|
|
 Re: بمناسبة الشهادة الثانوية : الدراسـة خارج السودان (Re: ajaj)
|
اتوفقت في اللغة والدخول للسفارة عليك الاتي:
1-الاوراق كلها
2-احضار كفيل
3-فتح حساب في المانيا ووضع مبلغ اقل مقداره 6 الاف يورو
4- قد يطلب منه/ا اوراق اخري
وبعد داك تجي هنا تعمل السنة التحضيرية في احدي الكليات والناس بتفضل الشرق ما عارفها ليه
ومن ثم تقدم للجامعة والتي تحتاج الي اقل تقدير خمسة سنين اذا كنت مجتهد شديد وعندك مصدر دخل وما تقعد تفتش علي شغل وتضيع السمسترات
كان النظام في السابق دبلوما تعادل الماستر ولكن الان اغلب الكليات وخاصة العلمية والهندسية اتجهت 3 سنين بكلاريوس و سنتين ماستر لكن باقي الكليات ما بعرفها ...اما الطب وطب الاسنان فموضوع تاني
احب انوه انو النظام هنا بالجد صعب وكمان الالمان بعانو منو
والله ما عاوزة احبط الاباء واقلب فرحتهم هم لكن حبيت انقل الصورة الواقعية رغم عدم احتكاكي بيها فانا طالبة دراسات عليا ...لكن لو في طالب عادي ممكن يصححني او يضيف علي كلامي
وللكلام بقية ولو في اي استفسار انا حاضرة
|
|
 
|
|
|
|
|
| |
ajaj
فيس بوك
تويتر
انستقرام
يوتيوب
بنتيريست