|
مكالمــــــــــــه هاتفيـــــــــــــه
|
نيفين : الو مساء الخير ممكن اكلم كيكوى...
كيكى : الو منو معاى (اندهاش وترغب من ذلك الصوت الناعم)
نيفين: معاك نيفين
كيكى : هلا هلا مرحب مرحب والله انا مامصدق كيفك وشو اخبارك والله سعداء لسماع صوتك
نيفين : اهلين بس اعذرنى اذا نطقت الاسم خطأ
كيكى : لا ولا يهمك انا طبعا اسمى عبد الكريم لكن ما مشكله قولى اى حاجه كيكوى..كيكى ..ككو
كاكا اى شىء ما مشكله..
نيفين : ممكن اذا ما فى ازعاج اتحصل على رقم جوال الاستاذ عبد الرحيم (ودرمليه)
كيكى : (بعد صمت وتفكير..وصدمه وزعل) ليه فى حاجه خير
نيفين : لا اصلا ود رمليه ده انسان فنان مرهف وكاتب وانا ودى اشكره وعاوزه اكلمه
كيكى : ده منو القال ليك والله انا بعرف اكتب احسن منه الف مره وانا شاعر وكاتب وقاص وراو
ود رمليه ده مابعرف يكتب وبعدين انا متميز عنه فى كله شى حتى لو قلتى رقم جوالى احسن من
رقم جواله..
نيفين : لا ابدا ودرمليه هذا انسان فنان ومبدع وصاحب قلم رشيق وكتب عنى كلام جميل وانا اشكره
كيكى : (حزينا ) طيب .....53
|
|
|
|
|
|
|
|
Re: مكالمــــــــــــه هاتفيـــــــــــــه (Re: ضحيه ابراهيم)
|
شكرا الاغ ضحية رئيس فرقة الشتات المسرحية... ولكن انت طلعت اكبر بتاع شمارات في الشرق الاوسط..والعالم الثالث.. هذه المكالمة صحيحة..تماما واعترف لك بكل شجاعة الا انك تبدو كما صحافة حسين خوجلي تماما تفبرك الاحداث وتزيدها موية وتكب فيها توم وشمار يا بتاع الشمارات.. ياحسن خوجلي..
ولك وللتاريخ سوف اوريك التفاصيل المملة لهذه المكالمة الملغومة...
ويلا اقراء...
الو........... ممكن اكلم..(كويكي)... .صوت من الفردوس (يا اخوانا)..وصدي ورنيين رائحة (امراة العزيز) وصهيل (كيلوباترا) ....اذن انا ثمل اليوم ثمل.... فقد سمعت اذناي صوت عرائس النيل..... وانا جسمي تتقاذفه وتشويه شمس الصحراء وروحي تلهبها رمال الصحراء .. التي تمتزج بنفط قطر ورائحة غازاتها..الثمينة......
ايوه........انا (كويكي)...حتي ان لم اكن ...ساكون... وساغير كل اوراقي في دفاتر الشرطة وعند نقطة الحدود..وادارة الهجرة وادارة عملي...وساذهب مرغما الي سفارة تلكم السلطة الجائرة.. وادفع ضرائبي...واقول لهم....يا ناس هوووي ...(انا اسمي ......كما قالته هي.....).....
نيفين موريس....ماجمل الاصوات عندما تمتزج ام كلثوم ..مع فيروز...مع النيل..مع الاهرامات مع روح الاله امون رع ...ومع هيبة اخناتون................... شكرا بدر الدين....ساكسر كل الاقلام وامزق الاوراق... وساحضن التلفون عشما في ان ياتي صوت تلك التي تبحث عن (كويكي).......
| |
|
|
|
|
|
|
Re: مكالمــــــــــــه هاتفيـــــــــــــه (Re: ضحيه ابراهيم)
|
Quote: .صوت من الفردوس (يا اخوانا)..وصدي ورنيين رائحة (امراة العزيز) وصهيل (كيلوباترا) ....اذن انا ثمل اليوم ثمل.... فقد سمعت اذناي صوت عرائس النيل..... وانا جسمي تتقاذفه وتشويه شمس الصحراء وروحي تلهبها رمال الصحراء .. التي تمتزج بنفط قطر ورائحة غازاتها..الثمينة......
|
جنس بكاء ....
