|
Re: اين مناوى؟ (Re: محمد جمعه جوده)
|
Quote: والله يا شدو طيب لو انا عنصرى واعرف ليك العنصريه زى ناس مناوى ديل يبقو شنو
انا اسألك سؤال وجاوبو بى صراحه كل الحركات الفى دارفور شفت ليك قائد واحد من القبائل العربيه ولا ما عايشين فى دارفور
الظاهر انت ما قريت مذكرات تائب عشان كدا انا عازرك |
يا اخوى محمد جمعة جودة ، خلى النقاش يكون علمى وموضوعى شوية ما تنط من شئ الى شئ اخر ،
انت تحدثت عن العنصرية ، كل الذى اطلبه منك ان تجاوبنى على اسئلة المداخلة السابقة
عشان نتفق على شئ محدد .
انت قلت المداخلة الاولى فيها العنصرية قول لي اين العنصرية فيها اعمل (quote) عشان نضع النقاط على الحروف
حركة تحرير السودان بقيادة قائدها مناوى ، ليها اهداف ومبادئ ولا تهمها الى اى مجموعة عرقية او قبلية او دينية تنتمى شرطها الاساسى ان تؤمن باهدافها ومبادئها . عشان كدة فى حركة تحرير السودان تلقى كل المجموعات ، تلقى الفوراوى تلقى الميماوى تلقى الشايقى تلقى الفوراوى تلقى الزغاوى تلقى المساليتى تلقى الرزيقى تلقى التعايشى ، تلقى المسيرى تلقى المعاليا تلقى الهلباوى تلقى الجعلى ولو عايزهم بالاسماء برضو قول لى لكن خلينى اسالك سؤال انت عايز يكون على راس الحركة واحد من القابئل العربية عشان تنضم ليها ؟؟؟ وبعد داك تقول الحركات ما عنصرية ؟ ده كلام برضو يا ود جمعة ده فهم عنصرى
Quote: انا اسألك سؤال وجاوبو بى صراحه كل الحركات الفى دارفور شفت ليك قائد واحد من القبائل العربيه ولا ما عايشين فى دارفور
|
الكلام ده ما بختك فى خانة العنصريين والمتعصبين للعرق والجهة يا اخوى محمد جمعة جودة
انت فقط لو صبرت ما بعيد ممكن تلقى احدى هذه الحركات رئيسها من القبائل العربية ، لانه هذه الحركات وخاصة حركة تحرير السودان بقيادة مناوى ما عندها علاقة بالقبلية ولا الجهوية ، بس عندها اهداف ومبادئ اى انسان قال انا اقتنعت بهذه الاهداف والمبادئ بغض النظر عن قبيلته سينال العضوية ، واقول ليك وسع عقلك شوية بلد زى سودان متعدد الاعراق ما تجى تقول اما اى تنظيم يكون رئيسها من القائل العربية او انا امتنع ، هذا الفهم قاصر ولا يسع كثيرون .
ومنو قال ليك ما فى قائد واحد من القبائل العربية ... لا انت ما متابع اوما عارف عن القبائل العربية ... من كلامك
قول لى ابو عبيدة بن الخليفة عبد الله التعايشى ده من وين وقبلته شنو ؟؟؟
وكمان قول لى يحيى مادبو السافر مع وفد حركة تحرير السودان الى واشنطون من وين وقبيلته شنو ؟؟؟ ما هو ابن اكبر زعيم للرزيقات وهو قائد وقيادى بارز فى حركة تحرير السودان بقيادة مناوى .
واسال ابراهيم مادبو اول من قدم له الدعو للانضام لحركة تحرير السودان ووداه ابوجا منو ؟؟؟
قدم ليه الدعوة منى اركو شخصيا ،،، فهل يمكن ان ياتى بكل هؤلاء فقط ليمارس عنصرية ؟؟؟
كثيرين من ابناء المعاليا قادة عظام فى حركة تحرير السودان ، لهم التحية والتقدير فهم قدموا ومازالوا يقدمون الكثير بس انت اطلع من الاطار العرقى القبلى الضيق المدخل نفسك فيها دى .
Quote: الظاهر انت ما قريت مذكرات تائب عشان كدا انا عازرك |
التائب منو ؟؟؟ سليمان ديار؟؟
ما هو انت اول ضحايا سليمان ديار
يا راجل اصحى سليمان ديار ده شخصية وهمية ، من صنع نسيج جهاز الامن القسم العنصرى وقسم شؤون القبائل عشان يضللوا بيه الناس الذين يفكرون بعواطفهم ،
|
|
|
|
|
|
|
|
|