|
|
 Re: استغرابات... هل موازين عقلي تحتاج إلى وزنه جديدة؟؟ (Re: Osama Ahmed)
|
الأخ أسامة أحمد.. تحياتي..
Quote: اذا لم يستغرب عقلك من قبل حرمان اللاجئين الفلسطينيين من العودة الى بلادهم فلا يجب
ان يستغرب هذة الاستغرابات،
- بي ياتو منطق قسموهم الطلع بعد حرب 48 والطلع بعد حرب67 وسكان المخيمات ماعندهم حق
وكده، لكن الادهى والامر انو اليهود من كل مكان عندهم الحق يمشوا -يعيشوا في أرض الميعاد-
يعني الفلاشا الأثيوبيين الـ عمرهم ماشافو الحته ديك عندهم حق اكتر من واحد جد جد ...
جدو اتولد في فلسطين.
- اذا ما استغرب عقلك حصار الرئيس السابق-رحمه الله- وتهميشه من قبل امريكا والغرب لوقفته
في حق اللاجئين للعوده لوطنهم بعد أن تقوم دولتين في دولتهم-نظام رضينا بالهم- ، ووفاته
المريبه فما مفروض تستغربي هنا |
انا طبعا بحب الأمور تكون محدده جداً.. وعشان ما نغوص مع بعض في أبعاد انا ما جبت سيرتها.. خليني أعيد تأكسد موضوع البوست... الموضوع عن انه حماس جات بديموقراطية.. ما عندها معاها مشكلة.. أهلاً بيها.. لكن من حق الدول انها تقرر انها تتعامل معاها ولا لأ...موضوعي ما اللاجئين.. ولا قاعده أشكّر في اسرائيل.. ولا قاعده أهتف لأمريكا... ياسر عرفات الله يرحمه ويغفر ليه... وما بجوز في حقّه سوى الرحمه.. لكن اسأل الفلسطينيين في الشارع ساي عن الزول ده، ما تسأل السياسيين.. حتعرف قدر الزول ده عندهم... انا عشت في الأردن.. أكبر تجمّع في العالم للفلسطينيين... ورومانس الإعلام ده راح منّي.. يعني عايشته همومهم وعارفه انها بأي حال بعيده كل البعد عن ما تتصورنه..
| Quote: تقريبا من اتفاقيات اوسلو ان على امريكا والغرب دعم السلطه الفلسطينيه ومساعدتها في بناء مؤسساتها، وامريكا هي التي كانت تصر على قيام الانتخابات |
ما تقريباً... ده فعلاً نص اتفاقيات أوسلو... بس الاتفاق بكون عادة نص بإلتزامات من الطرفين..الامريكان والغرب التزموا بإنهم يدّوا الحكومة الفلسطينية قروش... لكن بالمقابل البند رقم واحد من الاتفاقية انه الحكومة الفلسطينية تعترف بإسرائيل... يعني ببساطة ما ممكن تكون الخطة المعلنة للحكومة انها ما معترفة باسرائيل.. وانها بتتبنى الجهاد ضدها.. وفي نفس الوقت تستمر أمريكا والدول الغربية في إمدادها (بالقروش)!
| Quote: ايوه حصار، امريكا ما عاوزه تدفع خلاص بي عافيتها تمشي، لكن تجبر كل البنوك وتضغط على الدول المحيطه بحيث ان كل التبرعات القادمه من الحكومات ومن الشعوب ما تتحول عن طريقها طيب يكون الحصار كيف والاستغراب كيف! |
ما هو السبب الخلا أمريكا ما تدفع بديها الحق (على الاقل من وجهة نظرها) انها تحمي أي قروش تصل للناس ديل.. بعدين ليه تفتكر انه الدول دي مغلوبة على امرها؟ مصر لما زاروها ناس حماس ما قابلهم ولا مسؤول مصري... هديل السوريين قادين يلموا في القروش للشعب الفلسطيني.. حتى الامريكان والدول الأوروبية بحاولوا انهم يوصلوا القروش لعبّاس باعتباره ما زول أهوج زي الناس ديل... كوفي عنان اتبرّع مافي زول قالوا ليو ليه اتبرّعت.. مافي أي شي بترتب على انك تدي الفلسطينيين قروش يا اخ أسامة... بس الدول الانت بتتكلم عنها دي، جبانة
| Quote: أسه ده براهو ما أكبر استغراب يعني الناس بي جه تتكلم عن الحقوق وانو حقك ده تقاوي وتقلعوا وبي هنا الناس تحن للمعاناه وتعترف وتسيب وطن كامل.. ارض.. طيب التحرير ده حايجي بالساهل كده بدون دم وموت والوعد الحق ده |
انت لسه بتحلم بالتحرير؟ التحرير ده حتتحرروا كيف كان القروش زاتها باتخدوها من الغرب!! بعدين الناس اعترفوا زماااااااااااااان ... ووقعوا... والعرب اتسابقوا عشان يكونوا في سلام مع اسرائيل... الفلسطنيين زاتهم لو لقوا طريقة ياخدوا الجنسية الاسرائيلية ما بترددوا.. وحلم الفلسطيني في الحياة انه يشتغل في اسرائيل.. يا اخوانا الفلسطينيين ديل ناس كده زينا.. لما تضيق بيهم السبل بفتشوا للحياة الرغيدة...
