|
|
 Re: كاتب .. و مذاق مختلف .. علي الحلاوي (Re: amira abdelrahman)
|
.. الزين أخوي لمن جانا راجع .. لقي ضل الضحي كمل .. لقانا جرجرنا عناقريبنا ودخلنا الراكوبة .. مد لي اللقيمات ملفوفة بي جريدة .. عاينت ليهو قوي وصريت ليهو وشَي ..من طرف لسـاني قلت ليهو .. أوكلن إنتا يا الأبله .. انشاءالله ينفعنَك .. في الوكت دا أمي جات مارقه من التكل .. شايله ريكة الكــسـرة .. في يدها التانية ماسكة جردل العجين .. التاية مسكت منها الريكة .. بسراع بسراع لفت ليها كم طرقة .. ختتم في صحن الطلس الكبير .. السرة خالتي اتناولت حلة الملاح من الكانون بي طرف توبـها .. كبتها فوق الصحن .. سـمعت بطـني كوركت .. أصلي بريد ملاح الشـرمـوط الأبيض شديد .. بمـوت فوقو بلحـيل .. ضربنا ضرب تمام .. أكـلتا لا من إدشــيت .. قشيت ايدي في طرف العراقي .. قلعت مركوبي و إتمددت في العنقريب .. جريت توب أمي ختيتو تحت راسي ..
- يتبع -
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست