جهـاز للعجـز الجنســي يغزو اســواق الخرتــوم
قريت في جريدة السوداني.. اعلان عن جهاز,,وصل الخرتوم او سوف يصل الخرتوم....وهو جهاز للضكور الذين يعانون من عجز جنسي..وتقول الدعاية" لمرضي القلب والسكري...والدغت....والرطوبة.. والروماتزم.... وكبار السن.....جهاز شنو كدي ما بعرفو..... يعالج العجز الجنسي بدون اعراض جانبية..... احجز حبتك من الان"....اولا استعجبت في الامراض الكتيرة المكتوبة دي... وبعدين يجو يقولو العجز الجنسي... اها يا اخوانا الللف والدوران لزومو شنو؟؟؟.....من اللول قولو للعجز الجنسي..... للضكور.... لانو يا اخواني في نسوان برضو عندهن سكري ودغت ...اما الرطوبة دي الله يسعلني الخرتوم كلها تعتب وتضلع.. مافي زول ما ماعندو رطبة... اها حسي جهاز الجن دا ان لمت فيهو انتاية عنده رطوبة ودايرة تعالج روحا تسوي كيفن؟؟....يا اخوانا عليثكم الله ما تغشو خلق الله..... انتو وقت خجلانين منو جايبنو لشنو؟......وبعدين اوعكم يكون جهازكم دا شغال بالكمبيوتر؟؟...... وداير شحن و داير اسكراتش...وتحويل رصيد....؟؟؟... يقوم زول من ناسنا ديل وهو في امان الله....يقوم رصيدو يكمل عليهو في نص الدرب.... ويبقى في التخارجو من الهو فيها..... واللا الجهاز يقعد يكورك ويصحي ناس الحلة.. والمصيبة يقوم الجهاز ينضم ويقولو" ان رصيدك غير كافي لاتمام هذه العملية".....والزول يبقى متضايق بالحيل.. والرصيد يقطع.... تمشو من ربنا وين؟؟؟....حليلنا منكم يوم الموقف العظيم... في تحقيق وحوار مع المواطنين ذكر مواطن:- "وبعدين الجهاز دا....انا كان عرفت؟.....دايرين يربطوهو وين؟....علا يولفو ليهو كرسي زي كرسي مكنة العربية.....لكن كونو يغزوهو في فتحة الشرج زي ما سمعتا..... قطع شك مافي راجل من رجالنا ديل بيشتريهو.... علا بالدس.....والله نحن جهاز ما يتربط في الضارع في الليد زيو وزي السكين... ما يحوم علينا ولا بنشتريهو....اما جهازكم دا...... ودوهو لي غادي.... لبنان وكدي.. نحن حرم....ان قعدنا بلا ولادة.. زي دا ما بنحومو علينا.....افو.. انا اخو السمحة....بعد الشيب دا وبعد العمر دا.. تبقى علي دي؟".... وقال احدى المواطنة:- " يمين اعرف ابو وليدات عندو النصيبة.... من دغش الرحمن اتقنع توبي وامشي بيت ابوي.." ثم سرحت المواطنة الكريمة وقالت بصوت خفيض....."علا اكان فيهو نفع يا زول اليسويهو بس انا ما اشوفو"... وذكر احد المثقفين" ان الاستلاب الثقافي اخذ يتمدد فينا من راسنا حتى الحتة البيغزو فيها الجهاز... ان ثقافتنا في خطر.. حتى ثقافتنا الجنسية.... مهددة بالانقراض... طالما بدأت الثقافات الدخيلة تدخل باجهزتها ..وتصوط فينا من فوق لتحت...." ثم ذكرت احدى الطالبات:- "والله يعني لو الجهاز ما عندو مضار مالو؟..... اليسويهو....وممكن الزوجة المتفتحة والواعية.... تسويهو ليهو هي بنفسها.. بدل ما يحوم فوق نسوان الحلة شايل جهازو في ايدو وداير واحدة تغزو ليهو؟..... اصلا الحياة الزوجية تفاهم...والناس لما يتفاهمو....الحالة بتبقى واحدة" وعن سوعالنا لها " هل تتزوجين رجل يستعمل الجهاز دا؟" قالت وهي تصر " منو؟ انا؟ بري يا يمة.....الله لا قسمو لي... اها اكان قام الجهاز دا خرب ساكت.. نقعد نتمحن ايدنا فوق خشمنا....لمن يجيبو ليهو قطعة غيار من بلاد برا؟"..... وذكر الدكتور نغمشة احمد نغمشة" الحقيقة الجهاز دا ممتاز جدا......والغريبة لقو ان بينفع الاسهالات المائية برضو.......لانو فيهو صمام بيفتح كل اربعة وعشرين ساعة"...... ثم ذكر احد الشماشة"تعرف يا فردة دا قالو في السلك... لكن يا فردة المصيبة يقوم الواحد يتعود عليهو.......؟؟" وذكر احد المواطنين" يا زول نحن مشكلة العجز الجنسي العندنا مو مرض... يا زول نحن ما فايقين ما فاضين جارين من الصباح ونرجع بيوتنا انصاص الليالي....والزول كل اكلو اليوم كلو فول.....عليك الله تاني فيهو مصاورة؟ واللا معافرة؟....والله يا استاذ وماك طالبني حليفة... نحن الشي دا الاسمو الجنس ما بنتظكرو علا شافع في الحلة يسرخ....ورقبتنا نساناهو...... عليك الله جنس الحالة النحنا فيها دي؟ حالة جنس.؟.. اكان مو قلة ادب مننا ساكت؟.....خلي الحكومة تريحينا وتكلنا سمح.....اها الوقت داك كان قصرّنا لومونا" وقال احد الاخوة الجنوبين " هو جهاز دا... بيسوهو وين؟"" وعندما وضحنا له..... لقيناهو قام صوف....وهو يردد" والله ارب ديل هقارين كلاس"... دعوة كريمة:- صاحبي دينق.. تعال هيّص

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]