|
|
 Re: من الأدب غير المدون, شكرا استاذ اسحق, (Re: ابوحراز)
|
فاكهة المنبر أبو حراز الظريف
سلام وشوق
أفتكرتك سافرت وهسه أنا قاعد أحسب( للأقشي). قالوا الكرم الأصلي في السودان. عمتي السرة بت الضو رحمها الله، أكرم منها مالاقيت. مره زاروها ضيوف ، خسمتهم بالرسول عشان إقعدوا إشربوا الشاي والبيت "التكتح" مافيو. بعدما قعدوا قالت في نفسها"سجم خشمي"ديل هسي أعمل ليهم شنو ياربي. لم تطل التفكير وبسرعة مشت ناس حبوبتي بت كمبو شحدتهم شويةسكر،وبفوق الحيطة نادت على بنات أم المجد أدوها حبة شاي، والفحم جابتو من ناس السيدة، عملت الشاي وقدمتو ليهم، ولما هموا بالذهاب حلفت (بحلفو) إلا إقعدوا للغداء والبيت "يشكو من قلة الفيران". مثل عمتي السرة لاتعييها الحيلة لإكرام ضيفها بأي شكل كان: بالشحدة أو بالخطف. وبمناسبة الشعيرية، خالي عبدالله ود آمنه رحمه الله، زي ماقلت ليك كان بائع متجول وقال الدنيا يا ماورتنا. مره قال أدركنا وقت الغداء في قرية ما، وناس القرى كريمين بلحيل‘ يقول نزلنا في بيت في طرف القرية، جابوا الغداء والملاح كان شكله وطعمه غريب ، قال: قدر ما حاولت أعرفه غلبني، قمت سألت سيدالبيت ياأخوي ملاحكم دا ملاح شنو؟ قال ليهو ملاح شعيرية، خالي عبدالله ما فلت ليك رجل جريء وفصيح ، فقال مخاطباً الشعيرية" كيتاً عليك الجابك بى هنا شنو ؟تستاهلي إعملوا فيك أكتر من كدا. وبمناسبة الوضوء، عندنا أهلنا من قرية قريبة مننا، كلما يجونا زائرين الجماعة في الديوان ينادوا على الأولاد أملوالأباريق لأعمامكم للوضوء،الجماعة إقومو إزعلوا ويقولوا لأهلنا:إنتو ضيفكم قبال ما تسقوه الموية تناولوه الإبريق للوضوء، قالوا ليكم نحنا كفار ما بنصلي ولا شنو؟
|
|
 
|
|
|
|
|
| العنوان |
الكاتب |
Date |
| عليّ بحلفو | إسحاق بله الأمين | 08-12-06, 03:00 AM |
| Re: عليّ بحلفو | ابوبكر الامين يوسف | 08-12-06, 04:25 AM |
| Re: عليّ بحلفو | إسحاق بله الأمين | 08-12-06, 06:05 AM |
 النص هادف، والعبارة غريبة | ابي عزالدين البشري | 08-12-06, 05:37 AM |
| Re: النص هادف، والعبارة غريبة | إسحاق بله الأمين | 08-12-06, 07:22 AM |
| Re: النص هادف، والعبارة غريبة | ابي عزالدين البشري | 08-13-06, 09:17 AM |
| Re: النص هادف، والعبارة غريبة | ابوبكر الامين يوسف | 08-13-06, 03:04 PM |
| Re: النص هادف، والعبارة غريبة | إسحاق بله الأمين | 08-14-06, 00:19 AM |
| من الأدب غير المدون, شكرا استاذ اسحق, | أحمد الشايقي | 08-14-06, 01:18 AM |
| Re: من الأدب غير المدون, شكرا استاذ اسحق, | ابوحراز | 08-14-06, 01:37 AM |
| Re: من الأدب غير المدون, شكرا استاذ اسحق, | إسحاق بله الأمين | 08-14-06, 06:10 AM |
| Re: من الأدب غير المدون, شكرا استاذ اسحق, | إسحاق بله الأمين | 08-14-06, 06:38 AM |
| Re: عليّ بحلفو | أحمد الشايقي | 08-26-06, 02:26 AM |
| Re: عليّ بحلفو | إسحاق بله الأمين | 08-26-06, 05:19 AM |
| Re: أنا زاتي عليّ بحلفو | أبوبكر عبد القادر العاقب | 08-28-06, 01:54 AM |
| Re: أنا زاتي عليّ بحلفو | إسحاق بله الأمين | 08-28-06, 05:48 AM |
 Re: عليّ بحلفو | ابي عزالدين البشري | 08-28-06, 03:43 AM |
| Re: عليّ بحلفو | إسحاق بله الأمين | 08-28-06, 06:23 AM |
| Re: عليّ بحلفو | ابي عزالدين البشري | 09-16-06, 08:45 AM |
|
| |
إسحاق بله الأمين
فيس بوك
تويتر
انستقرام
يوتيوب
بنتيريست