|
Re: محجوب شريف الضل الوريف أمنحنا الثبات يا غيمة وقامة بطعم الوطن (Re: hanadi yousif)
|
وطنا البي اسمك كتبنا ورطنا أحبك .. مكانك صميم الفؤاد وباسمك اغني تغني السواقي خيوط الطواقي .. سلام التلاقي ودموع الفراق واحبك ملاذ .. وناسك عزاز احبك حقيقة واحبك مجاز احبك بتضحك .. واحبك عبوس بعزة جبالك ترك الشموس وما بين ظلالك .. افتش واكوس افتش طفولتي .. وملامح صباي بناتك عيونن صفاهن سماي وهيبة رجالك بتسند قفاي احبك بتضحك واحبك عبوس صحي بتملأ عيني وتشرف غناي بحضرة جلالك .. يطيب الجلوس مهذب امامك يكون الكلام لأنك محنك عميق الدروس مجيد المهابة ومديد القوام شبابك تشابك .. شديد الزحام اراهم وراهم غبار الحياة مدائن تعاين كأم العروس تهلل تكلل جبين الهمام رذاذا يبلل اغاني الخليل اصدق كلامك حقيقة وبخاف الطريق الما يودي ليك واعاف الصديق اللي ما يهم بيك معاك انتظاري ولو بالكفاف وعنك بعيد انا ابيت الرحيل وبيك اعتزاز الصباح الجميل جميع الاغاني اتكالن عليك
|
|
|
|
|
|