|
خواطر محبطه!!! الهبّابه، والحنة والمشاط!
|
كوني اسميها خواطر يمكن ما يكون اختيار موفق.. لكن أهو موضوع داير في دماغي ليهو كم يوم.. وتكاثر الأدله حولي عنه مخليني أحبط واتغاظ... في مواصلة للكلام المحبِط والمحبَط عننا كشعب كسلان وفاكيها في روحه... وفي تعزيز لهذه الفكرة باتجاهات مختلفة... سرح خيالي في الشعوب الأخرى (القاعده في واطات الله دي وعارفه قدرها)... وقارنتها بينا... وبي حضارتنا المتأصله من ما معروف متين.. كنت بتفرج في التلفزيون، لفت انتبهاي آله ظريفة كده بتهب الهوا في النار.. الآلة شكلها زي الأكورديون كده... تضغطها من الجهتين.. تطلع ليك هوا كتير.. غالبا بتستخدم مع المدافيء البتعمل مع الحطب في البيوت... عشان تبدا في الاشتعال... فورا اتذكرته الهبابه حقتنا.. على الرغم من انه لزمن طويل جدا السودانيين اعتمدوا على الكانون في طبخهم، مافي زول فكر في ابعد من انه يستخدم الهبابه زاتها الاستخدمتها امنا حواء.. وابعد شي قدروا يفكروا فيه هو انه يلونوا السعف المستخدم فيها يعني نظام ديكور!! الفكرة دي وديتني لاتجاه التفكير ده.. احنا شعب كج بحب التعب ولا بكسل من تسهيل حياته ما عارفه... يعني احنا ابداً ما بنفكر في اتجاه (اختراع) أشياء تسهل حياتنا الصعبه ... يعني اديكم مثال آخر حيوافقوني فيهو الأخوات المتزوجات... من متين المرأة السودانية بتحنن؟ من الله خلق الحنة والسودانية تتحنن.. وعشان كربت زمانها لازم تكو نحنتها سوداء، لازم تطبق الحنة مرتين تلاتة عشان تصل للون العايزاه.. على العكس من الشعوب الأخرى البتحنن فرد مرّه ... اها.. انا متأكده اني بتحنن بنفس الطريقة الاتحننت بيها حبوبتي الخمستاشر ... تمسك أصبع أصبع... وتحنسوا .. قصدي تحننوا ولحدي ما تنتهي من خت الحنة تكون روحها طلعت.. مافي واحده جات قالت النسوي لي آلة... فيها فراغات للأصابع... تكبي فيها عجنت الحنة وتغمسي فيها اصابعك .. وتراااا تطلعي محننة... لا لا.. تحنن بذات الطريقة وإلا ما بتبقى زاتو... حسي الحنة مما اشتهرت في اوروبا كبديل للوشم tato... اخترعوا فيها مليون اختراع... شوف عيني، عملوا ليهم قلم بتاع حنة.. تشتريه.. وترسمي... المشاط...الواحد تقعد للمشاط كم يوم عشان يمشطوها.. وتلقى نص الشعر منكش لحدي ما الله يهون ويتم.. وبعداك تخليه شهر عشان فرتيقه صعب ومشاطه تاني صعب... اها افروامريكانز لما طلقوها موضه في الدنيا والناس بقوا عايزين يتمشطوا.. برضه شوف عيني.. اخترعوا آلة... تمسك تلاتة خصل شعر.. وأررررررررررر تمشط ليك الشعره في ثانية.. ده كمان كان ما ختت ليك لون في الشعر لزوم الموضه وكده..
اواصل ولا كفاكم؟
بنت الحسين
|
|
|
|
|
|
|
العنوان |
الكاتب |
Date |
خواطر محبطه!!! الهبّابه، والحنة والمشاط! | مريم بنت الحسين | 07-13-06, 12:41 PM |
Re: خواطر محبطه!!! الهبّابه، والحنة والمشاط! | lana mahdi | 07-13-06, 12:52 PM |
Re: خواطر محبطه!!! الهبّابه، والحنة والمشاط! | لؤى | 07-13-06, 12:52 PM |
Re: خواطر محبطه!!! الهبّابه، والحنة والمشاط! | غادة عبدالعزيز خالد | 07-13-06, 12:58 PM |
Re: خواطر محبطه!!! الهبّابه، والحنة والمشاط! | مريم بنت الحسين | 07-14-06, 12:16 PM |
Re: خواطر محبطه!!! الهبّابه، والحنة والمشاط! | عادل فضل المولى | 07-14-06, 12:46 PM |
Re: خواطر محبطه!!! الهبّابه، والحنة والمشاط! | مريم بنت الحسين | 07-15-06, 08:50 AM |
Re: خواطر محبطه!!! الهبّابه، والحنة والمشاط! | lana mahdi | 07-14-06, 01:51 PM |
Re: خواطر محبطه!!! الهبّابه، والحنة والمشاط! | عادل فضل المولى | 07-15-06, 09:36 AM |
Re: خواطر محبطه!!! الهبّابه، والحنة والمشاط! | Adil Osman | 07-14-06, 02:14 PM |
Re: خواطر محبطه!!! الهبّابه، والحنة والمشاط! | مريم بنت الحسين | 07-18-06, 01:31 PM |
Re: خواطر محبطه!!! الهبّابه، والحنة والمشاط! | نادر | 07-15-06, 01:01 AM |
Re: خواطر محبطه!!! الهبّابه، والحنة والمشاط! | مريم بنت الحسين | 07-18-06, 01:33 PM |
Re: خواطر محبطه!!! الهبّابه، والحنة والمشاط! | خدر | 07-19-06, 07:20 AM |
Re: خواطر محبطه!!! الهبّابه، والحنة والمشاط! | Adil Osman | 07-19-06, 08:51 AM |
Re: خواطر محبطه!!! الهبّابه، والحنة والمشاط! | عنيده | 07-19-06, 10:07 AM |
|
|
|