يا حليل زمان ياخى والله ذكرتنى بوستات حلوة شديد فى ذات الموضوع
ويا بنت عشرين والايام مقبلة ... ماذا تريدين من موعود خمسين
| |
|
|
|
|
|
|
Re: مكالمــــــــــــه هاتفيـــــــــــــه (Re: قرشـــو)
|
تحياتي قرشو وانت الظاهر عليك بكاي شديد. لكن انا لي حق مش ابكي بل اجقلب.. ياخي ياقرشو ده كان صوت رهيب وعجيب و مهيب..حاجة كده زي اقول ليك شنو موسيقي لا لا..المهم نقرشة علي الاضان عبر الموبايل فيها تون كده ورنة غايتو كدي الا الله يكتب ليك كده تسمعها وبعدين تعرف...
وبعدين انا موعود كم وثلاثين كده ,ما خمسين..حرام عليك..
| |
|
|
|
|
|
|
Re: مكالمــــــــــــه هاتفيـــــــــــــه (Re: ضحيه ابراهيم)
|
Quote: ايوه........انا (كويكي)...حتي ان لم اكن ...ساكون... وساغير كل اوراقي في دفاتر الشرطة وعند نقطة الحدود..وادارة الهجرة وادارة عملي...وساذهب مرغما الي سفارة تلكم السلطة الجائرة.. وادفع ضرائبي...واقول لهم....يا ناس هوووي ...(انا اسمي ......كما قالته هي.....).....
|
وبرضو تقول لى ؟؟؟؟؟
انت ياخى رفعت الراية البيضاء ...
تعرف يا صاحبى فعلا الصوت له سطوته ومن يقاوم الجرس الملائكى ؟؟؟ وبصراحة البعض يعرف كيف يموسق صوته حتى يدمر خلايا الاذن المستقبلة والعقل كذلك ويجعل القلب عبارة عن أذن كبيرة تريد أن تستمد من ذلك الصوت المدد ...
ياخى الله يجازى ضحية دى الفتح لينا النيران
اما موعود الخمسين فهو حبيب لنا هنا فاقك بكاء وجرسة ... يديك طول العمر يا سيدى وتسمع كثير واكثر ..
| |
|
|
|
|
|
|
Re: مكالمــــــــــــه هاتفيـــــــــــــه (Re: قرشـــو)
|
سلامات وعوافي ياريس المركب خلي الشباب يركب ياريس .. عدي بينا عدي بينا ياريس .. الزعيم ضحية ... نعيما للجميل كيكي بهذا الصوت الرخيم فهو باذن الله من اصوات الجنة.. بعدين الراجل تكبكب كما العريس في (الكوشة) .. يا لهذا الخمسيني العنيد ... ياقرشو والله نورة البوست ياخي بالله عليك الله خليك معانا بي جاي ما تمشي تعمل (يااااااع) .. وياع في قاموس الشارع تكب الزوقة.. ........ العراب انت الله يوريني في يوم عشان افتك زي صحانة البوش قلت لي :-
Quote: لكن الدور والباقى على الذين افردو بوست رمزى لبكاهم وانكسارهم |
هاهاهاهاها انت غايتو ما بتتبلا في خشمك فولة .. لكن تاني انا بدسو في بطني ..
| |
|
|
|
|
|
|
Re: مكالمــــــــــــه هاتفيـــــــــــــه (Re: بدر الدين الأمير)
|
العزيز بدر الدين الأمير
لك التحية
Quote: عجبى من قرشو
يبكى لبكاء الآخرين
كان حاتكون مصيبتناكبيرة لو كان سمع أو شاف |
ياخوى الما ببكينى شنو بس نحن نتضامن مع كل جميل ومع كل عاشق متيم للجمال وبعدين ياخوى جنس الصوت البوصفوه ده ما بخلى الواحد يبكى ؟؟؟؟ لكن بصراحة انا لو سمعت الصوت ده كان اغمى على وما كنت قدرت رديت اصله عشان كده انا بخاف من التلفون ده خالص ..
