|
1706 وحكومة الإنقاذ أمران أحلاهما مر!!!
|
قبل ما نجي ل 1706
الحال في دارفور وصل الحد
قتل تشريد ،عدم استقرار مأساة بكل معانيها
واقع حاصل أمام اعين الجميع لا يستطيع احد ان ينكره .
الآن
اهلنا فى دارفور أصبح لا يهمهم السبب الفوضى منو ولا حيثيات الصراع والكلام الكتير داك.
من المسئول عن إيقاف هذا النزيف ؟؟؟
دا السؤال البهم اهلنا فى دارفور
المسئول الأول هو نظام الإنقاذ عن استمرار الفوضى فى دارفور.
النظام دا لا يجيد غير عقد الصفقات كسياسة لحل الأزمات الداخلية وفشل النظام تماما فى عقد صفقة مقنعة لحل الأزمة فى دارفور ودي حقيقة مطلقة
وعشان دارفور وأهلنا هناك لازم نكون حقانيين يعني ما نلعب بالبيضة والحجر
1706 ليس إلا امريكا بكل جبروتها فى ثوب الواعظ الباحث عن السلام
يعني ما في اتفه من انك كإنسان تجد نفسك فى موضع اختيار بين الإنقاذ وأمريكا
1706 بالدارجي كدا احتلال امريكي دي مسألة مجرد محاولة تجميلها حيكون شغل بتاع استهبال ومتاجرة بأهلنا المساكين فى دارفور.
اذا عايزنهم يختاروا بحق فاليختاروا وهم عارفين كل حيثيات الاختيار دا. لانو من حقهم يمتلكوا الحقائق كاملة دون تغييب . الناس دي تعبت بالجد عايزين 1706 يعرفوه كويس بعني شنو بدون لف ودوران ومحاولات تزيين من ناس بتأكل عيش وبتأخد اتعابها مقدما من اونكل سام ما معانا.
الانقاذ مسئولة مسئولية كاملة عن الحصل والبحصل في دارفور ايوه وتستحق الابادة بسبب تقصيرها دا
لكن هل امريكا هي من تأخذ لاهل دارفور حقهم وحقنا وهل بالفعل تستطيع ان تحمينا من الانقاذيين وتضمن لنا العيش بكرامة وسيادة مطلقة ؟؟؟؟
Guys come on grow up
عايزين اهلنا ديل يرحبو بالفتح الامريكي خليهم يرحبو بفهم مش يتخمو سااي على الاقل يحددو نسبتهم فى الغنيمة من اسي قبل اكتمال الاستعمار الامريكي وسيطرته على المنطقة ككل.
مش يضربوها تحت تحت ناس 1706 براهم.
ولا شنو يا اهلنا ؟؟؟
|
|
|
|
|
|