بيروت رِباةْ بارُودْ

Quote: عادل امين مشتاقين، لمان القي فرصة، حافرد ليك بوست لوحدك، لانك ظاهرة عشبية، طفيلية، سلعلعية، بلا جذور، في حقل سودانا البديل، تستحق الدراسة

بشاشا الفارش اخو البنات
ونحن بالاكتر
انا قااااااااااعد وعارفني ما اقعد اتولي يوم الزحف ... وانت شردت من كل البوستات الاتقاطعنا فيها معاك
وحدت ليك ميدان المعركة بوست واحد بس في منبر 2006 اسمو سباق المسافات الطويلة(الجزء الثاني)...هناك موعدنا...اما ظاهرة فتح البوستات باسماء اشخاص للردح او المدح دي اتجاوزناها قبل مائة سنة وضوئية و وهي من مخلفات وعي البورد القديم..لانو الزمن ده العالم انقسم لقديم ولجديد...ونحن عايزين بشاشا الجديد..البحمل معلومات حقيقية وليس الذى يتلاعب بالالفاظ كما كان يفعل في الماضي في اركان الجمهوريين..وطبعا زمان اضطراباتك الوجدانية ما كانت وصلت مرحلة اللون البرتقالي_ سيفير
وبعدين نحن شجر نخيل وجذورنا عند جبل البركل العظيم والاثار ديك حقتنا وما نزلنا هناك لوب من الهند الصينية...بل تراكمات تاريخية عبر الحقبة الوثينة ثم المسيحية ثم الاسلام وتركت بصماتها في الارض والانسان حتى الان(الشلوخ) الما قادر تجاوب انها جات من وين رغم اننا نزلنا معلومات بالتفاصيل عنها في ارشيف 2005 في بوست القدم بالقدم والامات خدم الوداه بكري الخور دون اسباب موضوعية عشان تعيشو في غيبوبتكم السعيدة وتعزف النغم النشاذ الذى يطرب مرضى النفوس وناس مركبات النقص الما قادرين يفرقو بين الكيزان ومواطنين الاقليم الشمالي
لكن نبات السلعلع المنبت الجذور هو الذى يهضرب هنا ويعاني من حالة IDENTITY PROSTITUTION مزمنة ...لذلك
يكذب في قراءة التاريخ
ويكذب في قراءة الاخبار
ويقلب الهزيمة الكبرى انتصار
وانت ما تقعد تبرطع ساكت في البورد ده واضح لا توجد خلفية فكرية او مشروع او وعي حقيقى ترتكز عليه خزعبلاتك. وما في اي معلومة روجتها هنا كانت صحيحة. ..والازمة في السودان ازمة موارد كما قال الدكتور محمد سليمان في كتاب السودان حروب الموارد والهوية.. وانت عارف ازمة النخبة السودانية هي الجهل والاستكبار
والجهل بطر حق وغمط الناس.. والما عارف السودان الجديد هو انت لانك لحدت هسه ما عارف تفسر مقولة جون قرنق التحرر من شنو وليس من منو..وما في زول بنشر الكراهية ويسمم وعي الناس بقود لدولة مدنية في السودان الجديد لذلك اكبر عائق هم الشيوعيين والكيزان ومخلفاتم ودي ازمة اليساري المحلوج والكوز المصقر.وننصحك للمرة الاخيرة ان تقرا كتاب الدكتور محمد سليمان(العهد القديم) بتاعي.. انت وناس دارفور المازومين في هذا المنبر وباسهم بينهم شديد...
ولي مش كده
واكرر عايزك يا امير كوش ...في سباق المسافات الطويلة(الجزء الثاني)بس وما تنسي تجيب الازبيرات ومطبلين معاك والحكامات ايضا لانها جزء اصيل من تراث الامة..
ومعاك سلامة يا ملاذ افكارنا الهيمانة
نشتاق ليك وانت معانا

الايام دي نحن مقيلين مع الحبيب حسين يوسف صدام حسين في بوست جديد..تعال لي هناك