|
نصائح مفيدة للتخلص من (الكرش)
|
الكرش وما ادراك ما الكرش ذلك التضخم الذي يفاجئك في لحظة ما قد تكون عند انحنائك لربط الحذاء او بعد اكلة متينة فتمسح يدك علي بطنك او عندما ترغب في التقلب في الفراش
اقول فجأة تكتشف هذا التكور وتقول اليللللللللللللللة دا شنو؟؟ متين ؟؟؟ وكيف اها يبدا الهم يلازمك ما تقدر تشك في الحفلات او الشغل وتبدا باقتناء الشباشب والشباطة وتبدا في التهيؤات والهلوسة، تشوف بتين بتونسو براهم تتخيل طوالي انو واحدة بتقول لي التانية مسسسسسسسسسج شوفي زي دا هسي ، ود صغير وكرشتو زي الشهر السابع,,, او ينادوك الناس بي البرميل او ابو الاولاد... وووو
الحالة: فوجئت باني من اصحاب الكروش وليت لي قروش لكان الوصف : راحة وترطيبة لكن الفلس مع الكرشة بدي بعد ماساوي للمنظر الخارجي للبني اد
الحلول: 1. قالو اعمل رياضة وخاصة سباحة: بديت في الحل دا لكن من اول يوم تعب وتمزق وفتر 2. قالو خلي البيبسي خاصة البارد: لم استطيع بعد اكلة دسمة ان لا اشرب البيبسي 3. قالو اشرب موية دافية: طممت بطني 4. قالو اتمشي ساعة كل يوم: لقيت يومي كلو نص ساعة من الزحمة وكترة الشغل
اها الحل يبقي وين؟؟ ممكن تدلوني علي حل للتخلص من هذا اللانتفاخ الغير مرغوب فيه بس ياريت لو كان بدون تعب
|
|
|
|
|
|
|
|
|