|
Re: إعتذار لأسرة المركز السوداني الأمريكي و إعتزال (Re: malamih)
|
الاخ العزيز بكري، تحياتي،
لم توفق في نشر المداخلة دي هنا.
واضح انك ماقريت الكلام المنشور هنا.
اخوانا عادل اعتذر طبعا ماعارف ماهو موجب الاعتذار اصلا، عن وجهة نظر قيلت حول عمل عام، باي صيغة كانت.
بل اكتر من كده الرجل اعلن اعتذالو عديل كده!
ماراعيت لاي من هذا، فماتعرف ماهو المطلوب منه اكثر من كده؟
الاخ العزيز عادل،
طبعا اخوك ضيف في اريزونا او مامقيم رسميا هنا، اوبعيد تماما من الناس او مامتابع كويس الحاصل.
ولكن حسب مافهمتا، انت بتعتذر عن كلام قتو، وهذه روح جميلة مبدائيا، ولكن من جانبي، شخصيا لااري ان هناك خطا في التعبير عن الراي، في مسائل تتعلق بالشان العام، يستوجب الاعتذار اصلا.
هذا من حقك، وتقبل ماتقول من واجب من تقبل الموقع، والا اذا كانت اساءة شخصية، تمس الشرف او الاخلاق او الحياة الخاصة، فهذا شان اخر.
اما مفردة مخاط، فلاتستوجب اي اعتذار من اي كان بالمرة.
من الجانب الاخر حقيقة اندهشت لاعلانك الاعتزال لسبب لهذا، حيث ينبغي عليك في موقف كهذا الدفاع عن حقك في التعبير لاخر رمق.
فقط اعتب عليك، فتحك لمواضيع كهذه في مكان كهذا، لانو ضار اكثر منو نافع، ولكن نقدر حسن نيتك هنا، واتمني انك تتقبل كلامي كراي اخر وانت رجل ديمقراطي.
اتمني من جوا قلبي، انو الاختلاف هنا بينكم الاتنين مايتعدي مداه وتاثيرو عتبات هذا الفضاء، لاننا في الاخر، ماعندنا غير بعض كسودانيين، مهما اختلافنا، او احنا في غربة.
صدقني رغم صراعي العنيف مع خصومي في المجال ده، ولكن، وبحمد الله، ظللنا اخوان، والخلاف لم يمس الجانب الاجتماعي في علاقتنا بي بعض، ود.متوكل كخصم لي حينها، والاخ ساتور، الموصلي، ايضا، والاخ عضو المنبر ناصر العاصر الفترة ديك يشهدون بذلك.
ده مهم جدا، ولا اوصيك علي شئ ذي ده، اما الكلام الوارد عن عزلك اجتماعيا، فده كلام فورة زعل، قطعا، ويستحيل يحصل من ناس عاقلين، اوهم ناس عاقلين قطعا.
صدقني لامعني لاي عمل عام تكون نتيجة الاختلاف حولو هو المساس بالنسيج الاجتماعي في المنطقة المحددة.
لوكده فلا داعي اصلا للشغلانة بي رمتا.
اخوك بشاشا.
|
|
|
|
|
|
|
العنوان |
الكاتب |
Date |
إعتذار لأسرة المركز السوداني الأمريكي و إعتزال | malamih | 12-04-06, 12:58 PM |
Re: إعتذار لأسرة المركز السوداني الأمريكي و إعتزال | malamih | 12-04-06, 01:52 PM |
Re: إعتذار لأسرة المركز السوداني الأمريكي و إعتزال | malamih | 12-04-06, 10:22 PM |
Re: إعتذار لأسرة المركز السوداني الأمريكي و إعتزال | Mohamed Elgadi | 12-04-06, 10:30 PM |
Re: إعتذار لأسرة المركز السوداني الأمريكي و إعتزال | بكرى ابوبكر | 12-08-06, 08:48 PM |
Re: إعتذار لأسرة المركز السوداني الأمريكي و إعتزال | malamih | 12-08-06, 11:01 PM |
Re: إعتذار لأسرة المركز السوداني الأمريكي و إعتزال | malamih | 12-08-06, 11:19 PM |
Re: إعتذار لأسرة المركز السوداني الأمريكي و إعتزال | Bashasha | 12-09-06, 01:20 AM |
Re: إعتذار لأسرة المركز السوداني الأمريكي و إعتزال | malamih | 12-09-06, 03:03 AM |
Re: إعتذار لأسرة المركز السوداني الأمريكي و إعتزال | Bashasha | 12-09-06, 03:29 PM |
Re: إعتذار لأسرة المركز السوداني الأمريكي و إعتزال | malamih | 12-11-06, 06:05 AM |
Re: إعتذار لأسرة المركز السوداني الأمريكي و إعتزال | malamih | 12-11-06, 02:20 PM |
|
|
|