|
|
 Re: كاتب .. و مذاق مختلف .. علي الحلاوي (Re: amira abdelrahman)
|
المقطع أعلاه من قصة للكاتب علي الحلاوي
قرأتها له ..هنا ..علي صفحات سودانيز أنلاين ..لفت انتباهي أسلوبه القصصي المتميز .. و أعجبتني تعابيره .. معقدة ..و منسابة بسلاسة و ذوق في آن معـاً... صدق التصوير جعل الشخوص ملموسة ..تنبض بالحياة.. و قريبة من القلب ...
أشــرككم في قراءة القصة كاملة:
أمي قاعدة تعوس في التكل .. أنا والتاية أختي .. والسرة خالتي .. قاعدين في الضل .. بنشرب في شاي لبن .. الزين أخوي رسلناهو يشتري لينا لقيمات .. ساعـة كاملة و ما جانا راجع .. بي شرمة الحيطة شايف ابوي .. يدو تمشي لي فوق وتنـزل .. يلم في الغنم عشان يسوقن للراعي .. أبوي كملان من لحم الدنيا ما بقدر علي قديم الغنم .. لكن أنا لو ما ضارباني الطورية في كراعي .. أكان تلقاني كارَي الغنم قدامي .. أوصلهم لي قدام الحلة .. جنب الطاحونة .. هناك تلقي اللمة .. أي زول دافر غنيماتو قدامو .. أنا مافي حاجة جابراني علي قديم الغنم .. الزين أخوي ممكن يقدمهن .. بس بتوديني شوفة وصال بت حاج اللمين .. أصلي بريدها بلحيل .. مما أخوها سافر السعودية .. وصال بقت تقدم الغنم
- يتبع -
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست