|
Re: كانت حبيبتى اسمها الخرطوم !!!!!! (Re: السنجك)
|
وعشقتك ياخرطوم الانتفاضه وفوق .....وفوق .....وفوق سودانا فوق واشرعة الامل ممتلئه حتى ألاخر واولادك وبناتك ينطلقون فى شوارعك ورءوسهم مرفوعه حتى عنان السماء ....عشقتك ياخرطوم وانت ترزقين بالديمقراطيه الثالثه فى نادى اساتذة جامعة الخرطوم والتى كانت تفيض حيويه وشجاعه وتفاؤل يفيض منها ليعم الخرطوم عشقت الجامعه كما لم اعشقها من قبل الخاتم عدلان...القراى ودالى ...الدقير ودكتور الحردلو ...نقابة سائقى البصات الاهليه وطالبات التمريض العالى ..والحب والثوره فى الجامعه وماأحلى الحب فى الجامعه..والجو الرطب وضحكات تملأ سماء الخرطوم ومصطفى سيد احمد وجلسات الاستماع وحفلات راس السنه فى النادى اليونانى والنادى الالمانى ونادى الخرطوم وسنتر الخرطوم والسهر بالكوم ياعوض دكام ...واتنى وسانت جيمس وكيشو وكش وياسيده لا ويشد البعض الرحال ليرى ياسيده لا مالو العميد مالو البليد لو خلى ست الناس تعيد...والنجمه ام ......والمسرح القومى ونبته حبيبتى وحديقة الريفيرا والدنيا كلها حدائق وهناك حتى البنت الحديقه ست البنات كلهن...وهلال مريخ ذات الطعم الخاص وحدائق ابريل ونسمات الليالى الجميلات والسفر والعوده والحب الخالد الذى اقتحم حتى حصون الجامعه الاسلاميه وحيد خالتى حسنه المشرفه ثم كسبها الى جانبه وحديقة الاسره ومنتزه بحرى وحديقة النيل الازرق وميلاد عشرات من قصص الحب ..الحب ألآمن الذى لا تخضه شرطة امن المجتمع ولا تلوعه الكشات ولا يلوثه الزواج العرفى فالحب ليس فى حوجه لشرطه وامن فالمجتمع آمــــن بالحب
السنجك
|
|
|
|
|
|
|
العنوان |
الكاتب |
Date |
كانت حبيبتى اسمها الخرطوم !!!!!! | السنجك | 08-02-06, 04:45 PM |
Re: كانت حبيبتى اسمها الخرطوم !!!!!! | السنجك | 08-02-06, 08:40 PM |
Re: كانت حبيبتى اسمها الخرطوم !!!!!! | السنجك | 08-03-06, 11:03 AM |
Re: كانت حبيبتى اسمها الخرطوم !!!!!! | بكري الصايغ | 08-03-06, 12:51 PM |
Re: كانت حبيبتى اسمها الخرطوم !!!!!! | السنجك | 08-03-06, 03:32 PM |
Re: كانت حبيبتى اسمها الخرطوم !!!!!! | بكري الصايغ | 08-04-06, 11:04 AM |
Re: كانت حبيبتى اسمها الخرطوم !!!!!! | السنجك | 08-05-06, 00:36 AM |
Re: كانت حبيبتى اسمها الخرطوم !!!!!! | السنجك | 08-05-06, 10:22 AM |
Re: كانت حبيبتى اسمها الخرطوم !!!!!! | بكري الصايغ | 08-05-06, 11:49 AM |
Re: كانت حبيبتى اسمها الخرطوم !!!!!! | بكري الصايغ | 08-05-06, 02:02 PM |
Re: كانت حبيبتى اسمها الخرطوم !!!!!! | بكري الصايغ | 08-05-06, 05:37 PM |
Re: كانت حبيبتى اسمها الخرطوم !!!!!! | السنجك | 08-07-06, 08:17 AM |
|
|
|