|
حتى بنات حواء لهن من الألقاب نصيب (( أضف وأضيفي لقابا من الذي لهن ))
|
Quote:
شكوكو عساك طيب،، لك التحية و انت تبدأ ضربة البداية لتدشين ألقاب البنات، و إن كا انا كنت عاوزو بوست لحالو عشان العنوان يكون جاذب للبنات، على العموم لا بأس . وإليك رميات خفيفة حتى أستعيد لياقتي الذهنية:
هيثـــم القوز |
العزيز الراقي / هيثـــم القوز نزولا على رغبتك .. وعملا بإقتراحك البناء أجد نفسي في مقام التقدير لك .. ولذا أفتح هذا البوست لك ولك الرائعين والرائعات .. ودعني أعيد كتابة الألقاب التي كتبتها وأنقلها الى إفتتاحية هذا البوست
نارية
كنتوشة
ولعة
شديدة
توتة
توحة
تاتا
لهلوبة
سنيورة
بقبقة
زيتونة
تفاحة
طم طم
ديدي (هنادي - هويدا)
مع مودتـي،،
و لي عــودة،،،
هيثـــم القوز
=
|
|
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: عمر عبد الخالق سعيد)
|
Quote: سلام الاخ صلاح فكرة البوست طريفة
عذاب بمبر مجروس |
الأخ الأصغر الأكبر / عمر الفنان لك التحية والود بعض الحوف أنقى من بعضها الآخر .. وبعض القلوب أصفى في ودها الآثر .. وبعض الشخوص أبهى في عمقعا الساحر ..
لك الشكر شكرين .. شكر عللى التطويق الجميل وإفرادك لنا بوستا حافلا يؤمه الناس ..
وشكر آخر على هذه الإطلالة البهية وأنت بعض آثارنا إن كان لنا في الوجود تأثير وتيسير ..
شكرا على توقيعك الجميل
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
تحياتي يا صلاح يا رائع تحياتي لهيثمالقوز مرة أخرى بعد ترحيل البوست و فرز عيشة الألقاب النسائية سأقوم بترحيل إسهامي السابق عن ألقاب النساء مع بعض التعديلات:
من ألقاب النساء: بالتحديد الغنايات حوا الطقطاقة حوا بنزين عشة أم رشيرش سميرة دنيا
من ألقاب النساء عموما: بت إبليس بطة فتًو (بتشديد التاء. و تطلق على إمرأة فارعة الطول و عريضة المنكبين بشكل رجولي) مركركة كنتوشة أم عضل ( وهي شبيهة بفتو المذكورة أعلاه) النقر (أيام مصطفى النقر في قمته) تبشة (سمينة و مدغلبة) فتحية كركون (اللقب يغني عن التعريف)
من الألفاب الحديثة: ستيم فيتا حكفت (مزيج من حكمة + فتنة) جبنة و زيتون(شقيقتين أحداهما بيضاء و الأخرى داكنة اللون) بسبوسة حشور (بتشديد الشين و تطلق على إمرأة حشرية)
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: أبو ساندرا)
|
Quote: الرائع دومـاَ شكوكو،،، شكــراً لنقل البوست الخاص و فكرة جميلة منك و كدة يادوب نقدر نتجدع بعيد من الرجال ههههههههههههههه. بعد ما نالوا نصيبهم من الدنيا و نـــــــواصــــــل: المجروس (ستونا) ندى (القلعة) حنان (بلوبلو) هـومـا- ستو- الدفار - الرقشة |
الجميل الرائع الفنان / Haytham Abdulaziz تشرع لك الأبواب والمغاليق .. لترسم لنا جدارية الألقاب والأسماء والمسميات
نشكر لك تجدعك وأنت صاحب القول والمقال .. أها تجدع كما يحلو لك الجديع ..ههههههههه
Quote: المجروس (ستونا) ندى (القلعة) حنان (بلوبلو) هـومـا- ستو- الدفار - الرقشة |
(( شايفك بديت بالرقشات )) هههههههههههههههههه
لك التحية والود أوعى تطول الغيبة
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
الأخ المبدع شكوكو
Quote: (( شايفك بديت بالرقشات )) هههههههههههههههههه
|
هسع عليك الله المجروس دي ركشة... الله يجازي محنك يا ابوصلاح ... اها و نواصــل:
سعدلة (سعاد) - دبدوبة - تشة (بكسر التاء) - منولة (منال) - سوسو - امولة (امال) - كنافة
(سلافة) - ريري (ريهام) - توفة (عواطف) - جوليت (دلالة على تقليد شعر جوليت لاعب الكرة) - سرو
(إسراء) - ظريفة - الدهباية - الفرهيد - الرهيد.
