأمريكي بأريزونا | أسامة خلف الله مصطفى | 11-26-06, 03:31 AM |
| Re: مخاطة على المركز السوداني الأمريكي بأريزونا | malamih | 11-26-06, 03:38 AM |
| Re: مخاطة على المركز السوداني الأمريكي بأريزونا | malamih | 11-26-06, 03:56 AM |
| Re: مخاطة على المركز السوداني الأمريكي بأريزونا | malamih | 11-27-06, 01:20 AM |
| Re: مخاطة على المركز السوداني الأمريكي بأريزونا | Deng | 11-27-06, 08:03 AM |
| Re: مخاطة على المركز السوداني الأمريكي بأريزونا | malamih | 11-27-06, 04:14 PM |
| Re: مخاطة على المركز السوداني الأمريكي بأريزونا | malamih | 11-27-06, 05:55 PM |
| Re: مخاطة على المركز السوداني الأمريكي بأريزونا | malamih | 11-27-06, 06:40 PM |
| Re: مخاطة على المركز السوداني الأمريكي بأريزونا | malamih | 11-27-06, 08:44 PM |
| Re: مخاطة على المركز السوداني الأمريكي بأريزونا | عبد المنعم ابراهيم الحاج | 11-27-06, 09:02 PM |
| Re: مخاطة على المركز السوداني الأمريكي بأريزونا | Nasr | 11-27-06, 10:18 PM |
| Re: مخاطة على المركز السوداني الأمريكي بأريزونا | خضر عطا المنان | 11-27-06, 11:45 PM |
| Re: مخاطة على المركز السوداني الأمريكي بأريزونا | malamih | 11-28-06, 00:59 AM |
| Re: مخاطة على المركز السوداني الأمريكي بأريزونا | malamih | 11-28-06, 01:04 AM |
| Re: مخاطة على المركز السوداني الأمريكي بأريزونا | malamih | 11-28-06, 01:16 AM |
| Re: مخاطة على المركز السوداني الأمريكي بأريزونا | malamih | 11-28-06, 10:01 PM |
| Re: مخاطة على المركز السوداني الأمريكي بأريزونا | ياسر نجيلة | 11-29-06, 06:11 AM |
| Re: مخاطة على المركز السوداني الأمريكي بأريزونا | malamih | 12-01-06, 10:10 PM |
| Re: مخاطة على المركز السوداني الأمريكي بأريزونا | malamih | 12-01-06, 10:25 PM |
| Re: مخاطة على المركز السوداني الأمريكي بأريزونا | خضر عطا المنان | 12-02-06, 12:51 PM |
| Re: مخاطة على المركز السوداني الأمريكي بأريزونا | يوسف الولى | 12-02-06, 01:16 PM |
| Re: مخاطة على المركز السوداني الأمريكي بأريزونا | بكرى ابوبكر | 12-08-06, 08:45 PM |
| Re: مخاطة على المركز السوداني الأمريكي بأريزونا | malamih | 12-08-06, 10:48 PM |
| Re: مخاطة على المركز السوداني الأمريكي بأريزونا | Bashasha | 12-08-06, 11:26 PM |
|
| |
Bashasha
فيس بوك
تويتر
انستقرام
يوتيوب
بنتيريست