|
Re: أمل هباني تكتب عن بطاقة الخدمة الإلزامية الغبية (Re: معتصم دفع الله)
|
الاخ معتصم دفع الله
تحياتي
شكرا على المداخلة في البوست
Quote: الموضوع فعلاً في غاية الأهمية وليس له علاقة بالتكنولوجيا أو الكمبيوتر .. |
إنت عارف يا أخوي الموضوع بتاع أي حاجة نهب بلطجة سؤ معاملة و وهم بأنهم أدخلوا أحسن التكنلوجيا و البرمجيات لخدمة المغترب . و ممكن الواحد يستفذ هناك من قبل أي شئ من هذه الأشياء التي ذكرتهااو التي نسيت أن أذكرها. بس أنا طرقت موضوع التكنلوجيا ده لاني فعلا حسيت بالإستفذاذ من قبل ذاك الموظف و الذي حاولت أن أظهر شئ من البراءة عندما سالته "ممكن توريني إيه الفايدة من هذه البطاقة بالنسبة لي كمغترب" و هو رد علي قائلا : "هذه البطاقة ذكية و بتسهل الإجراءات". هكذا بكل بساطة مقنعين بأنهم سهلوا الإجراءات و لكن كما ذكرت في موضوعي الذي نشرته الأستاذة أمل هباني ، ذكرت إنو هذه البطاقة عبارة عن إيصال مالي فقط لا غير يثبت أنني دفعت فقط (راجع اللنك بتاع جريدة الصحافة).
http://www.alsahafa.info/news/index.php?type=6&issue_id=961&col_id=27&bk=1
و فعلا ذي ماذكرت و ذكر كثير من الإخوة في مداخلاتهم إنو لو كان الموضوع حل تقني مذهل ذي ما بفتكروا ناس الخدمة القسرية، كان مفروض ان هنالك قاعدة بيانات و إسترجاع للملفات و إحتفاظ بالبطاقة الغبية هذه لرحلات قادمة و تغذيتها برصيد و تقليل الإجراءات و عدم الحوجة للتصوير مرة تانية و تسليم صور من الباسبورت او أي شئ ؛ هنا فقط تكون البطاقة الذكية.
شايف مثلا الاه نزار قال الكلام ذاتوا و بلغة مبسطة :
Quote: الشغلة ببساطة...
جهاز كمبيوتر يفرغوا فيه الملفات السابقة لكل طالب اعفاء انا عندي زي كم وعشرين ملف...والبيانات هي هي...
الاسم...العنوان...جهة الاقامة...رقم الجواز...العمر...
ويقوموا لما تجي لي موظف واحد بس ما غيرو...وما يكون قداموا اي ملف...وبي كده اكون وفرت ليهم حق8 مليون ملف الملف كان بي مية جنيه دي براها تمنمية مليون...
الموظف دا تقوم تمد ليه جوازك وبالاسم ورقم الجواز يطلعك طوالي ويكون جنبو متحصل...يقول ليك عايز مدة صلاحية الاعفاء كم...وانت هنا حسب سفراتك...اربعة سنوات...تكون 4في الستين تدفعها في محطة واحدة وتاني اربعة سنين ما تجيهم...اها اذا لغوا اقامتك في الاربعة سنين دي تجيهم بي الدرب من المطار يا اخوانا ودوني الخدمة الالزامية...
طيب كده بكون وفرت ليهم رواتب موظفين كتااااار...وتصوير... وزمن...وحق اقلام...ودفاتر...وكهرباء...وافلام تصوير...حتي لو كان ديجتال...ديل براهن بكونن مليارات...زايد بضمنو.. حقهم كاش ومقدم كمان...يعني التلتلة لزوما شنو؟
واهم حاجة بكونوا وفروها عدم زهج الناس منهم |
تصدق يا نزار الموضوع بسيط و حلوالتقني مش معقد و ممكن يوفر الراحة لكل الناس بس الجماعة ديل ما عايزين الراحة لهذا المغترب الملعون من هذه الدولة. و ذي ما قلت ليك في مداخلة سابقة عرفت من مصدر موثوق جدا إنهم الأيام دي في الإمارات و في فندق المها ريجنسي بالشارقة و بيشوفوا في حلول تقنية تانية بعد كل هذا النهب و معاهم المستشار القانوني كمان و جاءوا بالخطوط الإماراتية على البزنس كلاس (مدلعين نفسهم).
ملحوظة: أنا عمار يس النور كاتب هذه الموضوع و فاتح البوست و ليس شقيقي ياسر يس النور صاحب الإشتراك في منتدى سودانيز اون لاين.
و لكم تحياتي
عمار يس النور عاشق بخت الرضا [email protected]
|
|
|
|
|
|
|
العنوان |
الكاتب |
Date |
أمل هباني تكتب عن بطاقة الخدمة الإلزامية الغبية | ياسر يس النور | 05-25-06, 01:34 PM |
Re: أمل هباني تكتب عن بطاقة الخدمة الإلزامية الغبية | ahmed haneen | 05-26-06, 03:40 AM |
Re: أمل هباني تكتب عن بطاقة الخدمة الإلزامية الغبية | nazar hussien | 05-26-06, 01:24 PM |
Re: أمل هباني تكتب عن بطاقة الخدمة الإلزامية الغبية | ياسر يس النور | 05-27-06, 06:42 AM |
Re: أمل هباني تكتب عن بطاقة الخدمة الإلزامية الغبية | Hatim Al Jed | 05-28-06, 05:28 AM |
Re: أمل هباني تكتب عن بطاقة الخدمة الإلزامية الغبية | james | 05-29-06, 01:05 AM |
Re: أمل هباني تكتب عن بطاقة الخدمة الإلزامية الغبية | nazar hussien | 05-29-06, 10:34 AM |
Re: أمل هباني تكتب عن بطاقة الخدمة الإلزامية الغبية | ياسر يس النور | 05-30-06, 11:17 PM |
Re: أمل هباني تكتب عن بطاقة الخدمة الإلزامية الغبية | معتصم دفع الله | 05-31-06, 00:58 AM |
Re: أمل هباني تكتب عن بطاقة الخدمة الإلزامية الغبية | nazar hussien | 05-31-06, 02:19 AM |
Re: أمل هباني تكتب عن بطاقة الخدمة الإلزامية الغبية | ياسر يس النور | 05-31-06, 12:06 PM |
Re: أمل هباني تكتب عن بطاقة الخدمة الإلزامية الغبية | nazar hussien | 05-31-06, 03:31 PM |
Re: أمل هباني تكتب عن بطاقة الخدمة الإلزامية الغبية | ياسر يس النور | 06-01-06, 02:07 AM |
Re: أمل هباني تكتب عن بطاقة الخدمة الإلزامية الغبية | nazar hussien | 06-01-06, 05:01 AM |
Re: أمل هباني تكتب عن بطاقة الخدمة الإلزامية الغبية | nazar hussien | 06-02-06, 11:32 AM |
Re: أمل هباني تكتب عن بطاقة الخدمة الإلزامية الغبية | Hatim Al Jed | 06-03-06, 04:43 AM |
Re: أمل هباني تكتب عن بطاقة الخدمة الإلزامية الغبية | عبدالكريم الامين احمد | 06-03-06, 04:53 AM |
Re: أمل هباني تكتب عن بطاقة الخدمة الإلزامية الغبية | ياسر يس النور | 06-03-06, 01:01 PM |
Re: أمل هباني تكتب عن بطاقة الخدمة الإلزامية الغبية | nazar hussien | 06-04-06, 04:08 PM |
|
|
|