ســاعـــــود،،،
بكل الـــود،،،
هـيـثـــم القوز،،،،
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: انعام حيمورة)
|
Quote: تتوية ( تماضر ) ، زوبة ( زينب ) ، حنو ( حنان ) كوكا ( أم كلثوم ) ، توتو ( تهاني ) ، نينه ( نبيلة ) إيمو ( إيمان ) نعمة ( نعمات ) ميري ( ميريهان ) منو ( مناهل ) ، جيجي ( جميلة ) جوجو ( جواهر ) سوسو ( سعاد ) ستو ( ستات ) ليمو ( ليمياء ) لوجي ( لوجين ) سنويه ( سناء ) ، سماسم ( سهام ) ريري ( ريهام ). |
العمدة / عماد محمود علي لك ظلال من الود والتقدير أتحفتنا بباقة وارفة من المسميات ألقابا .. ومزجت بين الأسم والمسمي ..وهذا درس توضيحي جميل .. بس ( ريري وريهام ) القب فيهن ياتو ؟؟
شكرا على هذا الجهد الطيب .. وصدقت توقعات الرائع هيثم الذي أشار الى أن البوست سيشهد روعة الرائعين ..
ممنون
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: الامتدادابي اللذيذ شكوكو دائماً أو في الغالب تصب القاب البنات في الجانب الجميل وعادة ما يطلقها الأولاد عشان يعبروا بيها عن اعجابهم . بقاقة - نوارة -بانا - سيسبانة - فرسة - لمبة - رتينة - اما الرمز الى الاسم بتصغير او تضخيم فذاك شيء من الدلع زي سلمى (سلومة) |
المتمدد روعة / امير عوض الجمري لك المودة والتقدير شكرا للرأي المسدد رميه .. وكأنك من المهتمين بالشأن ( البناتي والنباتي )
أرجو أن لا تغيب كثيرا لأنك من أصحاب الكلم في هذا البوست .. ومثلك نفرش لهم البوست وردا وودا ..
لكم التحية والود
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: من ألقاب النساء عموما: بت إبليس بطة فتًو (بتشديد التاء. و تطلق على إمرأة فارعة الطول و عريضة المنكبين بشكل رجولي) مركركة كنتوشة أم عضل ( وهي شبيهة بفتو المذكورة أعلاه) النقر (أيام مصطفى النقر في قمته) تبشة (سمينة و مدغلبة) فتحية كركون (اللقب يغني عن التعريف) |
الوريف الحريف / طارق أحمد خالد شكرا على هذا التميز والتألق الجميل
وألقابك آخر حلاوه .. بس بيني وبينك لقب واحد إتوقفت عنده كتير ..
أول واحد .. دا لقب رجال واللا نسوان ؟؟
شكرا يا ملك ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
المتبتل بحب الروائع شكوكو ... شكرا يا عزيز،،، إنت قلت:
Quote: بس بيني وبينك لقب واحد إتوقفت عنده كتير .. أول واحد .. دا لقب رجال واللا نسوان ؟؟ |
بت إبليس
و انا بقول ليك: دة لقب بنات لكن بجي للرجال و المقابل ليهو:
ود إبليــس .. اها دة مالو كمــان برضو بتتوقف عندو كتيير؟ اها و نخش
صفاء (صفوية) - وفاء (فيفي) - سحر (سوسو) - إبتهال (بهولة) إيمان (إيمو/ا) - منى (موني) هبة
(هبوية) - سارة (سرسر)
لنا عودة
هيثم
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: Haytham Abdulaziz)
|
Quote: بت إبليس و انا بقول ليك: دة لقب بنات لكن بجي للرجال و المقابل ليهو: |
دا إمكن (( يرقان ضكر )) البجي للرجال براهم دا ..