Quote: كم احب صدق البكاين وبكاء الصادقين حين يتنزل لعليهم الجمال يصبحوا
فى حالة توحد مع خالق الجمال |
احبك كده ياخى
| |
|
|
|
|
|
|
Re: مكالمــــــــــــه هاتفيـــــــــــــه (Re: ودرملية)
|
العزيز ودرملية
لك التحية
الله ينور عليك ياخوى والبوست منور بالاصوات الملائكية التى اثارت كل ذلك اللغط والكبكبة.. والله يا سيدى انا لو بلقى بوستات زى دى ما امرق منها اصله
بس وين الناس ياخى البتسعد الاخرين بى زى الكلام ده ...
الله يديك العافية
وعليك الله فتو ؟؟؟؟
هااااااااااااااااااى
| |
|
|
|
|
|
|
Re: مكالمــــــــــــه هاتفيـــــــــــــه (Re: معتصم الطاهر)
|
Quote: وواحد ماسكو ابو الشهيق فى ظهرو ألبعَو |
ده ضحية ....عرفنا..
Quote: وواحد قبض العصفورة و ربنا متعو |
وده كمان..عرفنا (زول بتاع شركة ترجمة)
Quote: وواحد الصوت بس ترتعو .. |
وده واضح انو المقصود ودرملية وفيصل عباس...
Quote: واحد يبكى ولا أحد يسمعو |
ده غايتو ما عرفنا لكن تحت تحت كده قالو ده (قرشو)
| |
|
|
|
|
|
|
Re: مكالمــــــــــــه هاتفيـــــــــــــه (Re: بدر الدين الأمير)
|
الحلوين كلكم تياتى..
فيصل عباس الزمن ده الزول كان قال ليك بقتلك بتنسى ..لكن قال ليك بديك مابتنسى
بالله عشره ربالى سريع.......... الجميل معتصم الطاهر..انا غايتو عارف نفسى لاعندى ابشهيق ولاعصفوره
قرشو اللذيذ نورت قريقنا ...ومرحبتين بالطله يا اجمل الحلوين..والبكايين
| |
|
|
|
|
|
|
Re: مكالمــــــــــــه هاتفيـــــــــــــه (Re: ضحيه ابراهيم)
|
الى بدرالدين الامير...............
عاجل قف..
لقد تغيب اليوم عمدا والبعض الاخر لظروف نفسيه عن البروفات الرسميه لفرقة شتات المسرحيه.
السيد الامين العام تغيب وادعى المرض لكن افادت بعض المصادر انه الان جارى التحقيق معه بسبب
تلك الصوره الشهيره والتى احتفظ هو بنسخه منها لزوم(بل الريق) الا ان وزارة الداخليه عثرت عليها
وسط الاغراض الخاصه .
اما المدعو كيكى فقد تغيب عمدا متحججا بغياب الامين العام الا ان المصادر افادت بانه شوهد يتمشى
حول سور النادى الديلوماسى يسترق النظر ويبكى حنين تلك المكالمه.
اما الفنان ود رمليه فهذا ملفه سوف يصلك لاحقا بكل التفاصيل..
يوسف سعد الله ما يجيب يوم شكرك ...
| |
|
|
|
|
|
|
Re: مكالمــــــــــــه هاتفيـــــــــــــه (Re: عبدالكريم الامين احمد)
|
كويكى
ادعى المدعو ضحيه انه تغيب عمدا والحقائق والمعلومات تقول ان الشبل يوسف
قد مرر له الصورة التى حكى ضحيه عن مالحق بالسيد الامين العام بسببهابعد
عثور يوسف عليها المهم كيف يمكن الآن بعد نشر الولد الشقى للصورة العثور
على السيد الامين العام محمد السنى دفع الله ومعه الشهيد قرشو
| |
|
|
|
|
|
|
Re: مكالمــــــــــــه هاتفيـــــــــــــه (Re: عبدالكريم الامين احمد)
|
شاديه عبد الرحيم (عبد المنعم)
مساءا متشح بالبكاء
نصيحتى ليك يا اختى امشى بعيد.. انتى زمانك فات وغناييك مات..
ولياقتك الشايفه دى (بلى ماتلعبك) مش عمره ..ده لو ركبتى مكنه جديده كرت مع ناس نيفين ديل
ما بتاكلى عيش..ماشايفه اليومين ديل ناس يوسف وودرمليه وكيكى كبو الزوقه وكبرو اللفه ونسوا
اللقيمات..
| |
|
|
|
|
|
|
Re: مكالمــــــــــــه هاتفيـــــــــــــه (Re: قرشـــو)
|
شنو ياجماعة البتعملوا فيه ده غلط الاضاءة غلط يعني ياشيكومايا ماعرفت تعالج الصورة كويس توزيع درجة اللون غلط توزيع درجة الظلال غلط حتى النور المنعكس من وجهها غلط يا شاشة الجهاز الخاص بي غلط يا أنتوا غلط لانو نيفين أجمل من كده الصورة فيها حاجة غلط الصورة اجمل وماتنسو الروح واه من الروح تحس بيها أختك او صديقة من زمن بعيد محفور في حلم متأمل جمالي .. أه من الروح ياجماعة بتصدقوني الصورة دي ماصورته الصورة دي شـــــــــــــيــــنــــة شـــــــــــــيــــنــــة عديل أنا متأكد في حاجة غلط !!!!!!!
| |
|
|
|
|
|
|
Re: مكالمــــــــــــه هاتفيـــــــــــــه (Re: بدر الدين الأمير)
|
Quote: رنّ فى الأذن صوتها بخشوع فأثار الغرامَ بين iiالضلوع وفقدت الصواب حتى iiكأني هيكل بين "ربيعة iiشموع"
|
قرشو لك السلام...يا رفيق البكا والنحيب... والجماعة ديل كانو يخلونا شغاليين راديو بس..لانو التلفزة الظاهرة عليها اضاءتها كتير... لكن برضو الصوت لسع مدروخ اخوك..وعامل ليهو وجع عجيب
اي صوتا زار بالامس خيالي..
| |
|
|
|
|
|
|
Re: مكالمــــــــــــه هاتفيـــــــــــــه (Re: اساسي)
|
تلقيت مكالمه الان من الاخ كيكى الذى هو فى محنه هذه الايام بسبب هذه المكالمه بينه ووزارة داخليته وعليه فرض عليه حظر اجتماعى ومنع من دخول النت لمدة اسبوعين (طبعا بعد اسبوعين حيكون فى السودان) وكذلك تم منعه من مشاهدة جميع الفضائيات العربيه عدا( السودانيه) وديسكفرى.. واقرا و(توم&جيرى) وايضا تم مصادرة هاتفه النقال وتم تزويده برقم خاص اخر فقط للاتصال والامور الهامه وهو الان يطلب الوساطه انا بدورى ساحوله للاخ بدر الدين الامير (بس جيب معاك ملف القضيه)
| |
|
|
|
|
|
|
Re: مكالمــــــــــــه هاتفيـــــــــــــه (Re: ضحيه ابراهيم)
|
قرشو الجميل ..قصيده حلوه زى حلاتك يا بكاى (انت صيوان بكاء عديل كده)
يوسف سعد: يا ولد هوووووووووى انت يتنكت المشاكل دى من وين (اماندا دى شنو كمان ونحنا نيفين
كنا قايلنها اسم عربيه ولا لعبه ولا حاجه كده.......(كدى خلينا فى سكرة نيفين دى بعدين نشوف
اماندا..
اساسى الاساسى انت برضو لحقت الجماعه ..مكتر مناديل الورق يعنى .شكرا على الطله والمفاجأت
لسه فى الطريق ..امسكو الخشب.
| |
|
|
|
|
|
|
|