| Quote: امريكا لا تدفع - هذا شأنها- ولكن الغريب تحريض الدول العربية والاسلامية على عدم الدفع |
والأغرب انه الدول الاسلامية العايزه تحرر القدس تسمع كلام أمريكا وتسيب الفلسطينيين يجوعوا! ولا شنو؟
| Quote: واذا كانت حماس ترفض هذه الاتفاقيات وترفض الاعتراف فلهذا اتى بها الشعب بعد أن رأى كيف تهمش وتأتي بحكامه، |
برضه خير وبركه اخي اسامة.. لكن هل تعلم ان اتفاقيات اوسلو الما معترفين بيها دي هي الأدت الفلسطينيين غزّة وأريحا وحكم وحكومة؟ يعني حماس قاعده تلغي في وجود الحكومة زاتو! ولا الحكومة دي بتقوم كده في الهوا..
مع تقديري...
بنت الحسين..
|
|
 
|
|
|
|
|
| العنوان |
الكاتب |
Date |
| استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-16-06, 02:32 AM |
| Re: استغرابات... هل موازين عقلي تحتاج إلى وزنه جديدة؟؟ | أحمد الشايقي | 05-16-06, 02:44 AM |
| Re: استغرابات... هل موازين عقلي تحتاج إلى وزنه جديدة؟؟ | Mohamed E. Seliaman | 05-16-06, 02:57 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-16-06, 03:15 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-16-06, 03:07 AM |
| Re: استغرابات... هل موازين عقلي تحتاج إلى وزنه جديدة؟؟ | عبدالغني كرم الله بشير | 05-16-06, 03:23 AM |
| Re: استغرابات... هل موازين عقلي تحتاج إلى وزنه جديدة؟؟ | bint_alahfad | 05-16-06, 04:39 AM |
| Re: استغرابات... هل موازين عقلي تحتاج إلى وزنه جديدة؟؟ | عشة بت فاطنة | 05-16-06, 05:07 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-17-06, 01:17 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-16-06, 05:32 AM |
 Re: استغرابات... هل موازين عقلي تحتاج إلى وزنه جديدة؟؟ | AMNA MUKHTAR | 05-16-06, 05:08 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-17-06, 01:17 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-16-06, 05:11 AM |
| Re: استغرابات... هل موازين عقلي تحتاج إلى وزنه جديدة؟؟ | Osama Ahmed | 05-16-06, 05:16 AM |
| Re: استغرابات... هل موازين عقلي تحتاج إلى وزنه جديدة؟؟ | bint_alahfad | 05-16-06, 07:13 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-17-06, 01:58 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-17-06, 01:17 AM |
| Re: استغرابات... هل موازين عقلي تحتاج إلى وزنه جديدة؟؟ | Osama Ahmed | 05-16-06, 08:21 AM |
| Re: استغرابات... هل موازين عقلي تحتاج إلى وزنه جديدة؟؟ | الزوول | 05-16-06, 08:44 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-18-06, 01:31 AM |
| Re: استغرابات... هل موازين عقلي تحتاج إلى وزنه جديدة؟؟ | Osama Ahmed | 05-17-06, 03:33 AM |
| Re: استغرابات... هل موازين عقلي تحتاج إلى وزنه جديدة؟؟ | مريم بنت الحسين | 05-18-06, 01:42 AM |
|
| |
مريم بنت الحسين
فيس بوك
تويتر
انستقرام
يوتيوب
بنتيريست