|
|
 Re: فووووق (Re: ملكة سبأ)
|
عبرت محيط الدم بكائية على قبر الشهيد محمد طه محمد احمد
--------------------------------------------------------------------------------
خيول عبرت محيط الدم بكائية على قبر الشهيد محمد طه محمد احمد كتبها الشاعر محمد المهدي حامد
يا طالع الشدرة :-
جيب لي معاك صحفي ينضُم عن الفقرا
يحمل قضاياهم
لي سدَّة الحكام في الأزمنة الخطرة
سواي ومو حداث
ساتر عروض الناس باقيلا بيت وضرا
مايخشى غير الله
قدامي في الحوبات سيد مقدرا وقَدُرا
نعم انو بات مكتول
وتبت يداك يازول يا كاتل الأحلام
لكنو حي مامات
سرَى في عروق النيل وانساب من الأقلام
صادع بقولة الحق
لا خاف من السلطان لا داهن الحكام
ساعة الظلم تَسّبْ
عام عكس تيارو وياما هو كان عوام
في المدرسة الأول
والحكمة انو كمان كان ماسك الدفة
وسط الرياح والنو
قاد مركب التايهين رسّاها في المرفا
جواهو صافي جميل
زول ود «تريا » عديل ماجاها باللفة
سمح الخصال بلحيل
أرض القرير والنيل شهدنلو بالعفة
من مدرسة دكّام لي جامعة الخرطوم
حشدت خطى الأيام أحلام ولد مهموم
بي عزة الإنسان الصابر المحروم
شايل البلد في البال كان صاحي أوفي النوم
قوم يا محمد قوم
عَلِّم كُبار القوم كيف يبقوا منحازين
واقفين في صف الناس
من كافة الأجناس مايبقوا فرّازين
ودرس شيوخ القوم
مسلك طريق القوم وحب الرسول الزين
وشَرَف الكلام الحُر
وطعم الحقيقة المُر دون زخرفة وتزيين
ياطالع الشدرة
فارسنا حلّق فوق فات الحُجُب من جَم
فات منَّهِن مَعَتُوق
سجن التراب والطين وسور المكان الهَم
لي سرمدية الروح
الساربة في الآفاق عبرت محيط الدم
صهلت خيول الشوق
الصَّافِنَات شايلات فجر الحقيقة قلم
واهتزت الشدرة ..
وباتوا اليتامى كُتار من فاتنا ود طه
ماروعة .. مارماح ..
ولا الخميني ولا عبد العزيز لاها
إتيتم السودان
حتى «الوفاق» «والدار» «والراية» بكاها
كل البلد مكتول
لكن محمد حي ... بي فعلو جُواها
شلة ضلاميين
تنضارا من الضو نور القلم جهرا
قام منهم وطواط
قايل الحقيقة تموت محروقة بي جمرا
لكنو كان موهوم
ناسي الحساب واليوم الوالدة من ضهرا
ودم الشهيد مابروح
فوق البلد بيفوح ويجبر كمان كَسِرا
جرْتَقْ ضلام الليل
وخدَّر ضفاف النيل من راجا لي حلفا
النخلة والأبنوس
رقصن مع النسَّام سافرات بلا كُلفة
وبشَّر شهيدنا قًدَل
بين الجنان .. والحور تحت الظلال حافَّا
ولداً قبيل هُو عَدَل
عوجات غلابا كُتار والكلمة نال شرفا
ياطالع الشدرة ..
قول للوليد الزين زولاً بسوِّي الزين
لابد مِن يَلقا
ويكفيك رُضا الوالدين و«التامَّة نُص الدِّين»
والصالحات أبقى
واصلو المنون زي كاس الحزن والأعراس
في الدنيا مُنْصَبْقة
ومابين حياة الناس والموت .. خُطى الأنفاس
يازفرة ياشهقة
|
|
 
|
|
|
|
|
| العنوان |
الكاتب |
Date |
 اسرة فقيد الصحافة والوطن قد تقاضى الواثق الصادق عبر سوانيزاونلاين | ابن النخيل | 11-05-06, 09:06 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | Bakhaf | 11-05-06, 09:09 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | Ahmed Mohammed Osman | 11-05-06, 09:25 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | ebrahim_ali | 11-05-06, 10:50 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | حيدر حسن ميرغني | 11-05-06, 11:04 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | هجو الأقرع | 11-05-06, 11:12 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | عبده عبدا لحميد جاد الله | 11-05-06, 11:25 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | السنجك | 11-05-06, 11:39 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | على محمد على بشير | 11-05-06, 12:57 PM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | ابن النخيل | 11-06-06, 03:23 AM |
| فووووق | ملكة سبأ | 11-06-06, 03:28 AM |
| Re: فووووق | ABU QUSAI | 11-06-06, 05:22 AM |
| Re: فووووق | ابن النخيل | 11-19-06, 11:42 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | Basheer abusalif | 11-08-06, 06:36 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | ابن النخيل | 11-19-06, 11:49 AM |
| Re: اسرة فقيد الصحافة والوطن قد تقاضى الواثق الصادق عبر سوانيزاونلاين | السر عبدالله | 11-19-06, 11:54 AM |
|
| |
ابن النخيل
فيس بوك
تويتر
انستقرام
يوتيوب
بنتيريست