رجيت غيم الامل ينزل بعد شال السحاب حنيت وقلتا علي بكب مطرك رقدتا براي هناك غنيت نسجتا من الولف زخات بعد ريق الوجع بليت فردتا لهاتي بي صوتك وقلبك بالفرح غتيت
رجيتك وكنت مابحلم وما سديت وراي البيت وما تاكيت لهيب الشوق عشان شوقك يقول غبيت رجيتك زي حلم ممدود يهذ ثغر النجم دوبيت وشلتك في عيوني نعاس وقلتا عليكي بس ياريت
رجيتك في زمن رايح ورحتا معاكي في ذاتي وزي شهقة فرح جواي طلعتي حنينة بيناتي وسكنتي علي جرح بكاي طلع من وجعة بتتاتي وعرف كيفن بغلب الشوق وانت معايا يوماتي
اريت لو جيتي بدري كمان وشلتا الريده و غشيتك دفقتا حنيني جوة عينيك وجبتا هواي وغشيتك وهبتك روحي.. يا روحي... ومن سلوايا رشيتك وزي ما جيتي من اول رجعتا عليكي شاشيتك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة