|
|
 Re: كانت حبيبتى اسمها الخرطوم !!!!!! (Re: السنجك)
|
واحببتك ياخرطوم وانتى تفتحين صدرك للرصاص فى اكتوبر64 ثائره من اجل مقتل ابنك القرشى واطحتى بنظام عسكرى فى اول ظاهره من نوعها على مستوى العالم حيث اعاد ابنائك الديمقراطيه ليس باسنة الرماح وانما باسلوب حضارى مدنى ...وتدفقت الحريه بين شوارعك ياخرطوم وتنفستى هواءا نقيا ديمقراطيا وتفتحت مليون زهره فى حدائقك وكنت واحة السودان يحلم بك اهل القرى ويسرع طلاب البوادى خطواتهم لتنتهى بهم على ابواب جامعتك العريقه حيث الحريه مستدامه مهما تغيرت العهود وحيث الديمقراطيه ممارسه على مر الزمن وحيث الحضاره والثقافه والحب .....
احببتك ياخرطوم وانتى تحتضنيين اولادك بحب وبلا تفرقه جون وادروب وصالح واساغه كلهم يحس بان الخرطوم ملك يديه وانتى ملك الجميع جميله ونظيفه وحنينه تفتحى احضانك للجميه حتى الاغاريق والهنود واليهود ....مفتوحه فيك الجوامع والبارات وبيوت الله وبيوت الدعاره وبيوت الذكر والانادى براياتها والسبعه بيوت وكل يغنى على هواه صالة غردون ابوابها مشرعه وفيها يقدم الاستربتيز وبجوارها جامع فاروق تحمل ميكرفوناته اصوات العلماء المصريين وهم يدعون للهدايه وكلاهما الجامع والصاله ممتلى ء ...وتجد اخ فى الصاله واخيه فى الجامع وابيهم فى المنزل نائم وكلهم يلتفون حول الكانون فى الصباح ويشربون شاى الصباح باللقيمات ويتبادلون الونسه مع الحاجه فى محبه بدون ان يسال احدهم الاخر اين قضى ليله ويذهب الجميع للعمل فى حبور
ونواصل
السنجك
|
|
 
|
|
|
|
|
| العنوان |
الكاتب |
Date |
| كانت حبيبتى اسمها الخرطوم !!!!!! | السنجك | 08-02-06, 04:45 PM |
| Re: كانت حبيبتى اسمها الخرطوم !!!!!! | السنجك | 08-02-06, 08:40 PM |
| Re: كانت حبيبتى اسمها الخرطوم !!!!!! | السنجك | 08-03-06, 11:03 AM |
| Re: كانت حبيبتى اسمها الخرطوم !!!!!! | بكري الصايغ | 08-03-06, 12:51 PM |
| Re: كانت حبيبتى اسمها الخرطوم !!!!!! | السنجك | 08-03-06, 03:32 PM |
| Re: كانت حبيبتى اسمها الخرطوم !!!!!! | بكري الصايغ | 08-04-06, 11:04 AM |
| Re: كانت حبيبتى اسمها الخرطوم !!!!!! | السنجك | 08-05-06, 00:36 AM |
| Re: كانت حبيبتى اسمها الخرطوم !!!!!! | السنجك | 08-05-06, 10:22 AM |
| Re: كانت حبيبتى اسمها الخرطوم !!!!!! | بكري الصايغ | 08-05-06, 11:49 AM |
| Re: كانت حبيبتى اسمها الخرطوم !!!!!! | بكري الصايغ | 08-05-06, 02:02 PM |
| Re: كانت حبيبتى اسمها الخرطوم !!!!!! | بكري الصايغ | 08-05-06, 05:37 PM |
| Re: كانت حبيبتى اسمها الخرطوم !!!!!! | السنجك | 08-07-06, 08:17 AM |
|
| |
السنجك
فيس بوك
تويتر
انستقرام
يوتيوب
بنتيريست