|
|
 Re: 2 مليون عاطل بالبلاد نصفهم خريجين (Re: waleed500)
|
وليد.. العملي إنك تسلمني مشروع سندس الحين.. ومعاهم الإثنين مليون خريج.. والناس اللي كان إشتروا فيهو حواشات زمان تعوضهم.. حتي طلمبات ري المشروع يكون تحت إشرافي.. ماعايز مليم واحد يدخل على جيبي.. حا يكون عندي حواشة زيهم تأكلني.. وما حصدته من الغربة الطويلة يأكلني.. ماعايز مليم واحد...
وحا أكون محايد مع ألوان الطيف السياسي الموجودة في الإثنين مليون ديل من الخرجين كلهم.. لا حا أميل مع دا ولا دا.. والعنف عندي مرفوض.. طبعاً حا تجيب لى اثنين مليون جامعيين أكيد فيهم ألوان طيف سياسي.. بس هنا في داخل المشروع ناس مهنيين ناس عمل ناس انتاج همنا نرفع الفاقة عنا وعن أهلنا.. همنا السودان الكبير..
بعدين عشان شغلنا الخريجين ما عايز بتاع أي ضرائب أو أي واحد شايل ليهو كشف وصولات وحايم ولافي علينا.. بالبلطجة بالصاح اي حاجة من النوع دا ما بتنفع معاي.. ماهو نحنا شغلنا ليكم الخريجين.. موش أهم .. في ناس شركات قاعدين يعفوهم من مدخلات الإنتاج والجمارك والجباية والكسور والعشور والكلام الكتير دا...
.......
أهلنا المناصير.. يا وليد.. جاهم الفريق الزبير الله يرحمه وزمان كانت الحكاية مشددة شوية مافي زول يقدر يناطح القرار السياسي.. وكان في قرار أخذ جزء من المحصول من المزارعين لصالح الدولة... مرة قال ليهم..( يلا ورونا يا ناس الشمالية يا مناصير شطارتكم في محصول الشتاء دا من القمح أهو دخلنا ليكم كمان محصول العدس) فقام واحد قال ليهو.. هو الشطارة تجي من وين والمحصول يجي من وين ما تلت للإسبـير وتلت ياكلو الطير.. وتلت للزبير.. فضحك وقال أها حق الزبير عفيناكم منو يلا شدو حيلكم ما راح يجوكم ناس وصولات حايمين بي جاي
|
|
 
|
|
|
|
|
| |
منصوري
فيس بوك
تويتر
انستقرام
يوتيوب
بنتيريست