|
Re: هل سينجح طمبل أم ستكون تجربته امتداد لتجارب احترافية فاشلة. (Re: سامى عبد الوهاب مكى)
|
سامي يا ود عبد الوهاب.. تعرف يا مان وقبل كل شي ..انا لو عملت لي جريدة رياضية حاتكون انت اول صحفي يكتب فيها .. نحن مشجعين الكورة ديل بنكتب كلام بسيط وما معقد عن حقائق ؤياضية افضل من من نسميهم (الصحفيين الرياضيين) عشان كده انا بقترح إنو يكون في جريدة فقط يكون كتابها مشجعين كورة .. نرجع لي موضوع الإحتراف وخلينا مبدئياً كده نقيف هنا:
Quote: انس النور كان عنوان لعدم الانضباط والعشواية وهو بعدم وعيه لم يدري بان عدم الانضباط سيؤثر في أداء اللاعب داخل الملعب وكل الفرق لن تجامل لاعب استجلبته بأموال مهما قلت أم كثُرت إذا لم يعطي المطلوب من الأداء |
انس النور ومن مصادر مقربة من نادي الإسماعيلي كان عيبه الوحيد هو (الخجل)!!!!! نعم انس النور كان لاعب خجول جداً و ظهر بشخصية ضعيفة جداً ليست شخصية المحترفين القلاعين وبتاعين المشاكل والبيتكلموا في كل كبيرة وصغيرة .. دوماً تجده منذوي ولا يشارك بالرأي ودوماً تجده في الظل !!!!!!!!
البيحيرني يا سامي إنو كل المحترفين السودانيين بالجد بنتوقع ليهم مستقبل مشرق وتشريف للكرة السودانية لأنهم بالجد بيكونوا من افضل اللاعبين وحتى الفرق البيعترفوا فيها بيكونوا هم فيها الأفضل ومن السهولة يثبتوا في التشكيلة لكن ما تعرف البيحصل شنو !!! عن نفسي اتوقع نجاح تجربة هيثم طمبل أولاً لأنه إحترف في بلد افريقي وليس بلد عربي وده معناهو إنو ما حايلقى التجاهل البيلقاهو المحترف في الفرق العربية !!! والأهم إنو هيثم طمبل ولد امدرماني بمعنى الكلمة يعني بي الدارجي كده ولد مقرم وشفت إضافة لي معلومة مهمة جداً إنت قلتها وهي إنو هيثم تلقى جانب من الثقافة والتعليم .. إضافة لي كده اعتقد إنو الفريق الجنوب افريقي طلب هيثم طمبل عن قناعة وبعد مشاهدة ومتابعة وده معناهو إنهم حا يحاولوا قدر المستطاع توفير بيئة ناجحة لي هيثم .. هيثم طمبل لاعب مشاكس ومزعج في الخطوط الأمامية وعيبه الوحيد إضاعة الفرص الساهلة ودي حا تكون المشكلة الحا تواجه طمبل لأنو اهم شي في اللاعب المحترف إنو يسجل قون وبس واكرر قون وبس يعني مش مهارات ومشاكسة !!!!! صراحة يا سامي انا قنعت من إختراف اللاعب السوداني بعد تجاهل لاعبي هلال 87 ومريخ 89 !!! تخيل معاي لو إحترف سكسك ايام مجده !!! ولو إحترف كمال عبد الغني وبدر الدين بخيت وجمال ابو عنجة والحارس الأسطووووووووووووووورة بريمة !! وإتخيل معاي لو احترف حمد دفع الله والعوني وكندورة ايام مجده وجمال الثعلب والديبة (طبعاً إتعمدت ما اقول طارق احمد ادم لأنو ما كان حا ينجح !!).. عموماً كل التمنيات لي هيثم طمبل فهذا هو الإحتراف الحقيقي وليس كما حدث مع معتز كبير وجيمس جوزيف وباقي اللاعبين في الدوري القطري وما شابهه ..
|
|
|
|
|
|
|
|
|