|
|
 Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) (Re: عصام أحمد)
|
سلام
زوجتي العزيزه
تخيلت الآتي:
في ناس حيكسروتمثال الحريه.
الولايات ال51 كل قبيله حتمسك ليها واحده وبطون القبايل والقبايل المالقو ليهم حته حيسكنوهم في ألسكا
طبعا اللصقات في الصيدليات حتتعدم من جراء الظليط والكسير في المتروهات
المسارح ودور السينما والمتاحف حيعملوها زرايب ومخازن بصل
الصواريخ النوويه العابره القارات حيربطو فيها الحمير وستات الشاي والفول والتسالي حيعملو سوق امدفسو في ضل المركبه الفضائيه (ديسكفري).
مركز ناسا حيبقي بوتيك قدر ظروفك
السلاح النووي حيبيعوا في السوق الاسود
الاسطول السادس في البحر الابيض المتوسط وأساطيل الاطلنطي والهادي بقلبوها سلخانات والقواصات حيلحقوا بيها السمك في حتتو
البيت الابيض حيضربو لون اصفر زي اشلاك البوليس
وشوارع نيويورك حتبقي بنيه بفعل التمباكه
ومباني الامم المتحده حيبيعوها في المزاد(السري)
والبوهيه حتنعدم في امريكا لانو كل واحد عاوز يشخبت في محلو او في العربات الحيخلوها الامريكان
والسي آي ايه حيشتغلو فيها النسوان
والوزاره الا يمسكوها نفرين نفرين وحيكون في منصب دستوري جديد (وزير مشترك) لانو عندنا مشكلة فائض وزاري .
وأخيرا العالم كلو حيستغرب عن الاختفاء المفاجئ للولايات المتحده الامريكيه
أما الولايات المتحده السودانيه عاصمتها الخرطومطون زاهيه وجميله وخضره
وناطحات السحاب تتشاف من مدني وحقات مدني تتشاف من دنقلا وناطحات دنقلا ضلها في الابيض
طبعا سخانه الا اول يوم لانو جماعتك دورو في البلد تشجير ونوافير في كل المدن
وتشوف كيمان التراب دي تقول في شنو؟ جماعتك عملو مترو!!!!
قوات جويه ضاربه اساطيل سودانيه حايمه في المحيطات وغواصات كمان والسودان بدل مليون ميل مربع بقي اكبر دوله وضم الشاد واثيوبيا ومصر وكينيا ويوغندا كمان
وتسمع في الاخبار السودان بقي دوله نوويه ووجه ضربه لهندوراس وغزا النيبال وارسل قواته لحفظ السلام في دآلاس وفض النزاع النشب بين أريزونا واركينزاز بسبب غنمايه اكلت حوض جرجير مرشوش بالغلط سم فأر.
والسنر حينعدم في البلد وشغالين مسح شديد في الشخبته البتمجد الجهويه والقبليه
وخططوا المدن والقصر الجمهوري اصدر قرار بمنع تشييد المباني من الجالوص والقش
وتسمع دول العالم يقولو :مطره شغاله في الخرطومطون 3 ايام ولا ميعه وصرف صحي يازوووووووول!!!!!!
ولسه
|
|
 
|
|
|
|
|
| العنوان |
الكاتب |
Date |
 لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-16-06, 01:03 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-16-06, 01:10 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | النسر | 09-16-06, 01:14 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | حسين يوسف احمد | 09-16-06, 01:22 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-17-06, 09:55 AM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-17-06, 09:48 AM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | محمد شرف الدين عبد البارئ | 09-16-06, 02:38 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | EL fahal Abdelatif | 09-16-06, 04:53 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | Yassir Tayfour | 09-16-06, 06:37 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-17-06, 10:16 AM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-17-06, 10:14 AM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | عصام أحمد | 09-17-06, 10:04 AM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | محمد شرف الدين عبد البارئ | 09-17-06, 01:01 PM |
| Re: لو السودانيين والأمريكان بكامل رضا الطرفين (إتبادلوا) البلدان..البيحصل شنو؟؟(رأيك) | Mustafa Mahmoud | 10-06-06, 04:12 PM |
|
| |
محمد شرف الدين عبد البارئ
فيس بوك
تويتر
انستقرام
يوتيوب
بنتيريست