|
|
 Re: الماعون الفكري و آفاق أخري للحوار (Re: DKEEN)
|
دكنز تحياتي يامرتاح ..
ما جيتني من الاخر يا دكين .. وقعت في التنميط البقع فيهو الاخرين
وكنت اظنك اكثر ذكاء ..
متفق معاك تمام في جزئية هنا :
امدرمان زي باقي مدن الدنيا مافي اي خلاف ..
الناس الفيها زي باقي الناس .. مافي اي خلاف
في العمران اقبح ما يكون .. مافي خلاف ..
اولاد امدرمان زي باقي ااولاد المدن الاخري مافي خلاف برضو
طيب وين الخلاف هنا ..
انا اقول ليك ..
لمن اولاد مدني يتحدثو عن مدني وانا اعلم حبهم لها .. ما بنقول حاجة
لمن اولاد كوستي او القضارف او بروسودان .. يتحدثو او يحبو مدنهم
ما بنقول حاجة ..
لما واحد يقول انا من امدرمان تبقي وهمة كبيرة !!
هنا في ضبابية في الفهم من المتلقي او تضليل من القائل
لسبب يعلمه هو ربما عقدة تحتاج الي دراسة متانية ..
حمد تحدث عن الماعون الفكري وافاق حوار ..
ذكر اولاد امدرمان دونا عن العالمين الانت قلت احسن منهم ديل
ودي ممكن نعتبرها من محاسن الصدف زي باقي الصدف الاخري
انا الاجيك من الاخر ...
نحبها ولو كانت بها كل عيوب الدنيا ..
بس ما اشوفك تتحاوم بي هناك ساكي ليك طرحة ..
المثال المذكور اعلاه مردود يا دكنز لانو ممكن في شوارع وحواري الغربة
الممتدة دي اجيب ليك عشرة زيو ابتدا من الجعلي القال ما بقعد
في امريكا لانو بساوهو مع العبيد الامريكان وانتهاء بي مثال
لشخص من اقصي مدينة في اقصي هامش .. يعني دي انفة ووهمة تنتمي
للضمير الجمعي للاوهام السودانية العامة وليست مخصصة في منطقة معينة
__
بالمناسبة نظرية الغناء والاذاعة والهلال والمريخ والشعر والثقافة و بيت الرئيس دي الناس بقت ما بتعول عليها كتير في تقييم امدرولا في النقاشات الفكرية لسبب واحد لانها صدفة فقط
اما قولك :
Quote: والله الطريقة الغنى بيها محمود قائد الاسطول لو سمعها سيد عبد العزيز لحرم على غيره ان يغني بها..
وندى الانتا مستهتر بيها دي
بتغني اغاني الحماسة كما لم يغنها احد.. |
معليش يا فردة هنا دخلت في تخصصي يعني زي لمن انا اجي انظر ليك
في القانون وتقول لي : معليش دي ما واردة في القانون بتاعنا
دي ممكن تكون في الميثاق الخاص بقناة روتانا .. وتتمها لي بي عين
حقارة : انت العرفك في القانون شنو كمان ما تمشي تشوف ليك اغنية تنفعك ..
يعني ندي ومحمود مع احترامي ليهم ولي جمهورهم بنحتاج لي جهاز قياس خاص
عشان نفرزهم ..
......
خلي امدر في حالا وركز علي الماعون .. والافاق ..
....
اقول قولي هذا وانا لا اعلم الان اين حدود امدر
وبارك الله في برنامج قوقل الخلاني اشوف ودنوباوي
وقبر المرحومة في مقابر احمد شرفي
وشجرة النيم بتاعة الحاجات بنات صالح
واقدر اميز محل فيها بعد 16 سنة غربة وزيارات خطافية ..
قال صدفة قال ..
حلوه الصدفة البيك جمعتنا ياخ .. 
|
|
 
|
|
|
|
|
| العنوان |
الكاتب |
Date |
| الماعون الفكري و آفاق أخري للحوار | حمد فتح الرحمن | 06-29-06, 05:23 AM |
| Re: الماعون الفكري و آفاق أخري للحوار | حمد فتح الرحمن | 06-29-06, 06:05 AM |
| Re: الماعون الفكري و آفاق أخري للحوار | حمد فتح الرحمن | 06-29-06, 04:34 PM |
| Re: الماعون الفكري و آفاق أخري للحوار | DKEEN | 06-29-06, 05:07 PM |
| Re: الماعون الفكري و آفاق أخري للحوار | حمد فتح الرحمن | 06-30-06, 01:17 PM |
| Re: الماعون الفكري و آفاق أخري للحوار | 3mk-Tango | 06-30-06, 02:13 PM |
| Re: الماعون الفكري و آفاق أخري للحوار | DKEEN | 06-30-06, 06:16 PM |
| Re: الماعون الفكري و آفاق أخري للحوار | 3mk-Tango | 07-01-06, 06:31 PM |
| Re: الماعون الفكري و آفاق أخري للحوار | حمد فتح الرحمن | 07-01-06, 07:51 AM |
| Re: الماعون الفكري و آفاق أخري للحوار | Gafar Bashir | 07-01-06, 11:24 AM |
 Re: الماعون الفكري و آفاق أخري للحوار | tmbis | 07-01-06, 11:45 AM |
| Re: الماعون الفكري و آفاق أخري للحوار | غادة عبدالعزيز خالد | 07-01-06, 12:36 PM |
| Re: الماعون الفكري و آفاق أخري للحوار | حمد فتح الرحمن | 07-01-06, 05:43 PM |
| Re: الماعون الفكري و آفاق أخري للحوار | حمد فتح الرحمن | 07-01-06, 05:29 PM |
| Re: الماعون الفكري و آفاق أخري للحوار | حمد فتح الرحمن | 07-01-06, 04:59 PM |
| Re: الماعون الفكري و آفاق أخري للحوار | 3mk-Tango | 07-01-06, 06:39 PM |
| Re: الماعون الفكري و آفاق أخري للحوار | DKEEN | 07-02-06, 03:51 AM |
| Re: الماعون الفكري و آفاق أخري للحوار | Gafar Bashir | 07-02-06, 05:29 AM |
| Re: الماعون الفكري و آفاق أخري للحوار | حمد فتح الرحمن | 07-02-06, 03:50 PM |
| Re: الماعون الفكري و آفاق أخري للحوار | DKEEN | 07-03-06, 07:15 AM |
|
| |
فيس بوك
تويتر
انستقرام
يوتيوب
بنتيريست