|
|
 الذئب ما بسمع الكلام .... وروسيا ما بترضى الحقاره
|
الزول اب صلعة ده فشانى والله ... الله يديه العافية ...
ظلت امريكا تبرطع على كيفها فى العالم تضرب ده وتشوت ده وتحظر ده وتحتل ده وتغير نظام ده ومافى زول بقدر يوم بغم (بكسر الباء فضلاً والباء ليست تلك وردت فى الحديث بل الحرف ) لحدما افتكروا انه الدنيا دى كلها حديقة خلفية لامريكا ...
وقول كدى يا تشينى الارهابى قوم اهبش روسيا وقال انها حادت عن الديمقراطية وانه بتستغل مقدراتها النوويه للابتزاز وقام بوش تابعه ووافقه فى الكلام ... اها الكلام ده زعل بوتين الحمل الوديع وقام كده اتذكر القياصرة واتذكر ناس لينين ورفاقه واتذكر فجأة انهم كانوا الاكثر تأثيرا فى العالم فرمى فروة الحمل الوديع وارتدى جلد النمر الشرس وكشر عن انيابه وقال محل رهيفة التنقد ولكن بدبلوماسية رفيعة قال للامريكان : هوى ارعوا بى قيدكم والا بنخته قرض هسع دى ...
هع ... عفيت منك يا اب صلعة ...
الكلام بالعربى الفصيح فى الرابط ده http://www.aljazeera.net/NR/exeres/0B7DB2A4-0A64-4AE5-9AC8-FCD121230C5C.htm
|
|
 
|
|
|
|
|
| |
قرشـــو
فيس بوك
تويتر
انستقرام
يوتيوب
بنتيريست