Quote: ود إبليــس .. اها دة مالو كمــان برضو بتتوقف عندو كتيير؟ اها و نخش |
أها دا كمان بجي كيف ؟؟ في شكل حمى واللا كحه ؟؟
Quote: صفاء (صفوية) - وفاء (فيفي) - سحر (سوسو) - إبتهال (بهولة) إيمان (إيمو/ا) - منى (موني) هبة
(هبوية) - سارة (سرسر) |
شكرا Haytham على الجهد الوافر والمتابعة الأروع .. وياروعة البوست بك ..
مودة .. ثناء .. تقدير
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
صلاح شكوكو سلام و تحايا،،
عندي قريباتاً لي أساميهم ولا بتشبه دلعهم،، يعني شريفة بقولو ليها نونا و تماضر دي الشوية قريبة لي دلعها توتو،، شذي للّو،،
و شي يمحن،،
لكن من الالقاب السائدة لفاطمة مثلاً توتا،، و برضو العلاقة شنو ما تفهم،، اخواتي ما نجن من الدلع و الاسامي الطغت علي أساميهن لحد ما بطال خالص،، عفراء عفوورة خنساء نوسة هند هنوية هدي دووية و سلمي سالوم أو سالومي،،
أما عزة فا الله يكرمك،، كل زول عندو إسم براهو،، بس اغلبهم قرايب غتيات،، إلا ماما المشاترة و بتقول لي بتوتة،، و كان بتعجبني تسمية سيزونا ولا حتة صلة بأسمي،، و بت أختي إسمها سلوان و الكل يناديها ب كووكي،،
يعني أسامينا دي مالها عيبوها لينا،،
ده بوست لذيذ خلاس و مستمتعة بيهو،،
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: Soumeta)
|
Quote: طيب الندلي بدلونا في الموضوع 1- الشعنونة : دي كانت تجمع بين جمال الخلقة وجمال الروح نكتتها في طرف لسانها ولسانها متبري منها ولا تسكت دقيقة واحدة تفاحة المجالس النسائية وما أن تسمع ضحكات من القلب حتى تكتشف ان الشعنونة تتوسط المجال يوم بتكتل ليها زول بالضحك |
الرائع / أبو ساندرا لك المودة والتقدير وشكرا على هذه المعاني والمباني الرائعات وشكرا لما أتحفتنا به من الألقاب المتميزة
وإن كانت الشعنونة هي أروعن معنى .. بس باين عليك موسوعي في الألقاب عشان كدا خليك قريب وما تطول ..
شكرا ياجميل
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: الامتدادابي اللذيذ شكوكو
دائماً أو في الغالب تصب القاب البنات في الجانب الجميل وعادة ما يطلقها الأولاد عشان يعبروا بيها عن اعجابهم . بقاقة - نوارة -بانا - سيسبانة - فرسة - لمبة - رتينة - اما الرمز الى الاسم بتصغير او تضخيم فذاك شيء من الدلع زي سلمى (سلومة) |
الأمير الفنان / امير عوض الجمري شكرا للطلة الحلوة .. وشكرا لحروفك المتميزة التي لونت ساحات هذا البوست .. فلقد خبرت حرفك من ملتقانا على ساحة الإمتدادين .. يا أيها المتمدد ألقا وفنا وروعة ..
شكرا على هذا الإثراء الطيب وهــــذه المساهمة المقدرة
ما تطول مننا
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: صلاح شكوكو سلام و تحايا،،
عندي قريباتاً لي أساميهم ولا بتشبه دلعهم،، يعني شريفة بقولو ليها نونا و تماضر دي الشوية قريبة لي دلعها توتو،، شذي للّو،،
و شي يمحن،، |
لك التحية والود / Soumeta وشكرا على مرورك الضافي وتواجدك البهي وشكرا على مشاركتك المتميزة التي أنقت هندام البوست ..
وشكرا لكل قريباتك المتلقبات والمتوشحات بنياشين التشبيه والألقاب .
