|
|
 يا بت يا مكسيكي
|
يا بت يا مكسيكي
1
يا بت يا مكسيكي
يا لون البرونز
يا حلوة العينين
وّقفت حال الناس
الله يجازيكي.
2
بعزفلك ألحاني
جايات من أم كيكي
واعزم جمال عينيك
في يوم أغديكي
وأكبلّك سلطة
في صحن كلاسيكي
أو عينة من دمعي
في كيس بلاستيكي
علشان تحٍنن قليبك
أو تبكٍيكي
أطلبلك ألف طلب
في مطعم أمريكي
ولمن يساءلوني
جنسيتك من وين
حأقولهم يا اخوان
اني لمكسيكي.
3
متى يوم تحني على
تحكيلي واحكيكي
نتلم يوم في بكان
لى حبي أغريكي
حتى ولو جاني
ذات يوم سعال ديكي
أديكي كم نكتة
علشان أسليكي
واندهلك الصلاح
يا بنية المكسيك
الله يخليكي.
4
لو يوم غلطت معاى
الله حايهديكي
الحب يفرهد كمد
وتمشي معاى للبلد
بين النخل والمُقد
وغنا الدباس والسقد
وغنمن تباريكي
ولمن يجيبوا الأكل
والشطة ديك والبصل
ومعاها حاجات تخينة
جات من تُكل
أقطع وأديكي
وتقولي لى دا شنو؟؟
حالا أجاوب سريع
يا بت يا مكسيكي
يا بنية أنا شايقي
منتلٍح الويكي.
|
|
 
|
|
|
|
raheemsudani
فيس بوك
تويتر
انستقرام
يوتيوب
بنتيريست