|
Re: يوميات الشرامه المفتحين (Re: محمد فرح)
|
تشجع عباس أب كراع وتقدم بخطواته الثقيله نسبة لوجود جرح قديم في رجله جعلها أضخم من المعتاد ووقف أمام البنت وقال : لو سمحتي يالقطه ممكن نتعرف أنا أب كراع ... نظرت له البنت شذراً بدون أن ترد عليه فأردف : والله أنا زول ظريف ومفتح ولو سألتي مني بتاعين الرقشات الفي الموقف ديل كلهم بعرفوني وممكن أوصيهم بخفضوا ليك ... تحركت هنا الفتاه خطوتين للأمام كي تبتعد عنه ... وهنا أحس أصدقائه بإقتراب الكارثه وحسوا إنو في مشكله حتحصل فقال محمد لحريقه : يامان (جهز قارديك في طقطقه حتحصل حسي) وفعلاً إستنجدت الفتاه بأحد أقاربها الذي جاء لينفش ريشه : يازول انت ماتزح من هنا يللا أطلع لينا بره الحفله دي انت صعلوق وللا شنو .... وفجأه طار فيه أب كراع بي شلوت بين كرعينه خلاه يفرفر وفي روايه قالوا الزول ده بفرفر لي حسي المهم جاطت الحفله وإتدخلوا الشباب وطلعوا من الحفله في النهايه (الكثره تغلب الشجاعه) وفي طريق عودتهم للحله قال محمد زرديه ياعبس ياخي إنت طوالي اي حفله داير تشاغل فيها وتعمل مشاكل وبعدين إنت ماعندك علاقه بي حواء كلاب الفنانه ياخي ماتخليك زول مخلص ... (مخلص عبد الشكور) رد حريقه وواصل ياأخوانا خلاص ياخي مامشكله حصل خير وقال عباس : ياأخوانا والله أنا نفسي أحب لي بت حنكوشه كده وتكون حنيييييييييينه والله أنا فاقد حنان ياأخوانا لاأبوي دلعني لاأمي ولاحواء كلاب زاته دلعتني .....
|
|
|
|
|
|
|
العنوان |
الكاتب |
Date |
يوميات الشرامه المفتحين | محمد فرح | 11-22-06, 03:57 AM |
Re: يوميات الشرامه المفتحين | محمد فرح | 11-22-06, 07:10 AM |
Re: يوميات الشرامه المفتحين | مهند مامون | 11-22-06, 09:13 AM |
Re: يوميات الشرامه المفتحين | محمد فرح | 11-23-06, 03:22 AM |
Re: يوميات الشرامه المفتحين | ناذر محمد الخليفة | 11-23-06, 08:39 AM |
Re: يوميات الشرامه المفتحين | محمد فرح | 11-23-06, 09:44 AM |
Re: يوميات الشرامه المفتحين | ناذر محمد الخليفة | 11-23-06, 09:53 AM |
Re: يوميات الشرامه المفتحين | محمد فرح | 11-23-06, 10:37 AM |
Re: يوميات الشرامه المفتحين | احمد معتصم الطيب | 11-23-06, 11:03 AM |
Re: يوميات الشرامه المفتحين | شهاب الفاتح عثمان | 11-23-06, 01:44 PM |
Re: يوميات الشرامه المفتحين | ناذر محمد الخليفة | 11-24-06, 04:30 AM |
Re: يوميات الشرامه المفتحين | محمد فرح | 11-25-06, 03:59 AM |
|
|
|