ويابهجة البوست بحضورك
منتظريم المزيد
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
اخي صلاح سلام في البنات احيانا يلجا لاسم الدلع تهربا من الاسم الحقيقي خاصة عندما يصر الاب علي تسمية امه او احيانا يفرض علي الام اسم غير مقتنعة به
يعني عندنا هنا عدة حالات الام اسمها سحر والبت اسمها العافية علي حبوبتها ام ابوها واخري اسمها شذي والبت ام حقين اها دي تجي كيف دي والامثلة كتيرة من هذا النوع
واحيانا لتفادي اسماء الحبوبات ولترضيتهن في نفس الوقت تلقي البنت اسمها في الشهادة اسم الحبوبة ويطلق عليها لقب حاجة
تقديري
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: tasneem)
|
Quote: في البنات احيانا يلجا لاسم الدلع تهربا من الاسم الحقيقي خاصة عندما يصر الاب علي تسمية امه او احيانا يفرض علي الام اسم غير مقتنعة به |
الرائعة أبدا / tasneem لك التحية والود صحيح قولك هذا ولنا فيه بحر عميم .. وقد لجأنا لذات التحايل اللولبي ولكن كثير من القفشات والمطبات تحدث حينما يأتي زملاء وزميلات الدراسة حاملين الإسم الرسمي النتعارف عليه بالمدرسة بينما أهل الحي لا يعرفون ..
وحال السؤال تأتي الإجابة بالنفي (( ويأأأأأأأأأأ مواضيع ))
Quote: واحيانا لتفادي اسماء الحبوبات ولترضيتهن في نفس الوقت تلقي البنت اسمها في الشهادة اسم الحبوبة ويطلق عليها لقب حاجة |
وزي ديل عندنا باكوم .. ياه بأسماء حبوبات ومنتظرات العرس .. دي تجي كيف ؟؟
لك التحية والمودة .. وناطرنك ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: tasneem)
|
Quote: بشتنة وهي الان في الثانوي سميت كذلك لان والدتها مشت احتفال وشاءت الاقدار ان تاتيها ولادة سريعة جدا في اقرب بيت لمكان الاحتفال علي يد امراة عادية شجاعة وسط بشتنة الكل |
أختنا الفاضلة / tasneem يانسمة أطلت على البوست فإخضرت جوانبه ..
شكرا على أطلالتك الطيبة .. أما أختنا البشتنة .. فكأن البشتنا أبت أن تفارقها .. وكأن البشتنة توثيق للحظة المولد لها ولآمها التي تبشتنت مرتين .. مع المولد وبإستمرار
(( دا ذاتو إحتفال متواصل مع البشتنة ))
شكرا ومنتظرين روائعك ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
شكوكو العزيز هاك الجديد دة،،
المشـــاطــة (بتنقل الشمارات)
أم عجــــن
طفاية القاعة (كرعينا زي طفاية القاعة- يعني سمحة)
الممعـوطـة (ما عندها شعر)
الشعنونــة (شينة و معصعصــة)
الرايقــة
قــدريشنــا (لقب المرأة الجميلة في غرب السودان)
شـقيــش (لقب المرأة الجميلة في غرب السودان)
المـفراكــة (الضعيفـة)
الزعـافـة (أم شعر منكش زي زعافة الحيطة)
البانــة (ذات القــوام الجميــل)
اهــا لي قـــدام،،، فتـك بعـافيــة،،،
هيثــــم
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: المشـــاطــة (بتنقل الشمارات) أم عجــــن طفاية القاعة (كرعينا زي طفاية القاعة- يعني سمحة) الممعـوطـة (ما عندها شعر) الشعنونــة (شينة و معصعصــة) الرايقــة قــدريشنــا (لقب المرأة الجميلة في غرب السودان) شـقيــش (لقب المرأة الجميلة في غرب السودان) المـفراكــة (الضعيفـة) الزعـافـة (أم شعر منكش زي زعافة الحيطة) البانــة (ذات القــوام الجميــل) |
هيثم الجميل .. لك التحية وكعهدنا بكم متوهج حتى النخاع ومنور للآفاق والفيافي ..
شكرا جميلا لهذا الألق الوضاء وهذا الإشراق الجميل
مودتنا وتقديرنا لكم ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: Haytham Abdulaziz)
|
هيثم الجميل نتأنق في حضرة تواجدك البهي حزم من الأسماء تجد مكانها في موطن البهاء البهي بكم ..
شكرا والشكر أقل مما تستحقون ..
فكثر هم بني آدم الذين لا يكتفــون بإسم واحد .. ولعلهم يتمنون مثنى وثلاث ورباع ..
ولآن الأسم رمز .. فقد يتحول الى صفة .. ومهما تطابق الوصف مع الموصوف يبقى أن نستظل بالآثر ..
جميله وأبهاه وأروعه وأغربه .. وصوفا كانت أم رموزا أم سبا في تارات أخر ..
لكنها أخي ثقافة شعبية تجد في التلقائية مرتعا لها وتتكشف من خلالها تركيبة الجسد السوداني الحصيف وصفا وتجسيدا ..
داوم على روعة الرواء ولطف البهاء
متعك الله بالعافية والهناء ..
Quote: اها أنمشي على جماعة أولاد آدم،،، |
نمشي ورانا شنو ؟؟
نشوفك .. ماتطول ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: خالد علي محجوب المنسي)
|
ومايزال العطاء عندك متمتدا وما تزال مياه الروعة تنساب على شلالات بوستنا الزاهي بكم
وكأنك أبر روعات المكان .. وكأنك ورود هذا التلاقي أخي الكريم / خالد وأنت تجول بنا ومعنا في الأسماء القديمة والأرض الأديمة ..
من شندى من حيث تلاقى الحبان سهرا ودهرا على شاطيء وربوع شندي التي منها ومنها تتحفنا بروائع الأسماء التي تزينهن وتزيدهن بهاءا على بهائهن الأخاذ المنبسط على أطر البساطة والإنبساطة والطبيعة .. دونما ألوان إلا ما كان طبيعة من الخالق العظيم
شكرا أخي المنسي ومازلنا نلتقيك روعة
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: Haytham Abdulaziz)
|
بالله انت امتدادابي يا صلاح شكوكو,,,, نحن برضو بنعز الامتداد وأهلنا واحبابنا في الامتداد,, اهل الامتداد الطيبين في قلب الخرطوم لكن يمثل المجتمع الكامل المتكافل ناس طيبين وحلوين وحلالين عقد واخوان بنات,, ما خابت نظرتي فيك من أول مرة قلت لك ما قلت من كلمات حسان بلسان رطب يدل على حسن طينتك ومنبتك لك الود اخي والاحترام.
برضو من شندي
1) الشتيلة 2) بت زغاوة 3) الهيل 4) أم ستن 5) زمتو 6) تونه 7) أم حنانه مرادالله 9) فرحوله 10) السهوه
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: صلاح شكوكو)
|
Quote: بالله انت امتدادابي يا صلاح شكوكو,,,, نحن برضو بنعز الامتداد وأهلنا واحبابنا في الامتداد,, اهل الامتداد الطيبين في قلب الخرطوم لكن يمثل المجتمع الكامل المتكافل ناس طيبين وحلوين وحلالين عقد واخوان بنات,, ما خابت نظرتي فيك من أول مرة قلت لك ما قلت من كلمات حسان بلسان رطب يدل على حسن طينتك ومنبتك لك الود اخي والاحترام. |
العزيز / خالد المنسي تحياتي
شكرا ياجميل وشكر لك أهل بلادنا إمتدادين وصحافاب
ونحن أكثر سعادة بك في هذا البوست وأنت تتحفنا بروائع الأسماء والمسميات والألقاب
خاصة والن التي لهن منها وقد تجولنا معك بين طيات شندي وعراقة الأسم فيها ..
مازلنا نترقب ملتقاك مع باقة جديدة من الألقاب والأسماء ..
ورغم غياب البوست لغيابي إلا أن نفحاتك وإضاءاتك ستزيده ألقا وبهاءا ..
=
| |
|
|
|
|
|
|
Re: حتى بنات حواء لهن من الألقاب نصيب (( أضف وأضيفي لقابا من الذي لهن )) (Re: Saifeldin Gibreel)
|
Quote: صلاح شكوكو سلام........... سمعت بى حاجة الكلول ... عشان ناس ابوساندرا ما امشو بعيد حاجة الكلول كانت داية مشهورة فى الخرطوم من زمن الولادة بالحبال وعاصرت الزمن الحديث. |
العزيز / سيف الدين والله حيرتنا .. تسكت مره واحده ولما تجينا جينا بعيارات من العيار التقيل ..
والله الحاجة كلول دي مفروض تكون داية فعلا بالحبل واللا بدون حبل المهم داية
لأنو الأدوات والشواهد بتأكد الكلام دا ..
شكرا على روعتك ومرحبا بالحاجة كلول
مندهشين لوجودك .. بس كتر الطله ..
مودة
=
| |
|
|
|
|
|
|
|